Живот

Добила сметка за струја од 284 милијарди долари

Жена од Пенсилванија, САД, ја проверила својата сметка за потрошена електрична енергија на почетокот од месецов и видела дека има долг од неверојатни 284 милијарди долари.

Мери Хоромански се запрашала дали компанијата Penelec ја зголемила цената за струја, затоа што сметката за ноември и била 284 милијарди долари.

„Ако не грешам, тоа е повеќе од целокупниот национален долг. Значи, да продадеме се што имаме, тогаш сигурно за 100 години ќе исплатиме се што должиме“, напиша Хоромански на Фејсбук.

Хоромански ги контактирала медиумите и ги известила за ненормалната сметка за струја.

„Бев во шок кога ја погледнав сметката за струја“, вели видно вознемирената жена.

Сепак, се покажа дека нејзиното домаќинство не можело да има долг поголем од БДП од повеќето американски сојузни држави.

Портпаролот на Penelec, Марк Дарбин вели дека децималите, веројатно се поставени на погрешни места.

„Не можам да се стам дека некој корисник на струја од Penelec некогаш имал сметка која се мери во милијарди долари“, вели Дарбин.

Жената на шега вели дека ги проверила божиќните украси и светла да не се погрешно приклучени на струја, а да не го зголеми износот за струја.

Дека се работи за грешка може да се забележи и од приложената фотографија од сметката на која се гледа иден датум, односно датум од следната, 2018 година.

Шоу биз

Ева Лонгорија блесна на црвениот тепих во Кан, облечена во фустан со бисери

Актерката Ева Лонгорија блесна на црвениот тепих на Канскиот филмски фестивал. Лонгорија присуствуваше на премиерата на „Kinds Of Kindness“, со Ема Стоун и Џо Алвин во главните улоги.

Таа носеше блескав фустан со бисери и кристали создаден од модниот дизајнер Ели Сааб. Голиот грб и деколтето го истакна со фустанот. Заедно со оваа модна комбинација, Лонгорија реши да ја обликува косата во светли бранови. Таа со својот изглед ги привлече сите погледи и внимание на фотографите.

Лонгорија на премиерата на филмот „Kinds of Kindness“ пристигна во друштво на нејзината колешка, актерката Ајшварија Раи Бачан, која исто така воодушеви од модната комбинација.

Ева привремено се сели во Шпанија со нејзиниот сопруг Хозе Бастон и синот Сантијаго, неодамна објави „ Page Six“.

„Таа ќе поминува многу време таму бидејќи има проекти за целата втора половина од годината“, изјави извор за „Page Six“.

Ева има шпанско државјанство и куќа во Марбела. Нејзиниот сопруг и таа купија викендица таму на почетокот на 2023 година. „Тоа е мојата оаза, мојот рај“, изјави актерката за време на интервјуто за „Hello!“ во јануари 2024.

„Кога не сум тука, работам без престан“, додаде таа.

Извор: Индекс.хр

Фудбал

Ројс го постигна својот 100-ти гол за Борусија на домашен терен во неговиот последен настап

Фудбалерот од средниот ред на Борусија, Марко Ројс постигна гол на денешниот натпревар од 34. коло од Бундеслигата со Дармштад, кој се играше на стадионот „Сигнал Идуна Парк“ во Дортмунд.

Триесет и четиригодишниот фудбалер упати прецизен удар во противничкиот гол во 38. минута од натпреварот. Ова е негов јубилеен, 100. гол на домашните натпревари на Борусија.

Ројс имаше и асистенција на овој натпревар.

Германскиот играч за врска го одигра последниот натпревар со Борусија во Бундеслигата. Тој ќе го напушти тимот како слободен играч во јули. /МИА

Фудбал

Баер го победи Аугсбург и ја заврши сезоната во Бундеслигата без пораз

Баер попладнево оствари домашна победа над Аугсбург (2:1) во натпреварот од 34. коло на германскиот фудбалски шампионат.

За домаќините погодија Виктор Бонифас и Роберт Андрич, голот за Аугсбург беше дело на Мерт Комура.

Избраниците на Чаби Алонсо, кои рано станаа германски шампиони, Бундеслигата ја завршија непоразени, освојувајќи 90 бода. Серијата без пораз на Леверкузен во сите натпреварувања достигна 51 натпревар.