Македонија

Исцрпена собраниската расправа за заем од 21,5 милиони евра за образованието

Пратениците од власта и опозицијата попладнево продолжија да полемизираат дали е потребно државата да се задолжува со кредит во износ од 21.5 милиони евра за подобрување на образованието.

Пратениците расправаа по Предлог-законот за задолжување со заем кај Меѓународната банка за обнова и развој – Светска банка по Договорот за заем за финансирање на Проектот за унапредување на основното образование, по скратена постапка. Расправата е исцрпена и заврши, а гласањето ќе биде дополнително закажано. Оваа, 29-та седница со расправа по другите точки од дневниот ред ќе продолжи утре.

Проектот за унапредување на основното образование се состои од четири компоненти: подобрување на учењето на ниво на училиште (15.11 милиони евра), реформа на следењето и оценувањето на националниот прогрес во учењето (1.8 милион евра), зајакнување на компетенциите на наставниот кадар, стручните соработници и директорите на училиштата (2.9 милиони евра) и управување со секторот, раководење со проектот и мониторинг и евалуација (1.54 милион евра).

Пратениците на ВМРО-ДПМНЕ се сомневаат дека со заемот ќе се подобрат условите во образованието, сметаат дека проектот нема критериуми како средствата ќе бидат користени, дека само ќе се создаде долг што народот ќе го враќа 11 години со камата. Укажаа дека не е време за вакви заеми кога има пандемија, затворени училшита, а државата нема антиковид-вакцини. Според нив, се трошат пари за нешто што не е во интерес на наставниците и не е во корист на децата и дека, како и усвоената Концепција за основно образование, и ова е обид за манипулирање на јавноста и популизам.

Од четирите компоненти, најмногу забелешки имаа за првата за која се предвидени и најмногу средства – нешто повеќе од 15 милиони евра за подобрување на учење на ниво на училиште. Марија Петрушевска рече дека во текстот на законот нема анализа за моментална состојба и финансиски план кои училишта ќе бидат опфатени и временска рамка за реализација.

Пратениците на ВМРО-ДПМНЕ апелираа на внимателност и поради презадолжување, укажувајќи дека Владата пред една недела се задолжи со обврзница од 700 милиони евра.

Пратеничката од СДСМ Жаклина Лазаревска, која е и претседателка на собраниската Комисија за образование, реплицираше дека од задолжувањата на ВМРО-ДПМНЕ само за камати од 2014 година се исплатени 140 милиони евра со кои, како што рече, можело да се изградат основни училишта или градинки.

Проектот за унапредување на основното образование, кој треба да се релизира со овој заем, ќе се имплементира преку Единица за управување која веќе функционира во Министерството за образование и наука, а ќе бидат вклучени и Бирото за развој на образование, Државниот испитен центар, Државниот просветен инспекторат, општините и основните училишта. /МИА

Свет

Шпанија не дозволи брод со 27 тони експлозив за Израел да запре во нивно пристаниште

Шпанија не дозволи брод што носи оружје за Израел да се закотви во југоисточното пристаниште Картагена, изјави министерот за надворешни работи Хозе Мануел Албарес.

Албарес ги потврди извештаите дека бродот Marianne Danica превезувал оружје во Израел и дека побарал дозвола да се закотви во Картагена на 21 мај.

Тој рече дека забраната за шпанските пристаништа е во согласност со политиката на Шпанија да го забрани извозот на оружје во Израел од почетокот на војната во Газа во октомври.

„Одбивме да му дозволиме да се закотви и тоа ќе биде конзистентна политика со секој брод што носи израелско оружје што сака да се закотви во шпанските пристаништа“, рече Албарес.

Бродот превезувал речиси 27 тони експлозивен материјал од Мадрас, Индија, објави Ел Паис. H. Folmer & Co. Компанијата која управува со бродот, не одговорила веднаш на барањето за коментар. Извештаите доаѓаат во време на спор меѓу владејачките социјалисти и нивните тврдолеви партнери околу дозволувањето транзит на бродови со оружје до израелските пристаништа.

Шоу биз

Најочекувана премиера во Кан: Филмот за „Лудиот Макс“ доби шестминутни овации (ВИДЕО)

Филмот Furiosa: A Mad Max Saga беше премиерно прикажан на Канскиот филмски фестивал. Во него, меѓу другите, играат и Крис Хемсворт, Ања Тејлор-Џој и Том Бурк.

Се чинеше дека публиката го очекуваше новиот акционен филм, а екипата доби неверојатни шестминутни овации. Ања беше пресреќна од реакцијата на толпата, додека Крис изгледаше многу емотивно.

