Македонија

Делегација на Собранието на Република Македонија на зимската сесија на ПССЕ во Стразбур

Делегацијата на Собранието на Република Македонија ќе земе учество на зимската сесија на Парламентарното собрание на Советот на Европа (ПССЕ), која се одржува од 21 до 25 јануари, jaвува дописникот на МИА од Стразбур.

Македонската делегација во Стразбур е предводена од претседателот на делегацијата Бетиан Китев, Африм Гаши и Шпреса Хадри. Тие за време на сесијата во Стразбур ќе имаат можност да го сослушаат обраќањето нa претседателот на Финска, чија земја претседава со Советот на Европа..

Покрај тоа, финскиот министер за надворешни работи ќе ја претстави работата на Комитетот на министрите.

Зимската сесија ќе го означи на некој начин и официјалниот почеток на кампањата за нов генерален секретар на најстарата паневропска организација. Кандидати се Дора Бакојани, поранешен министер за надворешни работи на Грција, белгискиот министер за надворешни работи и одбрана Дидие Рејндерс, хрватската министерка за надворешни работи и заменик претседател на вадата, Марија Пејчиновиќ Буриќ и поранешниот литвански премиер, Андриус Кубилиус.

ПССЕ ќе одржи заедничка дебата за јавните медиумски сервиси во контекст на дезинформаците и пропагандата, како и за слободата на медиумите како услов за демократски избори. Ќе се дебатира и за управување со Интернет и човековите права.

ПССЕ треба да ги ажурира насоките за фер и праведни референдуми и ќе ја испита компатибилноста на шеријатскиот закон со Европската конвенција за човекови права. Исто така, ќе се расправа и за мерката за одземањена државјанството како мерка за борба против тероризмот, а ќе се дискутира и за промовирање на правата на лицата коишто им припаѓаат на националните малцинства.

Меѓу другите дебати во текот на оваа паневропска парламентарни недела во Стразбур е борбата против неказнивоста преку насочени санкции во случајот Сергеј Магнитски и слични ситуации, за подобро следење на препораките на Европскиот комитет за спречување на тортурата, како и на еволуцијата на процедурата за мониторинг на ПССЕ во 2018 година и периодично преиспитување на усогласеноста со обврските на Исланд и Италија со членството во Советот на Европа.

Втората заедничка дебата ќе се фокусира на дискриминација во пристапот до вработување и потребата за активно население коеќе ги интегрира лицата со посебни потреби.

Пред бирото на ПССЕ пристигнаа и две барања за итни дебати, една за „Намерната руска агресија против Украина: прекин на мировниот процес и закана за европската безбедност”, а втората за „Влошување на состојбата на политичката опозиција во Турција: што може да се направи за да се заштитат основните права во една земја-членка на Советот на Европа?”.

На кратка пленарна седница на 21 јануари, непосредно пред 13 часот, членовите на ПССЕ ќе се заложат за преземање активности во нивните национални парламенти за елиминирање на сексизмот, вознемирувањето и насилството врз жените.

Инаку на оваа зимска сесија е најевно дека нема да учествува парламентарната делегација на Руската Федерација, која една недела пред сесијата изгласа замрзнување на руската членарина во Советот на Европа, која изнесува 30 милиони евра, одлука која што може да доведе до излегување на Русија од организацијата./МИА

Фудбал

Ибрахимовиќ: Тешко ми беше да се откажам од фудбалот поради моето его

Поранешниот напаѓач Златан Ибрахимовиќ зборуваше за подкастот на „АБТалкс“ каде што разговараше за неговото пензионирање од фудбалот, неговото враќање во Милан како главен советник на сопственикот на клубот и за смртта на неговиот агент Мино Раиола.

-Добро сум, така ме третира животот. Секако, се повлеков од фудбалот пред повеќе од осум месеци, така што мојот живот сега е поинаков. Прифатив да се откажам од фудбалот, што беше тешка работа поради моето его и начинот на кој се доживував себеси. Мислам дека сум најдобар и сè уште сум таков. Можев да продолжам, но решив да престанам. Зошто? Сакам само добар живот за моето семејство. Сакав да правам работи со моите синови, а пред тоа не беше можно бидејќи имав проблеми со едното колено. Така го прифатив тоа и дојде момент кога си реков: „Во ред е, откажи се и отвори ново поглавје од твојот живот, вели популарниот Ибра.

Потоа, неколку месеци подоцна, го запознава Гери Кардинале, кој го надгледува фондот „РедБрд“ што го купи Милан.

-Ми даде понуда што не можев да ја одбијам. Така почнав да работам со Милан, откако бев во клубот три-четири месеци. Добро се однесуваат со мене таму, морам да признаам. Кога почина мојот агент Мино Раиола, тоа беше голем удар за мене. Многу плачев. Сè уште не е исчезнато чувството, бидејќи спомените постојано ми се враќаат. Скршен сум затоа што многу ми недостига. Секој што го познава знае колку бевме блиски. Да можам би му напишал: „Ми недостигаш“, сподели Ибрахимовиќ. /МИА

Шоу биз

Почесна Златна палма за Мерил Стрип на Канскиот филмски фестивал

 Познатата американска актерка Мерил Стрип (74) ќе добие почесна Златна палма за време на церемонијата на отворањето на овогодишниот Меѓународен филмски фестивал во Кан на 14 мај, соопштија денеска организаторите.

Холивудската актерка со рекордни 21 номинација за престижниот Оскар само еднаш била на Канскиот фестивал. Тоа беше пред 35 години кога филмот „Плач во темнината“ во кој играше, доби една од наградите на Канскиот фестивал.

Мерил Стрип освои три Оскари за улогите во филмовите „Крамер против Крамер“ (1980), „Изборот на Софија“ (1983) и „Челичната дама“ во 2012 година.

Актерката се прослави во филмовите „Лов на елени“, „Жената на францускиот поручник“, „Мојата Африка“, „Мостовите на округот Медисон“, „Сомнеж“ и „Заљубување“.

Почесна Златна палма годинава ќе добијат креаторот на серијата „Војна на ѕвездите“, Џорџ Лукас и колективно Студио Гибли на јапонскиот режисер за анимација Хајао Мијазаки.

Канскиот фестивал ќе се одржи од 14 до 25 мај, а за Златната палма се натпреваруваат повеќе од 20 филмови, меѓу кои и новиот филм на Френсис Форд Копола „Мегалополис“. /МИА

Фудбал

ФА го суспендираше Тонали на два месеци

Сандро Тонали беше суспендиран од фудбалот на два месеци. Нему му пресуди Независната регулаторна комисија откако призна дека учествувал во забрането обложување.

Покрај тоа, тој е казнет со 20.000 фунти и предупреден за понатамошно однесување.

Суспензијата е таква што Тонали нема да може да се врати на терените до крајот на сезоната, до кога ќе истече десетмесечната казна што му ја изрече Италијанската фудбалска федерација на 27 октомври 2023 година.

Доколку не го повтори истиот прекршок до крајот на сезоната, нема да мора да ја одлежи оваа двомесечна суспензија.

Фудбалскиот сојуз и Регулаторната комисија оценија дека Тонали соработувал и признал се за што е обвинет „на исклучителен и досега неевидентиран начин“.

Тонали целосно ги признал сите свои прекршоци, а тоа го направил во ситуација кога доказите практично не постоеле.

Тој продолжува да оди на терапија и едукативни програми на кои е должен да присуствува со целосна поддршка од клубот и продолжува да тренира со екипата./МИА

притисни ентер