Македонија

И натаму граѓаните на Македонија ќе имаат можност за евтини авиобилети

Веста дека единствената авиокомпанија со евтини летови од Македонија, ќе суспендира од октомврилинии ,го подигна нивото на коментари на јавните мрежи. Од владата смируваат дека наредните денови ќе се распише нов тендер за избор на компанија. 

Евтини летови до Барселона, Лондон и Ваксјо само до октомври годинава. Единствената нискобуџетна авиокомпанија во земјава ги укинува своите летови до овие локации. На официјалната веб страна од компанијата не може да се резервираат билети за овие дестинации. Последниот лет Скопје- Барселона е за 26ти октомври, а Охрид-Лондон 24ти октомври. Билети нема да има ниту за Скопје - Ваксјо во Шведска. Резервации за таму има се до 16ти септември.

Официјален став од компанијата зошто се укинуват летовите - нема.

Канал 5 се обиде да стапи во контакт, но до емитување на прилогот одговор не добивме.

Претходно Министерството за транспорт го поништи последниот јавен повик за доделување субвенции на кој единствена пријавена авиокомпанија беше токму ВизЕр, поради технички пропуст во апликацијата на единствениот кандидат. Министерот Сугарески вели дека во најкус рок ќе биде објавен следниот јавен повик.

,, На предлог на комисијата за евалуација што ги прибираше понудите за нискобуџетни комапнии, поради одредени технички пропусти коишто фалеле, предлог решение даде комисијата за поништување на постапката. Нашите очекувања се дека најбрзо, зборуваме за денови ќе биде повторно распишан јавен повик на кои што ќе ги повикаме сите компании, нискобуџетни да аплицираат на тој јавен повик. Горан Сугарески, министер за транспорт и врски

Веста предизвика вистински бум и на социјалните мрежи. Граѓаните коментират... „Кога ќе заврши авио редоследот за 2018-та ќе бидеме среќни ако имаме 10 лета неделно од скопскиот аеродром. “„Дечки од ЕУ ќе ги гледаме Солун и Банско...“ „Глејте да ги истерате Виз Ер па да треба да тераме викенди у Пехчево“

Инаку Авиокомпанијата од македонската влада како субвенции досега добила 8,9 милиони евра.

На последниот јавен повик од транспорт, како нов услов беше разработување на Охридскиот аеродром. Предвидени беа 5 милиони евра субвенции од буџетот за три години. За секоја нова дестинација субвенција од 40 илјади евра, а освен за нови линии, предвидени беа и пари за секој превезен патник.

Фудбал

Ибрахимовиќ: Тешко ми беше да се откажам од фудбалот поради моето его

Поранешниот напаѓач Златан Ибрахимовиќ зборуваше за подкастот на „АБТалкс“ каде што разговараше за неговото пензионирање од фудбалот, неговото враќање во Милан како главен советник на сопственикот на клубот и за смртта на неговиот агент Мино Раиола.

-Добро сум, така ме третира животот. Секако, се повлеков од фудбалот пред повеќе од осум месеци, така што мојот живот сега е поинаков. Прифатив да се откажам од фудбалот, што беше тешка работа поради моето его и начинот на кој се доживував себеси. Мислам дека сум најдобар и сè уште сум таков. Можев да продолжам, но решив да престанам. Зошто? Сакам само добар живот за моето семејство. Сакав да правам работи со моите синови, а пред тоа не беше можно бидејќи имав проблеми со едното колено. Така го прифатив тоа и дојде момент кога си реков: „Во ред е, откажи се и отвори ново поглавје од твојот живот, вели популарниот Ибра.

Потоа, неколку месеци подоцна, го запознава Гери Кардинале, кој го надгледува фондот „РедБрд“ што го купи Милан.

-Ми даде понуда што не можев да ја одбијам. Така почнав да работам со Милан, откако бев во клубот три-четири месеци. Добро се однесуваат со мене таму, морам да признаам. Кога почина мојот агент Мино Раиола, тоа беше голем удар за мене. Многу плачев. Сè уште не е исчезнато чувството, бидејќи спомените постојано ми се враќаат. Скршен сум затоа што многу ми недостига. Секој што го познава знае колку бевме блиски. Да можам би му напишал: „Ми недостигаш“, сподели Ибрахимовиќ. /МИА

Шоу биз

Почесна Златна палма за Мерил Стрип на Канскиот филмски фестивал

 Познатата американска актерка Мерил Стрип (74) ќе добие почесна Златна палма за време на церемонијата на отворањето на овогодишниот Меѓународен филмски фестивал во Кан на 14 мај, соопштија денеска организаторите.

Холивудската актерка со рекордни 21 номинација за престижниот Оскар само еднаш била на Канскиот фестивал. Тоа беше пред 35 години кога филмот „Плач во темнината“ во кој играше, доби една од наградите на Канскиот фестивал.

Мерил Стрип освои три Оскари за улогите во филмовите „Крамер против Крамер“ (1980), „Изборот на Софија“ (1983) и „Челичната дама“ во 2012 година.

Актерката се прослави во филмовите „Лов на елени“, „Жената на францускиот поручник“, „Мојата Африка“, „Мостовите на округот Медисон“, „Сомнеж“ и „Заљубување“.

Почесна Златна палма годинава ќе добијат креаторот на серијата „Војна на ѕвездите“, Џорџ Лукас и колективно Студио Гибли на јапонскиот режисер за анимација Хајао Мијазаки.

Канскиот фестивал ќе се одржи од 14 до 25 мај, а за Златната палма се натпреваруваат повеќе од 20 филмови, меѓу кои и новиот филм на Френсис Форд Копола „Мегалополис“. /МИА

Фудбал

ФА го суспендираше Тонали на два месеци

Сандро Тонали беше суспендиран од фудбалот на два месеци. Нему му пресуди Независната регулаторна комисија откако призна дека учествувал во забрането обложување.

Покрај тоа, тој е казнет со 20.000 фунти и предупреден за понатамошно однесување.

Суспензијата е таква што Тонали нема да може да се врати на терените до крајот на сезоната, до кога ќе истече десетмесечната казна што му ја изрече Италијанската фудбалска федерација на 27 октомври 2023 година.

Доколку не го повтори истиот прекршок до крајот на сезоната, нема да мора да ја одлежи оваа двомесечна суспензија.

Фудбалскиот сојуз и Регулаторната комисија оценија дека Тонали соработувал и признал се за што е обвинет „на исклучителен и досега неевидентиран начин“.

Тонали целосно ги признал сите свои прекршоци, а тоа го направил во ситуација кога доказите практично не постоеле.

Тој продолжува да оди на терапија и едукативни програми на кои е должен да присуствува со целосна поддршка од клубот и продолжува да тренира со екипата./МИА

притисни ентер