Македонија

Истражување на ФОП за трошоците на студентите од факултети од Скопје и Тетово

Истражувањето „Студентска кошничка на студентите на Економскиот, Филолошкиот и Медицинскиот факултет“ сега е објавено.

Истражувачите на Форумот за Образовни Промени ги идентификуваа и анализираа најголем дел од трошоците што ги имаат студентите за цела академска година.

Нашата цел е да создадеме јасна слика за трошоците на студентите. Затоа што кога институциите во земјата креираат финансиски политики кои се фокусираат на младите луѓе, треба да се информирани за студентските трошоци.

Преку интервјуа со студенти на Економскиот, Филолошкиот и Медицинскиот факултет ги истражувавме и анализиравме трошоците што овие студенти ги имаат во текот на еден семестар.

Што велат податоците за Економскиот факултет, Универзитет „Свети Кирил и Методиј“?

Студентите на Економскиот факултет со самофинансирање плаќаат 12.321 денари за еден семестар и 2.150 денари за други трошоци (ИКСА и административни). Просечните трошоци за секој студент посебно за еден семестар се како што следува:

За литература 3.520 ден.

За потрошни материјали: 1.400 денар.

За превоз: 9.348 денари.

За домување: 26.400 ден.

За храна: 12.650 ден.

За рекреација: 14.202 ден.

Просечни трошоци за секој студент посебно за еден семестар: 81.335 денари (1.317 евра)

Просечни трошоци за секој студент посебно за една академска година: 162.670 денари (2.634 евра)

До завршување на додипломските студии: 650.680 денари (10.535 евра)

Што велат податоците за Филолошкиот факултет, Универзитет „Свети Кирил и Методиј“?

Студентите на Филолошкиот факултет со самофинансирање плаќаат 12.321 денари за еден семестар и 1.250 денари за други трошоци (ИКСА и административни). Просечните трошоци за секој студент посебно за еден семестар се како што следува:

За литература 2.012 ден.

За потрошни материјали: 760 ден.

За превоз: 10.340 денари.

За домување: 21.875 ден.

За храна: 12.958 ден.

За рекреација: 11.758 ден.

Просечни трошоци за секој студент посебно за еден семестар: 72.618 денари (1.176 евра)

Просечни трошоци за секој студент посебно за една академска година: 145.236 денари (2.352 евра)

До завршување на додипломските студии: 580.944 денари (9.406 евра)

Што велат податоците за Факултетот за медицински науки, Универзитетот во Тетово?

Студентите на Факултетот за медицински науки со самофинансирање плаќаат 12.321 денари за еден семестар и 750 денари за други трошоци (ИКСА и административни). Просечните трошоци за секој студент посебно за еден семестар се како што следува:

За литература 6.579 денари.

За потрошни материјал: 2.476 ден.

За превоз: 6.541 ден.

За домување: 14.809 ден.

За храна: 15.589 ден.

За рекреација: 11.360 ден.

Просечни трошоци за секој студент посебно за еден семестар: 69.850 денари (1.131 евра)

Просечни трошоци за секој студент посебно за една академска година: 139.700 денари (2.262 евра)

До завршување на додипломските студии: 698.500 денари (11.309 евра)

Перцепција на граѓаните: Студентите и цените, евтино или скапо?

Во вториот дел од истражувањето „Студенска Кошничка на студенти на Економскиот, Филолошкиот и Медицинскиот Факултет“ анкетиравме онлајн (преку Интернет) вкупно 185 лица за да ја научиме општата перцепција на граѓаните во однос на цените во однос на студентите. Одговорите се следни:

85,4% од испитаниците сметаат дека цените на основните прехранбени производи се скапи.

80% од испитаниците сметаат дека цените на основните прехранбени производи не се прифатливи за студентите.

81,1% од испитаниците сметаат дека помошта на државните институции за студентите не е доволна.

79,5% од испитаниците сметаат дека државните универзитети не обезбедуваат доволно помош/стипендии за студентите.

80% од испитаниците сметаат дека сумата од 140 денари дневно што им се доделува на студентите не е доволна.

57,3% од испитаниците сметаат дека цената од 3.410 денари за студентски дом не е прифатлива за студентите.

53,5% од испитаниците сметаат дека цената на студиите/семестарот на државните универзитети е висока.

62,2% од испитаниците сметаат дека цените на книгите и другите материјали за трошење се не прифатливи за студентите.

62,2% од испитаниците сметаат дека студентите немаат финансиски можности за културни, спортски и туристички активности.

83,8% од испитаниците сметаат дека студентите не можат да си ги дозволат месечните трошоци без да бидат вработени.

66,5% од испитаниците сметаат дека во следните 12 месеци економската состојба и животниот стандард на студентите ќе се влоши.

