Го зела телефонот да му се јави на својот бодигард Паскал Дувие, кој вечерта бил излезен со нејзината сестра Кортни, но крадците веќе влегле и и го одзеле телефонот од рацете.
Додека таа молела за својот живот и им кажувала на крадците дека има две деца, тие и ги врзале рацете и нозете со леплива лента и ја затвориле во бањата.
Според извори на „People“ Ким успеала да ги ослободи рацете и почнала да вика, а тоа го слушнала нејзината пријателка, стилистката Симон Харучи која била сместена на долниот спрат. Таа му се јавила на бодигардот, а тој пристигнал две минути откако крадците со велосипеди заминале од местото на кражбата.
Ким во полиција подоцна изјвила дека се плашела дека ќе ја силуваат. Крадците зборувале на француски и Ким не можела да ги разбере, само го разбрала зборот „ring“ - прстен, кој го повториле неколку пати. Дијамантскиот прстен вреден 4,5 милиони долари, подарок од Канје, и бил украден. Како и кутијата со накит вредна 6,7 милиони долари.
Ова е прстенот со кој ријалити ѕвездата се фалеше по социјалните мрежи, и веројатно им даде идеја на крадците.
- Оставивте траги, и ќе ве најдеме. Ви ветувам. Се закачивте со погрешни луѓе - изјави бодигардот на Ким Кардашијан, Паскал Дувие.
Стив Станулис, безбедносен експерт, вели дека претераното откривање на социјалните мрежи довело до кражбата.
- Знаев дека ова ќе се случи. Мораше да се случи, кога Ким отворено се фали со своето богатство и дијаманти - вели тој за Дејли меил, и додава дека крадците имале помош и од некој во зградата кој им јавил кога Ким Кардашијан останала сама.
Откако Ким даде изјава во полицијата, замина во Њујорк. На аеродромот ја пречека сопругот Канје Вест. По крадците уште се трага.