Регион

Церар за ,,малиот Шенген” : Добра идеја , но не може да биде замена за интеграцијата во ЕУ

На најавата за формирање балкански „мал шенген“ како најавено поврзување на Србија, Албанија и Македонија, чија цел е да се олесни преминувањето на границата за државјаните на овие земји, денеска реагираше словенечкиот министер за надворешни работи.

Министерот за надворешни работи , Миро Церар смета дека тоа е добра идеја, но не може да ги замени насоките на оние земји чија крајна цел е да се приклучат кон Европската Унија.

„Колку повеќе соработуваат овие земји, ќе се зајакне стабилноста, безбедноста, деловното опкружување и можностите за словенечките компании. Но, ние веруваме дека најдобриот начин за приближување на овие земји е да се приклучат кон Европската Унија “, изјави Церар на седницата на парламентарната комисија за надворешна политика, запрашан што мисли за споменатата регионална иницијатива.

„Словенија е за процесот на интеграција на овие земји во ЕУ и ние ќе продолжиме да го правиме тоа и во иднина. Самите овие земји не можат да ги постигнат истите ефекти како што можат во заедништво со Европската Унија “, истакна словенечкиот министер за надворешни работи во парламентот, каде одговараше на парламентарните прашања за тековните настани во меѓународното опкружување.

Во врска со одлуката на шефовите на европските дипломатии, кои оваа недела усвоија законска рамка за санкции против поединци и компании во Турција, и разгледувајќи ги интензивните односи на Словенија, Церар најави прагматична акција.

„Словенија мора да дејствува многу мудро, но повторно во согласност со нашата принципиелна позиција како членка на Европската Унија“, рече Церар.

Тој додаде дека Словенија и Турција имаат договор за стратешко партнерство и добра економска соработка.

„Ова е од големо значење за нашата економија и нашите општи односи со Турција, која е значајна регионална суперсила“, рече Церар, потсетувајќи дека заедничката словенечко-турска меѓувладина комисија се состанува во Љубљана.

„Добро е оваа соработка да продолжи и ние ќе ја искористиме оваа можност да размениме политички ставови“, рече Церар на седницата на парламентарниот комитет за надворешни работи.

Шоу биз

Пукотници во вилата на познатиот рапер Дрејк, застрелан член на обезбедувањето

Во вилата на познатиот рапер Дрејк дошло до пукање.

Полицијата моментално работи на случајот, а припадник на обезбедувањето на раперот е тешко ранет.

Според пишувањата на медиумите, чуварот најверојатно бил застрелан во напад од автомобил.

Тој се здобил со прострелна рана во пределот на градниот кош и бил во несвест кога пристигнала полицијата, пишува „CBC News“.

Свет

Јулија Навална остро за инаугурацијата на Путин: Нашата држава ја води лажго, крадец и убиец

Јулија Навална, вдовицата на рускиот опозициски политичар Алексеј Навални, денеска по повод инаугурацијата на Владимир Путин за претседател на Русија изјави дека неговиот режим се заснова на лаги и корупција и дека мора да му дојде крајот.

„За мене лично, последните шест години од владеењето на Путин беа годините во кои мојот сопруг, Алексеј Навални, вистински руски патриот, беше прогонуван, отруен со хемиско оружје, суден, мачен во затвор три години, а потоа убиен. “, рече Навална и го обвини рускиот претседател за сето тоа.

Како што рече таа во видеото објавено на Јутјуб, со секој негов мандат сѐ се влошува и додаде дека е страшно да се замисли што друго ќе се случи доколку Путин остане на власт.

„Секојдневно ни се крадат огромни суми пари за да се бомбардираат мирните градови“, им порача Јулија на руските граѓани и истакна дека Путин се плаши да ги открие вистинските бројки на жртвите на „крвавата и бесмислена војна што никој не ја сака освен него“.

Таа рече дека Русија со Путин „нема да има ниту мир, ниту развој, ниту слобода“, и дека тој го изневерил ветувањето дадено за време на последниот инаугуративен говор кога рече дека сака мирна Русија, безбедна за нејзините граѓани.

„Пред два месеци Русија доживеа масовна трагедија, еден од најголемите и најстрашните терористички напади во поновата историја. Руските безбедносни сили не успеаја да го спречат и дозволија десетици наши сограѓани да загинат. А сепак, секој ден мирно апсат поединци за новинарство, ставови или дури објава на социјалните мрежи“, рече Навална.

Таа додаде дека мора да се осигура дека никој во светот нема доверба во Путин, ниту во Русија, ниту надвор од нејзините граници.

„Нашата држава моментално ја води лажго, крадец и убиец, но на тоа ќе дојде крајот. Не се откажувајте, вистината ќе победи“, заклучила Јулија.

Македонија

Кривични пријави против поранешен градоначалник и директорка на детска градинка во Скопје

Министерството за внатрешни работи поднесе кривични пријави за злоупотреба на службената положба и овластување против директорка на детска градинка во скопска општина, како и против поранешен градоначалник на скопска општина.

Од МВР информираат дека директорката на детската градинка на 12.05.2021, по објавен оглас за јавна набавка на стоки со пречекорување на своите службени овластувања, знаејќи дека максималниот износ на набавката требало да биде во вредност од 1.300.000,00 денари без ДДВ. Средствата требало да бидат обезбедени од сопствената сметка на договорниот орган. Директорката на градинката како најповолен понудувач избрала правно лице од Скопје, иако понудило цена во износ од 1.329.800,00 денари без ДДВ, за што донела и Одлука за обезбедување на дополнителни средства и изменување на одлуката за јавната набавка и склучила Договор за јавна набавка на вкупен износ од 1.569.164,00 денари со вклучен ДДВ, иако од истото правно лице не била доставена банкарска гаранција со самото склучување на договорот во износ од 156.916,00 денари. Правното лице исто така не го испочитувало рокот за достава и набавените машини и наместо за 15 дена ги доставило со задоцнување од околу 150 дена од склучувањето на договорот, по што првопријавената М.Р. со неизвршување на своите службени овластувања, наместо да го раскине склучениот договор со избраниот понудувач, да активира негативна референца во е-системот на Бирото за јавни набавки и да поведе постапка за наплата на договорената казна во износ од 81.596,00 денари, таа не го направила тоа.

Како што стои во соопштението, второпријавениот како градоначалник на една скопска општина со пречекорување на своите службени овластувања, иако знаел дека средствата за плаќање на машините требало да бидат обезбедени од сопствената сметка на градинката, извршил промена со проширување на буџетот на општината во делот дотации во износ од 1.534.000,00 денари и истите на 29.11.2021 ги префрлил на сметката на градинката. Парите од страна на првопријавената М.Р. истиот ден биле платени кон избраниот понудувач, додека на 22.12.2021 година извршила плаќање на средства во износ од 35.164,00 денари од сопствената сметка на градинката. На овој начин првопријавената и второпријавениот го оштетиле буџетот на општината за износ од 1.534.000,00 денари, додека првопријавената го оштетила буџетот на градинката во износ од 273.676,00 денари како ненаплатена банкарска гаранција и договорена казна и исплатените парични средства од сопствената сметка. Тие на овој начин му овозможиле на правното лице од Скопје да се стекне со противправна имотна корист во износ од 1.807.676,00 денари.

притисни ентер