Македонија

Јонкер за МИА: Набљудувачите ќе бидат рамномерно распоредени низ државата

 Меѓународната набљудувачка мисија за изборите ОБСЕ/ОДИХР вкупно ќе вклучува 240 набљудувачи. 

Tие ќе бидат распоредени рамномерно насекаде низ државата, со цел да се овозможи репрезентативен и непристрасен примерок, врз кој ќе ги дадеме нашите оценки, вели во интервју за МИА шефицата на Мисијата за набљудување на претседателските избри на ОБСЕ/ОДИХР Корин Јонкер.

Јонкер ги повикува кандидатите и политичките партии да ја известат Мисијата доколку во текот на изборниот ден се појават конкретни проблеми.

Во интервјуто за МИА, Јонкер не сака да дава предвремени оценки за денот на изборите, и како што вели, тие се тука за да набљудуваат и да известуваат за тоа што ќе го согледаат.

Мисијата на ОБСЕ-ОДИХР како што првично најавивте, ќе ги покрива претседателските избори со 279 набљудувачи. Дали сите пристигнаа во земјава?

-Меѓународната набљудувачка мисија за изборите вкупно ќе вклучува 240 набљудувачи. Мисијата се состои од различни групи на набљудувачи –краткорочни набљудувачи испратени од земјите-членки на ОБСЕ, и тие се најголемата група што е составена од 150 набљудувачи. Тие пристигнаа во земјава во средата, и ќе бидат брифирани денеска и утре. Нас исто така ќе ни се приклучат и две парламентарни собранија, Парламентарното собрание на ОБСЕ и Парламентарното собрание на Советот на Европа. Тие вклучуваат вкупно 60 набљудувачи и ќе бидат брифирани денеска и во сабота наутро пред да бидат распоредени низ државата сите набљудувачи. Заедно со нашиот главен тим од експерти и долгорочните набљудувачи, кои пристигнаа во земјава пред околу четири-пет недели, ќе имаме 240 набљудувачи, како што споменав на почетокот.

Каде ќе бидат распоредени? Дали има критични места за кои сметате дека треба да има посебно внимание?

-Набљудувачите ќе бидат распоредени низ целата земја, со цел да обезбедат избалансиран пристап за она што се случува во државата како целина. Се обидуваме да овозможиме да ги посетиме местата по случаен избор, со цел што е можно повеќе тоа да ни овозможи репрезентативен и непристрасен примерок, врз кој ќе ги дадеме нашите оценки. Доколку се појават проблеми во текот на изборниот ден, бараме од кандидатите односно од политичките партии да не известат за тоа. Нашиот главен експертски тим во Скопје, заедно со нашите долгорочни набљудвачи во соодветни места на набљудување, ќе направат проверка, со цел да добиеме јасна слика за конкретниот проблем.

Во периодичниот извештај на Мисијата наведовте неколку забелешки, во однос на прерано почнатата изборна кампања, и негативните родови стереотипи. Дали во овој меѓупериод имате и други забелешки за кампањата?

-Како што наведов во периодичниот извештај, законот не овозможува јасни насоки за тоа што е дозволено и што не е дозволено за кандидиатите во врска со нивните активности пред почетокот на кампањата. Ним им беше дозволено да водат кампања додека не бидат регистрирани за претседателски кандидати, потоа ги запреа активностите до 1 април, до официјалниот почеток на кампањата.

Во исто време, на политичките партии што ги поддржуваат кандидатите им беше дозволено да ги извршуваат своите редовни активности, како што тоа и го правеа. Дури имаше и телевизиска дебата меѓу господинот Заев и господинот Мицкоски, во која ги поддржуваа своите кандидати и ги критикуваа опонентите.

Во однос на родово базираните негативни стереотипи, споменавме дека госпоѓата Силјановска-Давкова добиваше негативни коментари за нејзиниот изглед. Сметаме дека ваквите коментари се несоодветни и ирелевантни во изборна кампања.

Дали кампањата Ви навестува каков ќе биде денот на изборите?

– Не сакаме се уште да даваме предвидувања за изборниот ден. Меѓународната набљудувачка мисија за изборите тука е да набљудува и да известува за тоа што ќе го видиме. Затоа не сакаме да се мешаме во процесот на кој било начин, или пак прерано да даваме изјави.

Шоу биз

Бритни Спирс жестоко се скарала со момчето, полугола ја изнеле од хотелот

Службите за итни случаи одговориле на инцидентот меѓу Бритни Спирс и нејзиното момче Пол Ричард Солиз во хотелот Шато Мармонт во Лос Анџелес вќера рано наутро, пишува Page Six.

Изворите тврдат дека двојката се скарале додека биле во луксузниот хотел, а портпаролот на противпожарната служба во Лос Анџелес, Брајан Хемфри, потврдил за Page Six дека 911 биле повикани во Шато Мармонт кратко по полноќ. „Добивме повик на 911 со пријавување повредена возрасна жена. Повикувачот немаше многу информации за повредата. Испративме едно возило на местото на настанот“, изјави претставник на противпожарната служба во Лос Анџелес.

