Лидерите на регионот, претставници на Европската унија и Соединетите Американски Држави ќе разговараат за Планот за раст на Западен Балкан.

Како што е објавено на веб-страницата на Владата на Црна Гора, меѓу учесниците ќе бидат високиот претставник на Европската унија за надворешна политика и безбедност, Жозеп Борел и помошникот државен секретар на САД за Европа и Евроазија, Џејмс О'Брајан.

Самитот се организира под слоганот „Еден регион, заедничка визија“, а домаќин на самитот ќе биде премиерот на Црна Гора, Милојко Спајиќ.

Како што се наведува, ден пред Самитот, на 15 мај, ќе се одржи состанок на министрите за европски прашања и финансии на земјите од Западен Балкан, претставници на Европската комисија и партнерските организации.

Американскиот Стејт департмент соопшти дека помошникот секретар за европски и евроазиски прашања Џејмс О'Брајан од 14 до 17 мај ќе ги посети Црна Гора и Грузија и дека во рамките на посетата на Црна Гора ќе учествува и на Самитот во Котор.

Неговиот ангажман на самитот ќе се фокусира на регионалната економска интеграција и можноста за раст што ја нуди Планот за раст на ЕУ за Западен Балкан и ќе ја зајакне силната поддршка на САД за патот на Западен Балкан кон членство во ЕУ, се вели во соопштението.

Покрај лидерите и министрите од регионот, партнерските организации како што се Советот за регионална соработка, Европската банка за обнова и развој, Европската инвестициска банка, Светската банка, Транспортната заедница, Атлантската алијанса, Енергетската заедница на настанот се поканети Фондацијата Отворено општество, РеСПА, ГИЗ, високи претставници на Европската комисија и други.

Шведската полиција истражувала поплака од жена член на продукциската екипа по инцидентот по неговиот настап во полуфиналето во четвртокот вечерта.

Иако правниот процес си го зема својот тек, не би било соодветно да го продолжи натпреварот. Се огласи и ЕБУ.

„Сакаме јасно да ставиме до знаење дека, спротивно на некои медиумски извештаи и шпекулации на социјалните мрежи, во овој инцидент не беа вклучени други изведувачи или членови на делегацијата.Ние работиме со политика на нулта толеранција за несоодветно однесување на нашиот настан и сме посветени на обезбедување безбедна и сигурна работна средина за целиот персонал на натпреварот.

Во светлината на ова, однесувањето на Јост Клајн кон член на тимот се смета за прекршување на правилата за натпреварување.

Големото финале на 68. Избор за песна на Евровизија сега ќе продолжи со 25 учесници“, се вели во нивното соопштение.

Холивудската актерка е обвинета дека се обидела да го отуѓи својот поранешен сопруг и нивните шест деца по нивното разделување, според судските поднесоци поднесени во Врховниот суд на Л.А., открива Дејли Мејл.

Во ексклузивната изјава што ја виде Дејли Мејл, на телохранителот на парот, неговиот вработен му кажал дека Џоли бара нејзините деца да го избегнуваат Пит додека таа го има старателството над нив. Документите кои го докажуваат тоа се дел од оние досиеја кои се однесуваат на меѓусебниот конфликт на поранешната двојка за лозјето и куќата во Франција. Пит (60) и Џоли (48) се вплеткани во долготрајна жестока битка за имотот Шато Миравал, кое што го произведува наградуваното пенливо розе.

Имено, Џоли го продаде својот удел за 62 милиони долари на рускиот милијардер Јури Шефлер во 2021 година, што Пит тврди дека е во спротивност со нивниот договор дека прво треба да си го понудат правото на откуп.

Поранешниот војник на британските воздухопловни сили, Тони Веб, работел за семејството повеќе од 20 години како телохранител, почнувајќи од 2000 година, но тврди дека Џоли го отпуштила откако двајца негови чувари застанале на страната на Пит по разделбата.

Според документите поднесени вчера од адвокатите на Пит, Веб тврди дека личниот асистент на Џоли им кажал на двајцата колеги дека ќе бидат „тужени“ откако ќе се дознае дека можеби имаат докази во битката за старателство на двојката. Во документите се наведува дека колегата на Веб ја слушнал Џоли како „ги охрабрува децата да избегнуваат да поминуваат време со Пит за време на посетите“.

Во својата изјава, Веб тврди дека двајца негови соработници биле повикани да сведочат на сослушувањата за старателството на поранешната двојка, откривајќи ги разговорите меѓу Џоли и децата. Според изјавата на Веб, по разделбата на парот СРС Глобал и тој продолжиле да работат како телохранители на Џоли, Пит и нивните деца. Непосредно пред двајца негови работници да сведочат на суд, тој добил повик од личниот асистент на актерката, Мајкл Виеира.

„Виеира потоа ме замоли да ги спречам двете лица да сведочат. Разбирам дека г-дин Виеира го поднесе ова барање во име на г-ѓа Џоли“, рече Веб во својата изјава.

Веб понатаму во документот вели дека „немал овластување“ да ги спречи двете лица да сведочат бидејќи биле „независни соработници“, а не негови директни вработени. Асистентот тогаш наводно објаснил дека морале да потпишат договор за необјавување со Џоли или ќе бидат тужени.

„Ја пренесов оваа порака на двете лица по телефон и двајцата ми кажаа дека планираат да сведочат. Едно од двете лица, Рос Фостер, прецизираше дека има намера да сведочи без оглед на договорот за необјавување доколку биде повикан“, продолжи Веб.

Сè доведе до фактот дека во јуни 2021 година Џоли ја прекина соработката со СРС. Веб ѝ напишал благодарност во тоа време.

„Исто така напишав дека сум тажен што се оддалечивме во изминатите неколку години и дека знаев дека таа ме обвини за она што го направија моите независни изведувачи.

Во претходните правни поднесоци, адвокатот на Пит, Џон Берлински, тврдеше дека доказите на Веб покажале дека Џоли била склона да користи договори за необјавување за да ги прикрие семејните проблеми.

Пит освои неколку правни победи во неговата битка за винаријата, вклучително и значајната пресуда во Луксембург која му ја врати контролата врз наградуваното лозје во очекување на дополнителни сослушувања. Во март, Врховниот суд на Л.А. ги отфрли наводите дека неговата тужба е „несериозна, злонамерна и дел од вознемирувачки модел на однесување“.