Колку често треба да ги менувате зависи од неколку фактори, почнувајќи од тоа колку често ги користите, потоа материјалите од кои се направени, па сè до личните преференци.
Имено, природните сунѓери се распаѓаат побрзо од синтетските, па доколку користите природен сунѓер, се препорачува да го менувате на секои две до четири недели.
Синтетските сунѓери направени од најлон или полиестер честопати се поиздржливи и можат да траат подолго, нив би требало да ги менувате на секои четири до шест недели.
Меѓутоа, колку време ќе го користиме сунѓерот зависи и од тоа колку често го употребуваме. Честата употреба може да доведе до таложење на бактерии, мртви клетки од кожата и собирање на средство за капење, па така се намалува неговата ефикасност и се зголемува ризикот од проблеми со кожата. Доколку се користи често, се препорачува ова средство да се менува на секои три до четири недели.
Како да го одржувате сунѓерот за капење?
Правилното одржување на сунѓерот за капење го зголемува неговиот рок на употреба. По секоја употреба, темелно исплакнете го сунѓерот, исцедете го вишокот вода и оставете го да се исуши на воздух во добро проветрена просторија. Избегнувајте да го оставате сунѓерот на влажно и затворено место, бидејќи тоа може да го поттикне растот на бактерии и мувла.
Редовната дезинфекција на сунѓерот, така што ќе го исперете во раствор од вода и оцет, може да биде од корист за да се продолжи неговиот рок на траење.
Ако имате чувствителна кожа или промени на кожаа, како егзема, треба да бидете особено внимателни. Имено, честата употреба на сунѓерите за капење може во овој случај да ги влоши проблемите со кожата, затоа гледајте да ги менувате на секои две до три недели. Паметно е да се изберат и хипоалергиски или сунѓери препорачани од дерматолог, кои се наменети за луѓе со чувствителна кожа.
Исто така, замената на сунѓерот се прави и според лична проценка, ако мириса лошо и ја губи својата мекост и ефикасност, време е да го замените, без оглед на горенаведената временска рамка.