Технологија

Индиската вселенска сонда испратена кон Сонцето, ја напушти земјината сфера на влијание

Индиската вселенска сонда испратена до центарот на Сончевиот систем, за да го проучува Сонцето, успеа да ја напушти Земјината сфера на влијание, објави синоќа националната вселенска агенција.

Мисијата Aditya-L1, што значи „Сонце“ на хинду, тргна на 2 септември на четиримесечно патување. Носи научни инструменти за набљудување на надворешните слоеви на сончевото тело.

„Сондата излезе од сферата на влијание на Земјата“, објави Индиската организација за вселенски истражувања (ISRO).

Сондата, именувана по хинду-божицата на Сонцето, поминала 920.000 километри од полетувањето, што е нешто повеќе од половина пат до својата дестинација. Во овој момент, гравитационите сили на Земјата и Сонцето се поништуваат една со друга, дозволувајќи ѝ на сондата да остане во стабилна орбита.

„Ова е втор пат по ред ИСРО да испраќа вселенско летало надвор од сферата на влијание на Земјата. Првата беше мисијата Орбитер на Марс (2013-2014)“, се вели во соопштението на вселенската агенција.

И Јапонија и Кина започнаа свои мисии за набљудување на Сонцето, но во орбитата на Земјата.

Ако новата мисија на ИСРО успее, тоа ќе биде првата сонда што една азиска земја ќе ја постави во орбитата околу Сонцето. Соединетите Американски Држави и Европската вселенска агенција (ESA) веќе ставија сонди во орбитата со иста цел - проучување на Сонцето. Програмата на НАСА Pioneer беше лансирана уште во 1960-тите.

На 23 август, Индија стана првата земја што го спушти вселенското летало Чандрајан-3 во близина на јужниот пол на Месечината, приклучувајќи се на избраниот клуб на земји кои успешно извршија контролирано слетување на Месечината. Пред Индија, само САД, Советскиот Сојуз и Кина успеаја да изведат таква операција.

Прагјан (мудрост на санскрит) е возило со шест тркала на соларна енергија. Спроведе научна мисија во областа на јужниот пол на Месечината пред да биде затворена за време на ноќниот лунарен циклус, или околу две недели.

ISRO имаше намера да ја продолжи мисијата на својот мобилен робот обидувајќи се повторно да го активира откако светлината се врати на површината на Месечината, но машината ниту тогаш не реагираше.

Свет

Вооружана банда киднапира над 100 луѓе во Нигерија, бараат откуп

Вооружени мажи киднапирале повеќе од сто луѓе за време на рација во три села во северозападна Нигерија во петокот вечерта, изјави денеска началникот на областа Замфара, Алхаџи Бала.

Тој рече дека биле нападнати селата Гора, Мадомава и Џамбузу, а биле киднапирани околу 67 жени и 38 мажи, пренесува Ројтерс.

Тој предупреди дека постои можност бројот на киднапирани да биде поголем.

Локалните банди често ги киднапираат жителите на Замфара и поставуваат кампови во блиската шума, која нигериската армија ја бомбардирала неколку пати.

„Киднапирањата го прекршуваат мировниот договор меѓу нас и бандитите. Во февруари годинава извршивме неколку уплати за да не ја нападнат нашата територија“, изјави селскиот началник на Мадомаве.

Киднапирањето стана вообичаено во северозападна Нигерија, каде вооружените банди киднапираат луѓе од селата, автопатите и училиштата, а потоа бараат откуп.

Масовните киднапирања започнаа откако џихадистичката група Боко Харам киднапираше 200 ученички пред една деценија, по што оваа практика беше усвоена од вооружените банди чија идеологија е непозната.

Македонија

„Халк Еко Скопје Трча 10км“ : Ивановски прв во машка конкуренција, Поп Арсова со рекорд

Денеска се одржа 8. издание на „Халк Еко Скопје Трча 10км“, а 1650 натпреварувачи застанаа на стартната линија.

Прво место во машка конкуренција освои Дарио Ивановски, додека во женска конукренција прва до финишот стигна Адријана Поп Арсова, со што освои национален рекорд.

Како што соопштија организаторите, благодарение на учесниците на трката, како и на посетителите кои им даваа силна поддршка и гласни аплаузи, „Халк Еко Скопје Трча 10км“ и оваа година покажа дека спортскиот дух обединува, сплотува и го подигнува расположението на неверојатно ниво.

На трката со 10 километри, првите 5 места во машка и женска конкуренција ќе бидат парично наградени со вкупен награден фонд од 160.000 денари и дополнителни вредносни награди. Пехари ќе добијат и најдобо рангираните во старосни категории и најбрзите пријавени екипи.

Организатор на трката е Сојузот на спортови на Скопје, во соработка со А.К. Скопски Маратон, А.К.Работнички, додека покровител е Град Скопје.

Патеката на „Халк Еко Скопје Трча 10км“ е измерена и сертифицирана од страна на овластено лице од АИМС и Светска Атлетика.

Организаторите на настанот им искажуваат голема благодарност на сите учесници, како и на волонтерите за денешното динамично, енергично и масовно издание на „Халк Еко Скопје Трча 10км“ 2024 година.

Свет

Поранешниот адвокат на Трамп доби отказ од радио, поради тврдења за изборна измама во 2020.

Емисијата на поранешниот градоначалник на Њујорк и адвокат на Трамп, Руди Џулијани, е повлечена од етерот поради неговите коментари за наводна изборна измама на претседателските избори во САД во 2020 година.

Шоуто на Џулијани беше повлечено од радиото WABC по налог на неговиот сопственик, републиканскиот милијардер Џон Кациматидис.

Кациматидис изјави за Њујорк Тајмс дека веќе двапати го предупредил Џулијани.

„Нема да зборуваме за заблуди на изборите во ноември 2020. Го предупредивме еднаш. Го предупредивме двапати. И синоќа добив порака од него, а утрово добив порака од него дека одбива да не зборува за тоа“, рече тој.

Тој истакна дека Џулијани не му оставил избор и дека е суспендиран, пренесува Washington Examiner. Поранешниот градоначалник ја осуди одлуката на радио станицата како политичка и ги негираше наводите на Кациматидис дека постојано бил предупредуван да не зборува за изборите во 2020 година, Џулијани, исто така, рече дека не знаел дека бил отпуштен додека не го контактирал „Њујорк тајмс“.

Кациматидис рече дека Џулијани бил суспендиран поради коментарите што ги дал во емисијата во четвртокот кога се пожалил на правните случаи против него и суспензијата на неговата адвокатска лиценца. WABC го исклучил шоуто додека Џулијани сè уште зборувал. Грчкиот милијардер навести дека се согласува со коментарите на Џулијано за изборите, но дека мора да се почитуваат правилата на компанијата.