Екстремните левичари се судрија со полицијата на забранетиот протест во Лајпциг

Членовите на германската левичарска сцена се собираат во Лајпциг, и покрај забраната за протести, за поддршка на неодамна осудениот радикален левичар.

Властите зборуваат за запалени автомобили и напади врз полицијата во многу делови на градот.

Во раните попладневни часови во јужните делови на Лајпциг беа запалени неколку автомобили и контејнери за отпад, за кои се верува дека се дело на левичарски екстремисти кои и покрај забраната во Лајпциг се собираат за поддршка на неодамна осудената левичарка Лина Е. Таа оваа недела беше осудена на долга затворска казна за организирање физички напади врз припадници на екстремната десница.

Ноќеска во повеќе делови од градот имаше судири меѓу припадниците на екстремната левица и полицијата. Според полициското соопштение, во тие судири биле повредени дваесет припадници на полицијата.

Попладнево Уставниот суд во Карлсруе, по итна постапка, ја отфрли тужбата со која левичарските активистички групи сакаа да ја поништат одлуката на повисокиот управен суд во Саксонија, кој го забрани протестот поради страв од немири и судири меѓу левичарите и полицијата, како и опасност за јавниот ред и мир.

Полицијата од вчера ги контролира возовите кои се движат кон Лајпциг. Активисти на левичарската сцена поканија истомисленици од цела Европа да протестираат во Лајпциг. И во средата во Дрезден, по објавувањето на пресудата против група левичари, имаше насилни протести на припадниците на екстремниот лев политички спектар.

Сабаленка ќе се повлече од турнирот во Мајами по смртта на Колцов

Белоруската тенисерка Арина Сабаленка ќе се повлече од турнирот во Мајами, пренесува „Tennis365“.

Дваесет и петгодишната Белорусинка е отстранета од официјалниот распоред на тренинзите, а објавите за нејзиното учество на социјалните мрежи се избришани.

Претходно се дозна дека нејзиниот интимен партнер, Константин Колцов, почина на 18 март во Мајами, каде што допатува за да ја поддржи својата девојка.

Поранешниот белоруски хокеар Колцов беше во врска со Сабаленка од 2020 година.

Во американската база Рамштајн состанок на Украинската одбранбена контакт група

Министерот за одбранана САД, Лојд Остин претседава со денешниот состанок на сојузниците на Украина, што се одржува во американската воена база Рамштајн во Германија.

Месечниот состанок на Украинската одбранбена контакт група (УДЦГ), познат и како Рамштајн формат, кој го сочинуваат околу 50 земји кои ја поддржуваат Украина, се одржува во услови на зголемена загриженост дека на силите на Киев им снемува муниција и напредно тешко оружје додека тие се борат со Русија на источниот фронт.

Остин е во прва посета во странство откако почна да се лекува од рак на простата.

Секретарот Остин уште еднаш ги повика министрите за одбрана и високите воени функционери од целиот свет да разговараат за кризата во Украина и за различните безбедносни прашања со кои се соочуваат сојузниците и партнерите на Америка, се наведува во соопштението на американските воздухопловни сили.

Со оглед на тоа што пакетот од 60 милијарди долари останува блокиран во Претставничкиот дом, САД на 12 март објавија еднократен пакет воена помош од 300 милиони долари за Украина. Сумата дојде од Пентагон, кој заштеди пари на договори, изјави американскиот советник за национална безбедност Џејк Саливан.

Додека Европскиот совет вчера одобри формирањето на Фондот за помош на Украина (УАФ) и издвои 5,4 милијарди долари.

Со фондот, ќе продолжиме да ја поддржуваме Украина да се брани од руската агресивна војна со сè што е потребно и онолку долго колку што е потребно, изјави вчера највисокиот дипломат на ЕУ, Жозеп Борел.

Адвокати: Трамп не може да плати гаранција од 464 милиони долари

Трамп не може да плати гаранција од 464 милиони долари во случајот за граѓанска измама во Њујорк.

Поранешниот американски претседател Доналд Трамп не може да најде осигурителна компанија која ќе ги гарантира 464 милиони долари што судот му наложи да ги плати во случајот за граѓанска измама во Њујорк, соопштија неговите адвокати.

Адвокатите на Доналд Трамп велат дека обезбедувањето кауција од таа големина е „практично невозможно“.

Трамп е прогласен за одговорен за погрешно прикажување на нето сумата на пари што ја поседува во случајот за финансиска измама што ја покрена њујоршката обвинителка Летиша Џејмс.

Обвинителката Џејмс најави дека е подготвена да започне процес на запленување на имотот на Доналд Трамп доколку тој не може да ја плати сумата утврдена со пресудата.

„Ако нема средства да плати, ќе бараме механизми за извршување на пресудата на суд и ќе побараме од судијата да му го заплени имотот“, рече Џејмс во интервју за Еј-Би-Си Њуз.

Трамп, републикански кандидат на претседателските избори во САД во ноември, има намера да поднесе жалба на пресудата на њујоршкиот граѓански суд усвоена во февруари, со што автоматски ќе се запре извршувањето на одлуката на судот.

За да поднесе жалба, тој прво мора да уплати пари на сметка на апелациониот суд или гаранција за целиот износ, но, според адвокатите, 30 осигурителни компании ги одбиле неговите барања да му помогнат.

Адвокатите на Трамп побараа од апелациониот суд да го одложи издавањето гаранција додека не заврши неговата жалба на случајот, тврдејќи дека вредноста на имотот на Трамп далеку ја надминува пресудата.

Судијата Артур Енгорон минатиот месец пресуди дека Трамп и неговата компанија незаконски ја преувеличувале вредноста на нивното богатство и манипулирале со вредноста на имотот за да добијат поволни заеми од банките и поволни услови од осигурителните компании. Тој нареди Трамп да и плати на државата Њујорк 355 милиони долари, со камата, 464 милиони долари.

Енгорон, исто така, им нареди на синовите на Трамп, Доналд Трамп Јуниор и Ерик, да платат по речиси 4,7 милиони долари.

На поранешниот финансиски директор на организацијата Трамп, Ален Вајзелберг, му беше наложено да плати 1,1 милион долари.

Енгорон, исто така, издаде тригодишна забрана за Трамп да раководи со која било њујоршка компанија или да бара кредит од банки регистрирани во државата Њујорк, додека на неговите два сина им беше забрането да заземаат лидерски позиции во фирми на две години.

Судијата рече дека „целосното отсуство на каење кај обвинетите се граничи со патологија“.

Трамп минатиот месец плати кауција од речиси 92 милиони долари во тужба за клевета, додека ја обжали пресудата во тужбата поднесена од њујоршката писателка Е. Џин Керол, која го тужеше за сексуален напад и клевета.

притисни ентер