Мејџор користи екстра скапи креми за обелување на кожата и дерматолошки услуги со кои го постигнала овој резултат.
Таа признава дека кога нејзината кожа е бела, се чувствува поубава!
Дали ова е прифаќање на расистичките сфаќања против кои луѓето со темна боја на кожата толку долго се борат?
Ирене (34), која е родена во Камерун, вели: Има многу различни нијанси на боја на кожата кај луѓето од Африка - од многу темни до многу светло чоколадни. Јас растев со сознанието дека побелите меѓу нас се поубави. Тоа едноставно е факт!
Нејзината 27 годишна сестра Елса се согласува.
- Ако некој има посветла боја на кожата тоа значи дека е на повисоко општествено скалило. Сите црни успешни и богати мажи од Африка или се женат со бели жени или со црномурести жени со многу светла нијанса на кожата. И тие растеле мислејќи дека посветлата боја значи поубава жена. Не е важно колку е црн мажот се разбира - притисокот е само на жените - вели Елса.
Таа вели дека сите ги користат кремите за белење на лицето.
- Само погледнете ги поп ѕвездите, како минува времето тие се со се посветла нијанса на кожата - вели таа.
- На крајот од краиштата тоа е мој избор. Јас никогаш не би осудила ни една бела жена која користи производи за потемнување на кожата - додава Елса.
Но постои една опасност - често се користат и креми со сомнителен состав кој е многу штетен по здравјето - со додадена жива, киселина или друг вид на штетно белило./ извор: Дејли меил