До 01 часот и 17 минути на местото пристигнала брза помош, а на повикот се јавиле само пожарникарите, додека полицијата не била на терен. Извор изјавил за Page Six дека Спирс, која живее во блискиот Thousand Oaks, Калифорнија, го напуштила хотелот со обезбедување и е „сега дома и безбедна “.

Пејачката е видена како го напушта хотелот боса, во долна облека, завиткана во ќебе и држејќи перница во рацете. По инцидентот, изворите рекоа дека пријателите на пејачката биле многу загрижени за нејзината врска со Солиз, а еден пријател рекол: „Тој е лоша вест од самиот почеток“.

Во август 2023 година, Спирс се шпекулираше дека се „зближува“ со Солиз, нејзиниот поранешен куќен помошник, но упатените во тоа време рекоа дека се загрижени за неговото криминално минато. Судските записи покажуваат дека тој бил обвинет за повеќе прекршоци, па дури и кривично дело затоа што поседувал огнено оружје.

За потсетување, во средата беше финализиран разводот меѓу Спирс и нејзиниот поранешен сопруг Сем Асгари. Парот се разведе во август минатата година по 14 месеци брак. „Бритни врти нова страница“, изјави извор за Page Six претходно, додавајќи дека разводот бил финализиран „пријателски“ со „строг предбрачен договор“.

Македонија

Димитриевски во Тетово: Ја бараме поддршката на граѓаните на претстојните избори

Претседателот на Движењето ЗНАМ – За наша Македонија, Максим Димитриевски  денеска беше во Тетово.

Претседателот на Движењето ЗНАМ – За наша Македонија, Максим Димитриевски денеска беше во Тетово, каде што со носителот на листата на кандидати за пратеници во ИЕ 6, Небојша Захариески и останатите кандидати, ја промовираа програмата на Движењето за претстојните парламентарни избори „Проглас за достоинствена Македонија“. Димитриевски во изјавата за медиумите рече дека Движењето ЗНАМ – За наша Македонија се етаблираше како нова политичка сила на македонскиот] политички простор токму со поддршката на граѓаните.

„Ја претставуваме програмата и ја бараме поддршката за нашите кандидати за пратеници предводени од господин Небојша Захариески во ИЕ 6.

Јас знам дека никогаш повеќе ЗНАМ нема да дозволи нештата во државата да бидат исти. Ќе бидеме коректив на идната власт, но и на идната опозиција.

Нашиот број секојдневно се зголемува, а и поддршката од граѓаните е се поголема и верувам дека заедно ќе успееме да ја вратиме државата таму каде што припаѓа, во рацете на граѓаните“.

Тој ги повика граѓаните масовно да ја дадат својата поддршка на Движењето ЗНам – За наша Македонија, на носителот на листата во ИЕ 6, Захариески, како и на сите кандидати за пратеници.

„Со тоа, рече Димитриевски, - Граѓаните го даваат својот глас од граѓанин за граѓанин. Ние сме политички субјект кој расте токму со граѓанската поддршка. Продолжуваме понатаму со позитивни промени во државата, со позитивни промени во Македонија“.

Изјава за медиумите даде и носителот на листата во ИЕ 6, Небојша Захариески, кој рече дека со она што го нудат во Програмата „Проглас за достоинствена Македонија“ сакаат да ги вратат илинденските и асномските темели на државата.

„Сакаме да ја направиме државата самоодржлива, со што ќе биде и самостојна. Сакаме да градиме стабилни меѓуетнички односи, а Тетово е симбол за добар соживот“, рече Захариески.

Тој додаде дека нивна цел е добро владеење, правна држава, како и запирање на клиентелизмот, непотизмот и корупцијата, со што, како што рече, ќе го дадат својот максимум за Македонија.

Сектор за односи со јавност

Свет

Падна цената на златото, нафтата по долго време под 79 долари за барел

Европските и американските берзански индекси денеска се во пораст, цените на златото и пченицата паднаа, додека нафтата од типот „брент“ се продава за помалку од 84 долари за барел.

Индексот DAX на Франкфуртската берза денеска во 9:15 часот порасна на 17.955,35 поени, лондонски FTSE 100 на 8.193,91 поени, француски CAC 40 на 7.945,20 поени, а московски MOEX на 3.446,04 поени.

Вредноста на американскиот берзански индекс Dow Jones се искачи на 38.225,66 поени, S&P 500 на 5.064,20 поени, а вредноста на Nasdaq индексот на 15.840,96 поени.

Според податоците од берзата, цената на суровата нафта паднала на 79.198 долари, а на нафтата од типот брент на 83.903 долари.

Европските фјучерси на гас се продаваа на отворањето на берзата ТТФ по цена од 30.900 евра за мегават-час.

Цената на златото падна на 2298,79 долари за унца, а на пченицата на 5,9581 долари за бушел (бушел е еднаков на 27,216 кг).

Вредноста на еврото во однос на доларот изнесуваше 1,07296, што е приближно исто како вчера.

притисни ентер