„Работевме многу напорно на овој филм и ќе биде интересно да видиме што ќе направите од него. Ви благодариме“, изјави режисерот Џорџ Милер по премиерата.

Тој филм беше една од најочекуваните премиери на овогодинешниот Кан. Снимањето се одвиваше во Австралија, почнувајќи во јуни 2022 година и заврши во октомври. Пристигнува во кината на 23 мај. Ворнер Брос се надева дека филмот ќе го израмни или ќе го надмине резултатот постигнат од Mad Max: Fury Road.

Furiosa: A Mad Max Saga е постапокалиптичен акционен-авантуристички филм од 2024 година, копродуцент и режиран од Џорџ Милер. Тоа е петтиот дел од франшизата Mad Max, кој служи и како спин-оф и како приквел на Mad Max: Fury Road.

Приказната се одвива 15 до 20 години пред настаните на Mad Max: Fury Road. Ања ја отелотвори помладата верзија на воинката Фуриоза, која првпат ја среќаваме во Fury Road, каде што ја глумеше Шарлиз Терон. Фуриоза била киднапирана од нејзиното идилично село како дете и пораснала со киднаперите, Лорд Дементус (Крис Хемсворт) и Имортан Џо (Лачи Хулм). Младата воинка се заколнала дека еден ден ќе им се одмазди на луѓето кои ѝ го уништиле животот.

Тејлор-Џој во интервју за Бјукенан изјави дека знаела дека снимањето ќе биде тешко, но дека не била подготвена за она што ја чекало. Иако не сакала да навлегува во детали, актерката изјави дека ѝ биле потребни две години да се опорави по завршувањето на снимањето на Фуриоза.

„Никогаш не сум била поосамена отколку на снимањето на тој филм“, објаснила актерката, пренесува The New York Times. „Не сакам премногу да навлегувам во тоа, но сè што мислев дека ќе биде лесно, беше тешко.“

Продуцентот и долгогодишен соработник на режисерот Џорџ Милер, Даг Мичел, откри дека Фуриоза има една акциона секвенца која трае 15 минути и е снимена во текот на 78 дена. Во снимањето учествувале 200 каскадери, а тајното име на сцената било Stairway to Nowhere.

„Џорџ и јас имавме опширни дискусии за тоа зошто оваа конкретна сцена беше толку долга“, рече ѕвездата на филмот Ања Тејлор-Џој. „Тоа е долго затоа што гледаме акумулација на вештини за време на битката, и тоа е навистина важно да разбереме колку Фуриоса е снаодлива и храбра. Тоа е најдолгата секвенца што некој од нас некогаш ја снимил. На последниот ден од снимањето, сите добивме шише вино“.

Свет

Британската полиција уапси екстремен десничар, нашле радиоактивен материјал за правење бомба

Антитерористичката единица на полицијата во градинарска барака пронашла радиоактивен материјал неопходен за правење на таканаречената „валкана бомба“ и го уапсила екстремниот десничар (31).

Како што пренесува Дејли Меил, случајот кој привлече големо внимание во јавноста се случил на имот во Хајд Роуд во Бедфордшир.

Полицијата апсењето го извршила на 6 мај, а во пријавата се наведува дека приведениот живеел со родителите. Тој е опишан како осаменик со „Аспергеров синдром“, форма на аутизам. Нему му е одредена кауција, а при подоцнежниот претрес на имотот биле пронајдени и други „сомнителни материи“.

По апсењето, случајот е предаден на Метрополитен полиција и осомничениот повторно е приведен поради поседување материјал наменет за терористички цели. Овој пат тој е приведен во полициски притвор. Инспекторите нашле нацистички материјал кај него.

Полицијата извршила претрес по дојава дека на таа адреса се чуваат „сомнителни материи“. Специјалниот тим потоа извршил контролирана експлозија од мали размери во блиското поле со цел да го уништи пронајдениот материјал од хемиско потекло.

Таблоидот „Сан“ прв објави дека истражителите во специјални заштитни одела и со гајгерови бројачи ја мереле радиоактивноста кога дошле на имотот.

Локалните жители тврдат дека уапсениот бил самотник и дека ретко излегувал надвор, а кога излегувал секогаш носел качулка и го криел лицето. Мајката на уапсениот изјавила дека хемијата била негово хоби и дека тој нема никаква врска со тероризам.

„Веруваме дека нема понатамошен ризик за локалното население или општата јавност. Еден маж од Бедфордшир е уапсен под сомнение за дела поврзани со тероризам. Пронајдени и запленети се голем број осомничени лица“, се вели во соопштението на полицијата.

притисни ентер