Технологија

Доверливи податоци за руските сателити достапни на интернет

Доверливите податоци за руските вселенски летала се достапни на интернет и до нив може слободно да се доаѓа.

Податоците за вселенските клетала кои до сега беа држени во тајност , сега се достапни за секого на интернет. Податоците за подготовките , како и ројковите за лансирање на вселенските летала , имиња на сателити , пробните конструкторски работи и фирмите кои учествуваат во нивната изработка може да се најдат и да се прочитаат.

Овие податоци ги претстави компанијата ,,Сатурн” , која произведува соларни батерии и акумулатори за руските вселенски уреди и е во надлежност на ,,Роскосмос” , рускиот пандан на НАСА.

Свет

Земјотрес со јачина од 5,6 степени ја погоди Индонезија

Земјотрес со јачина од 5,6 степени според Рихтеровата скала синоќа го погоди брегот на Индонезија.

Епицентарот се наоѓал на длабочина од 10 километри, оддалечен 224 километри од градот Амахаи, соопшти Европско-медитеранскиот сеизмолошки центар.

Засега нема информации за повредени луѓе или причинета материјална штета.

Македонија

Ново реално шоу - „Диетално Максимално“

Денеска во 16:00 часот започнува ново реално шоу - „Диетално Максимално“.

Емисија во која ќе се одберат пет кандидати, со цел да го променат својот животен стил. Целта е да стасаат до посакуваната тежина и да го променат својот изглед.

Забава, спорт, здравје и вкусни рецепти ќе бидат на менито секој ден.

Свет

Си денеска на средби со Макрон и Фон дер Лајен

Кинескиот претседател Си Џинпинг во рамките на државната посета на Франција денеска ќе се сретне со неговиот француски колега Емануел Макрон, како и со претседателката на Европската комисија, Урсула фон дер Лајен.

Си вчера пристигна во Париз, а од Пекинг претходно беше најавено дека за време на петдневната турнеја низ Европа, покрај Франција, ќе ги посети и Србија и Унгарија.

Ова е прва посета на кинески лидер на Европа во последните пет години.