Македонија

Ѓуленистите уплашени од можна екстрадиција, спасуваат „жива глава“

Засилениот дипломатски притисокот на Турција за испорачување на припадниците на Фето, очигледно крена тревога меѓу структурите на оваа организација во земјава.

Поранешен познат турски обвинител, баран од Анкара како припадник на Ѓуленистите, минатиот месец е приведен на граничниот премин Табановце при обид да ја напушти Македонија и да влезе во Србија, дознава Канал 5.

Границата се обидел да ја мине со фалсификуван дипломатски пасош под лажно име, но бил откриен. Како што пренесува весникот Хуријет, бегалецот е сместен во прифатен центар за странци во земјава, каде што и побарал азил.

Од МВР не откриваат детали за неговиот идентитет, ниту колку време престојувал во земјава. Случајот официјално е документиран во полицискиот билтен.

-На 8 март 2019 година во 18,10 часот на Граничниот премин Табановце при контрола на лицето Л.О.(43) од Р.Турција било утврдено дека доставените документи биле фалсификувани. При преглед над лицето пронајдена била турска возачка дозвола на име H.А.(42) од која бил утврден и вистинскиот идентитет на лицето, се вели во полицискиот билтен, објавен на 9 март.

Турските медиуми го посочуваат како еден од најбараните припадници на ФЕТО пребеган во странство. Се работи за поранешен обвинител, познат во Турција и како еден од клучните заштитени сведоци во масовниот судски процес Ергенекон, во кој пред седум години им се судеше на 300 обвинети за наводен обид за соборување од власт на Ердоган.

Во меѓувреме е обвинет дека бил припадник на ФЕТО, на што му претходи неуспешен обид да избегне апсење кога ја скршил и ногата. Трагата му се губи пред седум месеци.

Нема информација дали тој е еден од 15-те припадници на Ѓуленистите во земјава, за кои Министерството за правда соопшти дека води постапка за екстрадиција. Иако датира од многу поодамна, случајот го актуелизираше турскиот министер за одбрана, Акар при посетата на Скопје.

-Имаме имиња на некои од главните лица поврзани со оваа организација, кои се споделени меѓу институциите на двете земји. Оваа терористичка организација, им штети и на односите меѓу двете земји. На некој начин го саботира и нашето пријателство и братските односи кои што ги имаме, изјави Хулуси Акар, министер за одбрана на Турција

Острите тонови на Акар дел од јавноста ги протолкува како порака дека Анкара може да го условува потпишувањето на протоколот за НАТО за Македонија во замена за екстрадиција на овие луѓе. Министерката за одбрана Шеќеринска оцени дека Турција може да го оддолжи НАТО процесот, но оти не очекува да биде кочничар на членството на земјава во Алијансата.

Фудбал

Ибрахимовиќ: Тешко ми беше да се откажам од фудбалот поради моето его

Поранешниот напаѓач Златан Ибрахимовиќ зборуваше за подкастот на „АБТалкс“ каде што разговараше за неговото пензионирање од фудбалот, неговото враќање во Милан како главен советник на сопственикот на клубот и за смртта на неговиот агент Мино Раиола.

-Добро сум, така ме третира животот. Секако, се повлеков од фудбалот пред повеќе од осум месеци, така што мојот живот сега е поинаков. Прифатив да се откажам од фудбалот, што беше тешка работа поради моето его и начинот на кој се доживував себеси. Мислам дека сум најдобар и сè уште сум таков. Можев да продолжам, но решив да престанам. Зошто? Сакам само добар живот за моето семејство. Сакав да правам работи со моите синови, а пред тоа не беше можно бидејќи имав проблеми со едното колено. Така го прифатив тоа и дојде момент кога си реков: „Во ред е, откажи се и отвори ново поглавје од твојот живот, вели популарниот Ибра.

Потоа, неколку месеци подоцна, го запознава Гери Кардинале, кој го надгледува фондот „РедБрд“ што го купи Милан.

-Ми даде понуда што не можев да ја одбијам. Така почнав да работам со Милан, откако бев во клубот три-четири месеци. Добро се однесуваат со мене таму, морам да признаам. Кога почина мојот агент Мино Раиола, тоа беше голем удар за мене. Многу плачев. Сè уште не е исчезнато чувството, бидејќи спомените постојано ми се враќаат. Скршен сум затоа што многу ми недостига. Секој што го познава знае колку бевме блиски. Да можам би му напишал: „Ми недостигаш“, сподели Ибрахимовиќ. /МИА

Шоу биз

Почесна Златна палма за Мерил Стрип на Канскиот филмски фестивал

 Познатата американска актерка Мерил Стрип (74) ќе добие почесна Златна палма за време на церемонијата на отворањето на овогодишниот Меѓународен филмски фестивал во Кан на 14 мај, соопштија денеска организаторите.

Холивудската актерка со рекордни 21 номинација за престижниот Оскар само еднаш била на Канскиот фестивал. Тоа беше пред 35 години кога филмот „Плач во темнината“ во кој играше, доби една од наградите на Канскиот фестивал.

Мерил Стрип освои три Оскари за улогите во филмовите „Крамер против Крамер“ (1980), „Изборот на Софија“ (1983) и „Челичната дама“ во 2012 година.

Актерката се прослави во филмовите „Лов на елени“, „Жената на францускиот поручник“, „Мојата Африка“, „Мостовите на округот Медисон“, „Сомнеж“ и „Заљубување“.

Почесна Златна палма годинава ќе добијат креаторот на серијата „Војна на ѕвездите“, Џорџ Лукас и колективно Студио Гибли на јапонскиот режисер за анимација Хајао Мијазаки.

Канскиот фестивал ќе се одржи од 14 до 25 мај, а за Златната палма се натпреваруваат повеќе од 20 филмови, меѓу кои и новиот филм на Френсис Форд Копола „Мегалополис“. /МИА

Фудбал

ФА го суспендираше Тонали на два месеци

Сандро Тонали беше суспендиран од фудбалот на два месеци. Нему му пресуди Независната регулаторна комисија откако призна дека учествувал во забрането обложување.

Покрај тоа, тој е казнет со 20.000 фунти и предупреден за понатамошно однесување.

Суспензијата е таква што Тонали нема да може да се врати на терените до крајот на сезоната, до кога ќе истече десетмесечната казна што му ја изрече Италијанската фудбалска федерација на 27 октомври 2023 година.

Доколку не го повтори истиот прекршок до крајот на сезоната, нема да мора да ја одлежи оваа двомесечна суспензија.

Фудбалскиот сојуз и Регулаторната комисија оценија дека Тонали соработувал и признал се за што е обвинет „на исклучителен и досега неевидентиран начин“.

Тонали целосно ги признал сите свои прекршоци, а тоа го направил во ситуација кога доказите практично не постоеле.

Тој продолжува да оди на терапија и едукативни програми на кои е должен да присуствува со целосна поддршка од клубот и продолжува да тренира со екипата./МИА

притисни ентер