Добил отказ бидејќи доаѓал порано на работа

Филијалата на Лидл во Барселона, отпуштила работник со 12 години работен стаж затоа што бил премногу вреден.

Конкретно затоа што доаѓал на работа порано за да ја подготви продавницата за отворање.

Работникот се обратил до суд и бара да му се врати работата.

Како што пренесува весникот „Ел Паис“, вредниот работник Жан П., доаѓал на работа еден час порано пред почетокот на смената и “почнувал да ја подготвува продавницата за отворање“.

Во одлуката за отказот е наведено дека “многу сериозно ги прекршил правилата за работа“, бидејќи Жан, без да се впише дека дошол на работа, “правел нарачки, менувал цени или пополнувал палети со производи“.

Каталонската филијала на германскиот ланец на супермаркети навела дека на снимките од безбедносните камери од април се гледа како вредниот работник влегува во пет часот наутро и поминува “меѓу 48 и 49 минути“ работејќи, а притоа не се впишувал дека пристигнал на работното место.

Така работникот ги прекршил строгите правила на трговскиот ланец кои се однесуваат на плаќањето на вработените за секоја минута која работеле и правилното пријавување на часовите поминати на работатата, пренесува порталот thelocal.es.

Отпуштениот работник ја тужел фирмата на суд со образложение дека неправедно останал без работа и бара да го вратат назад.

Жан П. Наведува дека не барал и другите работници да доаѓаат порано на работа, дека никогаш не му било речено дека треба да бара дозвола за порано да дојде на работа и оти тоа го правел поради зошто било потребно додатно време за продавницата да се подготви.

Лидерот на Златна зора ќе излезе од затвор

Поранешниот лидер на сега непостоечката неонацистичка партија Златна зора Никос Михало-Љакос, кој беше осуден на 13-годишна затворска казна за водење криминална организација, ќе биде пуштен од затвор, пренесуваат грчките медиуми.

Судот во градот Ламиа донел одлука тој да биде ослободен, откако издржал три петтини од казната. Златна зора пред четири години беше прогласена за криминална организација обвинета за бројни насилства од омраза , а нејзиниот лидер и пет поранешните пратеници добија 13 години затворска казни. Михалољакос, според одлуката на судот, ќе има забрана да ја напушта поширокиот регион на атина и ќе треба еднаш месечно да се јавува во полициска станица, пишува Катимерини. Златна зора беше дел од парламентот во периодот од 2012 до 2019 година..

Полската полиција приведе 16-годишно момче за нападот со молотов коктел врз синагога

Полската полиција приведе 16-годишно момче осомничено дека фрлило молотов коктел врз историската синагога Ножик во Варшава, изјави денеска портпаролот на полицијата за весникот „Ржечпосполита“.

Мотивот зад вчерашното фрлање молотов коктел врз единствената синагога во Варшава што го преживеа нацистичкиот напад за време на Втората светска војна, остана нејасен. Осомничениот одбил да даде изјава.

„Срамотните антисемитски напади како овој не можат да се толерираат денес. Сторителите мора да бидат пронајдени и казнети, објави вчера на „Икс“, израелскиот амбасадор во Полска, Јаков Ливне.

Претседателот на Полска, Анджеј Дуда исто така го осуди фрлањето молотов коктел врз синагогата. „Нема место за антисемитизам во Полска! Нема место за омраза во Полска", напиша Дуда на „Икс“.

Синагогата од 1902 година, во центарот на градот на левиот брег на Висла, денеска е главната синагога во Варшава. /МИА

Полицијата го растури пропалестинскиот протестен камп на Универзитетот УКЛА во Калифорнија

Претходната ноќ кампот на студентите кои протестираа бил нападнат од приврзаници на Израел, пренесе БТА.

Стотици службеници на автопатот во Калифорнија рано утринава се упатија низ барикадите и толпата демонстранти до плоштадот во центарот на кампусот на Универзитетот во Калифорнија во Лос Анџелес (УКЛА) за да го разбијат шаторскиот камп поставен во знак на солидарност со Палестинците во Појасот Газа, јавија британските медиуми.

Претходната ноќ кампот на студентите кои протестираа бил нападнат од приврзаници на Израел, пренесе БТА.

Телевизиските снимки покажаа најмалку шест лица уапсени во кампусот на УКЛА. За време на судирите меѓу студентите и полицијата одекнале неколку експлозии.

Демонстрантите со рачно изработени штитови и раширени чадори се обидоа да ја спречат полицијата со шлемови кои упаднаа во шаторскиот камп.

Локалниот телевизиски канал КАБЦ прикажа меѓу 300 и 500 демонстранти во забарикадираниот камп и околу 2.000 поддржувачи на протестите надвор од барикадите.

Раководството на универзитетот вчера ги откажало сите часови по жестокиот судир меѓу демонстрантите во кампот и група маскирани контра-демонстранти кои извршија ненадеен напад во вторникот доцна навечер.

Пропалестинските демонстранти тврдат дека нивните противници фрлале бомби врз шаторите. Вчера рано изутрина интервенираше полицијата за да воспостави ред. /МИА

притисни ентер