Македонија

Ѓорчев: Владата да одржи итна седница за иселувањето

ВМРО-ДПМНЕ побара итна владина седница со единствена точка за иселувањето.

Почитувани,

Република Македонија се празни како никогаш во историјата. Цели семејства се иселуваат, цели општини буквално исчезнуваат. Се селат огромен број на луѓе и тоа веќе ги засега стотици и стотици илјади граѓани на Република Македонија.

Иселувањето од Македонија е директна последица на економскиот дебакл на економскиот тим на Владата на Зоран Заев, Кочо Анѓушев и Драган Тевдовски.

Ја повикуваме Владата веднаш, час поскоро да закаже итна седница на Владата посветена на иселувањето, посветена на исчезнувањето на Македонија, посветено на катастрофалната економска, демографска и секакво друга ситуација во еден куп општини во Република Македонија.

Ова е буквално алармантна состојба, а гледаме дека Владата буквално ништо не презема. Уште еднаш овој невиден досега во историјата на Македонија егзодус, иселување од Македонија е директна последица на тоталниот дебакл на економските политики на Зоран Заев, Кочо Анѓушев, Драган Тевдовски и министрите за странски инвестиции кои што имаат цели кабинети, возила и сите удобства а имињата не им ги знаеме. Една инвестиција не донесоа, едно ново место работно не отворија.

Затоа заминуваат младите, си заминува народот. Народот ни се топи како снег во април, исчезнува државата. Ако нема народ, а очигледно дека ни снемува народ не може да има економија, не може да има пензиски систем, не може да има ни школски систем , не може да има ни здравствен систем, нема да има ни потрошувачи, нема да има ништо, туку буквално мртвило. Тоа се тие црнила за кои што зборуваме.

Наместо живот донесоа егзодус и невидено, досега невидено иселување од Македонија.

Пред себе ги имам бројките, но тие се навистина поразителни, ги кажувавме на претходните прес конференции. Секој може да се согласи дека состојбата е алармантна.

За крај да го резимирам ова, би кажал уште една порака. Откако Зоран Заев и неговите министри се избрани за премиер, министри, директори, и сето она што го окупираа како власт во Република Македонија, потрошени се повеќе од 5 милијарди евра буџет. Досега се потрошени повеќе од 5 милијарди евра, за следната година го имаат навестено и драфтирано, предложено најголемиот буџет во историјата на Република Македонија, 3,7 милијарди евра. Ниедна Влада, 70 години наназад не исцедила и нема да исцеди повеќе пари од граѓаните и стопанството. Истовремено една шајка не е закована, една бандера не е направена. Досега се потрошени повеќе од 5 милијарди евра. Што е направено?

Навестуваат 3,7 милијарди евра дека ќе потрошат, најголем буџет во историјата на Македонија, ништо нема навестување дека ќе се направи. Парите се трошат, а тоа завршува во олигархијата која што очигледно во Македонија во моментов се создава.

Резултатот е иселување, небиднина, црнила. Македонија, цели региони буквално биолошки и физички ги поклопува мртвило со училиштата што се затвораат, со семејствата што си заминуваат, со куќите кои што се празнат.

Уште еднаш апелираме, Владата треба да преземе итни мерки. Владата на Заев веднаш да закаже итна седница на Владата посветена на ова, затоа што се работи за алармантна состојба, и втора работа веднаш час поскоро да бидат разрешени министрите кои што имаат тотално економско фијаско и економски дебакл. Тоа се министрите Анѓушев како вицепремиер, министерот Тевдовски и министрите за странски инвестиции на кои што имињата не им ги знаеме , не донеле ниедна инвестиција, а имаат цели кабинети и одделенија под нив.

Благодарам што дојдовте на денешната прес конференција, ние нашите дискусии ќе ги продолжиме и за буџетот на Македонија секој ден ќе бидеме активни во Собранието затоа што секој ден има по 5 теми на кои што навистина се прилично поразителни. Во Македонија за жал веќе нема добри вести.

Забава

Сите се воодушевени од новиот имиџ на Ријана: Како некој може да биде толку убав? (ВИДЕО)

Новите фотографии од Ријана го обиколија светот.

Пејачката блесна на промоцијата на новите производи на нејзиниот бренд Fenty Beauty во Лос Анџелес. Таа носеше фустан во кремова боја, а најмногу внимание привлече нејзината коса која сега е во боја на мед. Фановите се во транс.

„Таа е најубавата жена“, „Со такво лице може да владее со светот“, „Не старее“, „Оваа Ријана да се прогласи за најубава жена што живеела на планетата“, „Дива“, Таа е нереална“, „Како може некој да биде толку убав?“, „Оваа боја одлично ѝ стои“, се само дел од коментарите на Твитер.

Регион

Бугарија доцни со инфраструктура за воените Ф16 - пристигнуваат во 2025, а нема ниту база

Бугарските воздухопловни сили наскоро ќе добијат нови авиони Ф-16 на Локхид Мартин.

Иако авионите во моментов се склопуваат во фабриката, останува под знак прашалник дали ќе можат да бидат испорачани во Бугарија поради немањето клучна инфраструктура.

Министерството за одбрана на Бугарија е под голем притисок навремено да ги заврши работите околу изградбата на инфраструктурата за прием на авионите Ф-16. Примопредавањето на првите осум, од вкупно 16 нарачани авиони, е планирано за 2025 година, но Бугарија се уште не е подготвена да ги прими.

