Во моментот на инцидентот со инженерот, во салата имало уште двајца работници, објави Дејли Меил.
Тој бил нападнат од робот дизајниран да ги зграпчува и преместува свежо излеаните делови од автомобилите.
Роботот ги вкопал своите „канџи“ во грбот и левата рака на работникот.
Инцидентот е откриен во извештајот за повреда на работникот од 2021 година, виден од Дејли Меил.
Додека Tesla не пријавила никакви други повреди поврзани со роботи во фабриката во Тексас во 2021 или 2022 година до регулаторите, инцидентот доаѓа во време на зголемена загриженост за ризикот од повреди од автоматизирани роботи на работното место.
Извештајот за повреда, кој Тесла е обврзан со закон да го поднесе до властите за да ги задржи профитабилните даночни олеснувања во Тексас, тврди дека инженерот не бил обврзан да зема боледување.
Сепак, адвокатка што ги застапува работниците на Тесла изјавила за Дејли Мејл дека верува, врз основа на нејзините разговори со тамошните работници, дека бројот на повреди здобиени во фабриката е недоволно пријавуван.
„Мој совет би бил да го прочитате тој извештај со резерва. Имавме повеќе повредени работници. Еден дури почина, а неговите повреди или смрт не се вклучени во овие извештаи што Тесла треба да ги достави до властите за да ги добие даночните олеснувања“, изјави адвокатката Хана Александар за Дејли Мејл.
Во врска со смртниот случај, станувало збор за работник по име Антелмо Рамирез, кој починал од топлотен удар додека помагал во изградбата на фабриката на Тесла, Гига Тексас.