Целта на работилниците на која учество зема дел од адимистрацијата водена од експетите за CAF, Александра Шантл и Игор Марковски беше преку пленарни сесии и работа во групи, учесниците да се стекнат со знаења за управување со квалитет во јавната администрација.

Користењето на моделот CAF кој претставува алатка за целосно управување со квалитетот ЦУК заснована на Моделот за извонредност на Европската фондација за управување со квалитет, исто така, беше целна точка која вработените ја усовршија преку обуките.

Ова беше еден од основните чекори за почнување процес на постојано подобрување и појаснување на чекорите кои следат за континуиран развој на Општина Ѓорче Петров во областа „управување со квалитет“.

Услужноста на администрацијата е особено важна за Општина Ѓорче Петров како локална единица која всушност е првата општина во Република Македонија која ги спроведува и практикува искуствата од обуката, а втора во регионот.

Општина Ѓорче Петров

Бројот во Македонија се движи од 1.400 до 1.600 со тенденција на раст. Кај бубрежните болести нема граници за возраста, има и бебиња, аи пациенти над 90 години, информираше денеска во одговор на новинарско прашање Душко Ѓоргиев од Здружение „Нефрон".

При присуство на отворниот ден за дијализа во болницата Д.мед Медикал во општината Ѓорче Петров, Ѓорѓиев оцени дека државава има врвна европска дијализа, но оти се уште горлив проблем е кадаверичната трансплатнација.

-Секогаш кажуваме тоа може да биде и подобро, нијанси се во прашање во организација и подобрување на условите за дијализа. Меѓутоа, Македонија има добра дијализа што не е проблемот со трансплантацијата. Сега болна точка ни е трансплантацијата. Покрај она што кажавме и васкуларните пристапи. Ако дијализата сега во најголем процент е решена се уште имаме горлив проблем со кадаверичната трансплантација, имено, трансплантација од починати лица. Затоа потребна е национална кампања, едукација, подигање на свеста кај луѓето за дарување на органи. Инаку, трансплантацијата од познат дарител, од ливинг дарител, од утврден дарител оди тековно и се чека само додека се направат потребните испитувања, изјави Ѓорѓиев.

Според него, за трансплантација чекаат околу 150 лица, меѓутоа, како што рече, таа бројка не е реална. - Ако немаме кадаверична трансплантација, тогаш пациентите не прават типизација испитувања кои што чинат многу, а за една година треба да ги повторат. Со заживување на кадаверичната трансплантација, бројот на пациентите кои ќе бидат на листата за кадавер ќе се зголеми, појасни Ѓорѓиев.

Медицинската директорка на болницата, Елена Бабаљ Бансколиева, специјалист интернист супспецијалист нефролог, посочи дека овој здравствен капацитет како прва приватна болница и лидер во дијализата, 14 години обезбедува високо квалитетна хемодијализа и хемодијафилтрација со индивидуализиран пристап кон секој пациент. Таа нагласи дека перформанс индикаторите сведочат за германскиот квалитет кој секојдневно го спроведуваат.

Професионално им служиме на пациентите, а лично се грижиме за нивното здравје, подвлече Бабаљ Бансколиева.

Емилија Сомчевски, финансова и оперативна директорка, рече дека оваа специјална болница е дел од германска групација - прва германска инвестиција во областа нефрологија со дијализа, од неодамна во нови модерни простории со современа апаратура. Се заблагодари на Германската амбасада, Македонско - германското стопанско здружение, на вработените и на здружението „Нефрон", како и на пациентите за кои се грижат.

За прв пат во Општина Илинден но и како новина во содржините на манифестацијата е кино проекција на македонскиот игран филм „Стела“ во режија на Стојан Вујичиќ, која беше прикажана 14 мај во кино салата на Домот на Култура „Илинден“.

Во духот на соработката и пријателство меѓу Општина Илинден и ДПМ, се одржаа повеќе настани. Трибината под наслов „Современата македонска литература и нејзината перцепција (читањето, критиката, медиумите) “ на којашто учествуваа еминентни писатели и литературни критичари: проф. д-р Христо Петрески, Претседател на ДПМ, Ефтим Клетников, проф. д-р Гоце Ристовски. Трибината отвори серија важни прашања за кои писателите, интелектуалците како авангарда на општеството изнесоа свои ставови.

Во рамки на манифестацијата се одржа креативна работилница „Гатанките, поговорките, и пословиците во македонската литература за деца” со учество проф. д-р Александар Прокопиев, писатели на ДПМ и ученици од основните општински училишта од општина Илинден. На големо задоволство на учениците се одржа и традиционалното Литературно матине за деца ,,Пролетно поетско будење на Илинден”, на кое учествуваа истакнатите македонски писатели за деца и млади, како Горјан Петрески, Ели Маказлиева, Мито Спасовски, Перо Миленковски, Васил Мукаетов, Ефтим Клетников како и Мишо Китановски.

По повод Меѓународната Литературна манифестација Општина Илинден распиша литературен награден конкурс на тема ,,Татковина” за учениците од општинските основни училишта, пришто на Литературното матине за деца беа прочитани и наградените песни, а на учениците градоначалникот на општина Илинден, Александар Георгиевски им доделени пригодни награди.

Дел од манифестацијата беше и отворањето на ликовна изложба на еминентниот ликовен уметник Владимир Темков, каде љубителите на ликовната уметност имаат можност да погледнат околу 40-тина уметнички дела кои го красат просторот, на Домот на култура Илинден, а се изработени од последната едиција на уметникот за 2023/2024 година – житните полиња и птици.

Изложбата ја отвори градоначалникот на општина Илинден, Александар Георгиевски, а за уметникот и неговото уметничко творештво говореа академскиот уметник Новица Трајковски, проф. д-р Кирил Темков. По завршувањето на изложбата се одржа настам на Ансамблот за народни песни и игри ,,Илинден”, КУД „Гоце Марковски“ како и музички настап на млади музичари од Општина Илинден.

Централниот настан на манифестацијата, поетската вечер ,,Интимно соѕвездие” посветена на современата македонска љубовна поезија ќе се одржи денес 16 мај, со почеток во 19.00 часот, а ќе настапат повеќемина реномирани македонски поети. Свој настап ќе има и прекрасното музичко трио „Trinity Strings“.

Општина Илинден