Култура

ДПМ ги обновува поетските карвани

Шеесет поети ќе учествуваат во проектот „Почувствувај ја Македонија“, со што Друштвото на писателите ги обновува некогашните поетски карвани со цел афирмација и доближување на литературното творештво до читателите.

Во рамки на проектот „Почувствувај ја Македонија“ денеска на брегот на Дебарското Езеро ќе настапат Стојан Тарапуза, Виолета Танчева Златева, Ирена Павлова де Одорико и Миле Јовановски Поречанец.

Поетите, од денеска до крајот на годината, ќе настапуваат пред љубителите на пишаниот збор во повеќе градови во Македонија, Дебар, Охрид, Велес, Прилеп, Куманово, Гостивар, Битола, Неготино, Струмица, Виница и Штип.

Средбите ќе се одржуваат на неконвенционален начин, на отворен простор и ќе бидат во функција на запознавање со природните убавини, историските знаменитости и духовните светилишта. /МИА

Фудбал

Левандовски: Мбапе е пример за младите, јасно им дава до знаење дека не е важен само фудбалот

Фудбалерот на Барселона, Роберт Левандовски ги пофали квалитетите на Килијан Мбапе.

- Ако го споредите Килијан со други играчи, разбирате дека тој зборува различен јазик. Јасно им дава до знаење на младите играчи дека фудбалот не е единственото нешто што е важно. Тој е и пример за личност, покажувајќи дека не е важно само фудбалскиот терен, туку и она што е во вашата глава. Многу паметен човек кој има многу јасна идеја за тоа што сака да прави и како сака да го прави тоа. Патот по кој оди е јасен. Тој е паметен не само како играч, туку и како личност. Го почувствував тоа кога првпат го видов пред неколку години. Ми остави впечаток. Можете да зборувате за многу нешта со Килијан, изјави полскиот фудбалски ветеран.

Мбапе е член за Пари Сен-Жермен, капитен на француската фудбалска репрезентација и важи за еден од најдобрите фудбалери на светот.

По крајот на сезоната извесно е дека Мбапе ќе направи трансфер во Реал Мадрид.

Македонија

Последна претседателска дебата – вечерва по централните вести на Канал 5

Попладнево во Канал 5 се снимаше последната дебата на кандидатите за претседател.

Соочувањето ќе се емитува веднаш по централните вести во 18.30, а самата дебата е поделена на два дела.

Практично на само некоколку часови пред молкот, Канал 5 е местото каде што Стево Пендаровски и Гордана Силјановска Давкова ќе ги соочат аргументите и ќе ги испратат последните пораки до граѓаните.