Петмина маскирани, облечени во полициска облека, рано утрово упаднаа во станот на Кардашијан, ја држеа на нишан, ја врзаа и ја заклучија во тоалетот, а потоа украдоа накит во вредност од 11 милиони долари.
Тие украле кутија за накит вредна 6,7 милиони долари, и прстен вреден 4,5 милиони долари, за кои се смета дека биле нејзини лично, а не накит кој таа го позајмила за модната недела во Париз. И тоа не е се - се претпоставува дека вредноста на украдениот накит достигнува до 16 милиони долари.
Таблоидите јавуваат дека телохранителот на Ким во кој таа има најголема доверба, Паскал Дувие, синоќа не бил со неа туку бил излезен со нејзината Кортни.
Тој утрово ја придружуваше Ким на заминување од Париз.
Кога се случил упадот околу 2.30 часот утринава, Ким тукушто се вратила од вечера со пријатели.
- Таа постојано влегуваше и излегуваше од апартманот, следена од папараци. Изгледа дека многумина знаеја каде живее додека е во Париз - вели барменот од ресторанот во близина на зградата во која престојувала Ким.
Еден од папараците кому пред неколку дена му бил дозволен пристап во ресторанот каде таа вечерала со семејството, вели дека успеал да влезе преоблечен во полицаец!
Полицијата го истражува грабежот по кој, според портпаролката на ријалити ѕвездата, Ким не била повредена но била многу вознемирена...