Сега веќе на 30-степенски температури и понатаму е исушен природниот материјал, вертикалната структура и комбинација на мовови и васкуларни растенија што беа поставени со цел да се апсорбира ситната отровна прашина односно ПМ10 и ПМ 2,5 честички.
Овој растителен филтер што има улога на прочистувач на воздухот како што би имале 275 дрвја беше поставен во март 2017 година како проект на невладината организација Еко свест и Општина Тетово во соработка со приватни компании. Неколку месеци подоцна, голем дел од растенијата се исушија, а па од Еко свест во јули 2017 ставија садници.
Минатата година година во лето садниците повторно се исушија затоа тоа што се расипа пумпата за вода.
– Градското дрво е во сопственост и надлежност на Општината. Ние доколку имаме садници како во јули 2017 ќе извршиме промена, но за тоа треба да добиеме повик од Општината, информираа од Еко свест.
Од Општина Тетово информираат дека и понатаму проблем за нефункционалност на еколошкиот билборд е прегорување на пумпата за вода.
– За пумпата нашите служби вршеа редовен дотур на вода, но од непознати причини таа не е во функција. Ние сме во контакт со Еко свест и информирани сме дека веќе се нарачани деловите и пумпата за вода од Германија за повторно ставање во функција на ова дрво на кое му треба и обновување на садниците од кои дел се исушени, што исто така треба да ги обезбеди Еко свест од Скопје, гласи одговорот што го доставија од канцеларијата за комуникации и односи со јавност при Општина Тетово.
Освен уништените растенија во внатрешноста на билбоардот несосвени граѓани оставале отпадоци. Оштетени се лимениот дел од билбордот како и клупите за седење.