По ова истражување, Форумот за Oбразовни Промени препорачува да има бесплатно јавно образование за сите студенти, да се дигитализираат административните услуги, да се зголеми износот на државните стипендии и да се прошири листата на факултети со највисоки стипендии, да се прошири листата на категории студенти кои добиваат државни стипендии, да се прошири листата на категории студенти кои се ослободени од учество. Прочитајте ги другите препораки на крајот од истражувањето.

Автор и уредник на ова истражување е Ардит Рамадани , истражувачи се Сабрије Тефики, Кристијан Стефановски и Иван Трајковски. Истражувањето го преведе Бехаре Касами, а дизајнираше Виган Демири.

Форум за образовни промени

Забава

Фото: Манекенка во супер провокативен фустан

Најпровокативното издание на убавата манекенка: И ова е фустан?

Прославата на 60-тиот роденден на реномираниот магазинот „Sports Illustrated Swimsuit“ се одржа во хотелот Хард Рок во Њујорк, а многу познати ѕвезди не ја пропуштија можноста гордо да продефилираат во своите комбинации.

Покрај русокосата Кејт Аптон, на листата на гости на елитната забава се најде уште едно име од светот на модната индустрија. Станува збор за манекенката Брукс Надер, која за оваа прилика облече провокативен фустан кој покажува повеќе од потребното.

Убавата Брук на забавата на магазинот без проблем одлучила да го покаже своето голо тело, фустанот посебно не можел да ги покрие нејзините бујни голи гради.

Македонија

„Тинекс“ го прослави 30-годишниот јубилеј на својата компанија.

На 16ти мај, со големо задоволство и гордост „Тинекс“ го прослави 30-годишниот јубилеј на својата компанија.

Пред три децении, кога првично ја отворија својата прва продавница во населбата „Карпош 3“, со само 15 вработени, малкумина веруваа дека ќе бидат компанија каква што се денес, но, со упорност, посветеност и визија успеаа.

Визијата на нивната компанија е да бидат ланец на маркети во кои луѓето ќе препознаваат квалитет, искрен однос, ќе сакаат да купуваат и да работат.

Нивната мисија е да бидат дел од секојдневието на потрошувачите, како најдобар ланец маркети во Македонија кој им нуди најголема вредност на потрошувачите, секојдневно надминувајќи ги нивните очекувања.

Сега, по 30 години, се на пат да ја надминат својата визија. Станаа синоним за силна, професионална и одговорна македонска компанија. Нивното семејство расте, нивните услуги и продукти се прошируваат, а нивната посветеност кон своите потрошувачи е сѐ посилна и поголема.

Тинекс им благодари на сите вработени, пријатели и соработници кои со својата посветеност и умешност го изградија „Тинекс“ од самите негови почетоци.

Автомобилизам

Човекот што го донесе Југото во Америка претставува револуционерен електричен автомобил

Електричното возило со три тркала има, благо кажано, неконвенционален дизајн.

Американскиот автомобилски визионер е одговорен за низа деловни потфати кои имаа значително влијание врз светската автомобилска индустрија, сега претставува револуционерен електричен модел.

Станува збор за Малколм Бриклин, личноста која го донесе Субару во Америка, но и ја овозможи југословенската „зделка на векот“.

Во осумдесеттите, Бриклин успешно го пласираше Југото во Америка, а потоа најде партнер во Кина, брендот „Chery“.

Иако бизнисот не им одеше најдобро на Кинезите, тоа овозможи создавање на „Visionary Vehicles“, кои функционираат и денес.

По воведувањето на санкциите против Југославија во раните деведесетти и напуштањето на Југо, Бриклин, како експерт по електротехника, одлучи да развие електричен автомобил.

Соработувал со сериозни играчи и започнал со производство на електричен велосипед, но бизнисот пропаднал поради преголемата цена, која била околу 1.400 до 1.900 долари. Сепак, електричниот сон преживеа. Пристигна „Bricklin 3EV“.

Првите контури на возилото оживеаја во форма на концепт во 2020 година, а сега е време да се тестира прототипот. Станува збор за електрично возило со три тркала кое во најмала рака има неконвенционален дизајн.

Не личи на „SV-1“, спортскиот автомобил што Бриклин го произведуваше во 1970-тите. Според достапните податоци, „3EV“ има еден електричен мотор, батерии сместени во средината и опсег од 440 km.

Се вели дека автомобилот е дизајниран од луѓе со искуство во создавање тркачки автомобили. Уште поимпресивна е богато опремената внатрешност, вклучувајќи напредни системи за помош на возачот.

Сепак, она што е особено изненадувачки е најавената цена од 28.980 долари.

Пред овој проект има многу прашања, па се уште не се познати техничките карактеристики, конечниот дизајн на сериското возило и датумот на почетокот на производството.

Без сомнение, ова е уште еден амбициозен проект, зад кој се уште стои активен 85-годишен визионер, за кој многумина искрено би сакале да успее./МИА