Регион

Бугарија и Романија влегуваат во половичен „Ер Шенген“

Романија и Бугарија постигнаа договор со Австрија за приклучување кон европската Шенген зона по воздушен и морски пат од март 2024 година, а разговорите за копнените граници треба да продолжат следната година.

Романија и Бугарија постигнаа договор со Австрија за приклучување кон европската Шенген зона по воздушен и морски пат од март 2024 година, а разговорите за копнените граници треба да продолжат следната година, соопшти во средата романското Министерство за внатрешни работи.

Пред една година, на состанокот на министрите за внатрешни работи на ЕУ, Австрија се спротивстави на проширувањето на Шенген зоната за Романија и Бугарија, тврдејќи дека илегалната имиграција е сè уште превисока и дека двете земји, пред да се приклучат, мора да направат повеќе за да го спречат тоа.

Откако се согласија на построги мерки за безбедност на границите и ја добија поддршката од другите земји од ЕУ, Австрија делумно попушти, предлагајќи фазен влез. Решението е она што австрискиот министер за внатрешни работи Герхард Карнер го нарече „Ер Шенген“.

Романија и Бугарија се на главните патишта на нелегалната трговија со оружје, дрога и луѓе, но Европската комисија соопшти дека темелната истрага покажала дека двете земји сè уште ги исполнуваат сите шенгенски услови.

Букурешт вели дека австриското противење е неоправдано, повикувајќи се на податоци од граничната агенција на ЕУ, Фронтекс, кои покажуваат дека илегалните мигранти главно влегуваат во ЕУ од Западен Балкан, а не од Романија.

Народната партија, владејачката конзервативна опција во Австрија, со години ја заснова својата кампања на борбата против илегалната имиграција.

Екстремно десничарската Партија на слободата, која има сличен став за миграцијата, води во анкетите пред парламентарните избори следната година. Романскиот премиер Марсел Чолаку го поздрави делумниот договор за пристап.

Живот

10- годишно дете од САД си пресудило по малтретирањето на училиште-родителите 20 пати се жалеле

Десетгодишно момче од Индијана извршило самоубиство откако наводно било ужасно малтретирано на училиште, додека неговите родители тврдат дека 20 пати се пожалиле во училиштето.

Семи Теус се самоубил на 5 мај, а според неговото семејство бил малтретиран до ноќта пред смртта.

Неговите родители Сем и Никол тврдат дека момчето било физички и психички малтретирано на училиште, а наводно неодамна го претепале во училишниот автобус.

Малтретирањето започнало минатата година кога тој се префрлил во училиштето, пишува Дејли Мејл.

Според семејството, Сем 20 пати им кажал на наставниците и на другите вработени во училиштето за злоупотребата.

„Најпрвин го исмејуваа поради очилата, потоа поради забите. Тоа траеше долго. “, рече таткото на Семи.

Злоставувањето потоа станало физичко.

„Го претепаа во автобус, децата му ги скршија очилата. Се јавив во училиштето, ги прашав што ќе прават во врска со тоа, стануваше сѐ полошо и полошо“, рекол таткото.

Според него, училиштето знаело што се случува, а злоупотребата низ училиштето и во автобусот се проширила на социјалните мрежи.

Училиштето соопштило дека неговите родители ја пријавиле смртта како самоубиство и ги истражуваат тврдењата за злоупотреба.

Истрагата продолжува.

Регион

Скандалозен исказ на таткото, кој ги држел своите деца како заложници и пукал со калашников

Алекс Марку (40), кој ноќта меѓу вторникот и средата во Драч со часови ги држеше како заложници во станот своите две мали деца, додека пукаше со калашников, дал изјава во полиција.

Алекс Марку (40), кој ноќта меѓу вторникот и средата во Драч со часови ги држеше како заложници во станот своите две мали деца, додека пукаше со калашников, дал изјава во полиција и тврди дека направил сѐ за „да ги заштити децата од љубовник на жената“, објави Политико.

Марку рекол дека имал проблеми со сопругата и дека, како што тврди, таа нашла друг маж.

Таткото, кој испукал најмалку 18 истрели во станот и од балконот во Драч, тврдел дека ги зел децата „за да ги држи подалеку од момчето на жената“. Потоа, како што тврди таткото, „новиот дечко на неговата сопруга дошол да го нападне“.

Потоа, како што рече, со калашников излегол на терасата.

„Четири дена бев во стан на плажа со моите деца и сѐ беше супер. Жена ми побегна во Италија и малку се каравме. Последен пат кога се скаравме, таа отпатува за Италија и јас ги зедов децата и дојдовме во Драч.“

Марку рекол дека сѐ ескалирало кога „љубовникот дошол кај него“.

„И тогаш нејзиниот љубовник доаѓа да ме нападне во куќата и затоа пукав. Не сакав да има врска со децата. Го однесов детето на тераса кога пукав, па можеше да види дека никогаш не сум бил насилен кон децата“, тврди таткото, кој беше уапсен вчераутро по неколкучасовни преговори.

Медиумите јавуваат дека децата, кои биле извлечени неповредени од станот, сега се со својата мајка и го напуштиле Драч.

Не се знае со каква казна се соочува таткото.

Живот

Аеродромски работник падна од авион- му се лизнаа скалилата кога сакал да излезе (ВИДЕО)

Еден од работниците на аеродромот во Џакарта паднал од паркиран авион.

Скалите со помош на кои требало да го напушти леталото се лизнале непосредно пред да излезе, а бидејќи не забележал – паднал на земја.

Инцидентот, наводно, се случил на аеродромот во главниот град на Индонезија, Џакарта (CGK), кога еден од аеродромските работници излегувал од Airbus A320 (PK-TLB) на TransNus (8B), објави Aviation24. Видео кое кружи на социјалните мрежи јасно покажува како работниците на аеродромот ги отстрануваат скалите за качување/симнување додека човекот го напушта авионот.

Без поддршка на левата нога, работникот испаднал од авионот и завршил на земја.

Иако не се знае многу за здравствената состојба на работникот, голем број на специјализирани воздухопловни портали и профили на социјалните мрежи пишуваат дека тој скршил неколку коски и дека неговиот живот не е во опасност.Aviation24 јавува дека индонезиските власти започнале истрага за инцидентот.

Прагот на вратата на Ербас А320 е повеќе од три метри над земјата.

притисни ентер