Минатата недела на 3. воздухопловна база Граф Ингатиев присуствуваа американски експерти кои се задолжени да ја проценат состојбата на работите. Доколку не заврши изградбата и уредувањето на просторот, Американците нема да ја сертифицираат базата и бугарската авијација нема да може да ги преземе авионите, пишува Балканската безбедносна мрежа.

Бугарските авиони моментално се склопуваат во објектот на Локхид Мартин во Гринвил, Јужна Каролина, а првиот F-16C/D Block 70 треба да полета до крајот на 2024 година. Пристигнувањето на Ф-16 во Бугарија се очекува следната година, иако во моментов не е сигурно дали воздухопловните сили ќе можат да ја подготват базата за прием на авионите.

Изградбата на хангари и други објекти беше предмет на расправа и на бугарскиот парламент на почетокот на април. Поранешниот министер за одбрана Тодор Тагарев изјави дека процесот на инвестирање е започнат во време кога недостигале целосни информации за посебните барања за инфраструктурата, пренесува Балканската безбедносна мрежа.

Градежните планови се сменети, а инфлацијата наводно им била проблем на изведувачите. Тодор Тагарев се уште се надева дека Граф Ингатиев до крајот на 2024 година ќе биде сертифициран од партнери.

Бидејќи работата во 3-та воздухопловна база засега не е ниту на повидок, се осмислуваат други (привремени) решенија во случај Бугарија да не го добие сертификатот навреме. Како потенцијална локација за привремено сместување на Ф-16 се споменува Словачка, која исто така е во процес на модернизација на флотата на воздухопловните сили со F-16 Block 70.

Бугарското небо, моментално го чуваат борбени авиони МиГ-29 од советско/руско потекло. Бугарските воздухопловни сили ќе ги заменат своите авиони со 16 помодерни и пософистицирани Lockheed Martin F-16 Block 70, за кои е потребна значително подобра инфраструктура.

Шоу биз

„Карпата“ на снимања доцнел и по 8 часа- трошоците биле надминати за 50 милиони долари

Двејн „Карпата“ Џонсон го принуди својот тим да се ослободи од шишињата со неговата урина на филмските сетови и доцнел до осум часа за претстојниот филм,тврди извештајот што е во спротивност со ѕвездената репутација што актерот ја изградил во Холивуд.

Џонсон се прослави како борач на WWE во доцните 1990-ти и раните 2000-ти, но неговиот статус на ѕвезда дојде откако направи скок од рингот на екранот како актер. Репутацијата на Џонсон како сигурна ѕвезда порасна со филмовите што ја задоволуваат публиката, вклучувајќи ги „Walking Tall“, „Get Smart“ и „Fast & Furious“ франшизата.

Бидејќи Џонсон е борач кој стана актер, постои општа перцепција дека тој напорно работел за да успее во Холивуд. Но, неговата репутација почна да се влошува во текот на изминатите две години, главно откако неговите обиди да го преобликува DC Extended Universe не успеаја бидејќи Black Adam од 2022 година не успеа да ги импресионира обожавателите и падна на бокс офисот.

Во вторникот, весникот TheWrap објави дека Џонсон доцнел до осум часа на снимањето на претстојниот акционен филм со божиќна тематика Red One, што значи дека екипата во некои прилики морала да снима без него.

Извештајот, исто така, тврди дека буџетот на филмот се искачил на над 250 милиони долари како резултат на неколку проблеми со производството, вклучително и доцнењето на Џонсон, што наводно предизвикало пречекорување на трошоците од 50 милиони долари.

Додека студиото Амазон МГМ не ја прецизира висината на буџетот на филмот за извештајот, извор близок до студиото изјави за The Wrap, „Сосема е нормално буџетот да варира во рамките на 15% од буџетот, и токму тоа се случи“.

Исто така, беше објавено дека The Rock се обидел да заштеди време на сетовите со уринирање во шишиња, што вознемирило некои членови на екипата. Друг анонимен извор за кој TheWrap вели дека добро го познава актерот рекол: „На снимањето, подалеку од трејлерот, ако треба да мокри, не оди во тоалет. Мокри во шише Voss и неговиот тим се ослободува од тоа. "

Ова не е првпат да се споменува неговиот метод на мокрење, па затоа во 2021 година, во интервју за Esquire, пред излегувањето на филмот Red Notice, Џонсон признал дека уринира во шишиња за време на долгите тренинзи бидејќи ги посетува теретаните каде што нема бањи. "Обично останувам прилично хидриран. Морам многу да одам во тоалет. Не многу, но веројатно неколку пати за време на тренингот морам да одам во тоалет. Затоа го правам тоа во шише", рекол тој.

Во изјавата за TheWrap, портпаролот на студиото Амазон МГМ рече: „Двејн Џонсон и Севен Бакс беа неверојатни партнери во Red One, филм што ќе го сака публиката од сите возрасти оваа празнична сезона. Нашето тестирање беше многу силно, а реакцијата во CinemaCon зборува сам за себе, самите немаше да успееме без постојаната работа и поддршка на Двејн“.

„Секое известување што укажува дека сме стигнале до оваа точка со неговото доцнење од седум до осум часа се и смешни и лажни“, додаде портпаролот.

притисни ентер