Македонија

Костадиновска-Стојчевска: Од Мајските оперски вечери научивме дека културата прави чуда

Министерката за култура, Бисера Костадиновска-Стојчевска на отворањето на 52. Мајските оперски вечери, рече дека сè додека ги слушаме фанфарите со „Триумфалниот марш“ на Верди не треба да стравуваме.

Министерката за култура, Бисера Костадиновска-Стојчевска на отворањето на 52. Мајските оперски вечери, рече дека сè додека ги слушаме фанфарите со „Триумфалниот марш“ на Верди како го означуваат почетокот на нашата меѓународно признаена манифестација не треба да стравуваме.

Таа додаде дека фестивалскиот оган ќе гори сè додека постои нашата љубов кон Нејзиното Височество – Операта. „ Мајските оперски вечери се повеќе од празник, тие се круна на децениските напори на генерации македонски уметници да создадат и да остават гласовна трага за долги времиња“, рече министерката за култура насочувајќи го вниманието и кон изложбата посветена на макеоднската примадона Милка Ефтимова.

„Тоа се тие генерации врвни уметници на кои им ја должиме сета наша почит зашто од нив научивме дека културата е мисија која прави чуда. Со задача да го промени и да го спаси светот“, рече министерката за култура на отворањето на Мајските оперски вечери.

По церемонијата на палење на фестивалскиот оган од страна на оперската певица Славица Галиќ-Петровска, следеше премиерата на „Трубадур“ од Верди, во режија на Иван Поповски, светски познатиот македонски режисер, кој има голем број оперски поставки во Русија, а кој за прв пат режира опера во сопствената држава.

Диригент беше Енрико Довико од Италија, сценограф Миодраг Табачки од Србија, костимите се на Марија Пупучевска, а кореографијата на Саша Евтимова.

Во операта „Трубадур“ настапуваат Зоран Сотиров, Марјан Јованоски, Сандра Митровска, Сања Анастасиа (Србија), Владимир Саздовски, Дејан Стоев, Ана Ројдева, Тихомир Јакимовски и Јане Дунимаглоски, како и Хорот и Оркестарот на НОБ. Репризата е на 11 мај, со диригентот Иван Еминовиќ и солисти од Канада и Чиле.

На Мајските оперски вечери ќе се изведат и балетот „Заспаната убавица“ на Чајковски (15 мај) со диригентот Најер Нагуи од Египет и солисти од Бугарија и операта „Валкира“ на Вагнер (18 мај), со која ќе гостува Софиската опера и балет.

Ќе биде изведена операта „Тоска“ (23 мај) со Весна Ѓиновска-Илкова во насловната улога, а ќе има изведба и на камерната опера „Свадба“, со која на 28 мај ќе гостува Словенечкиот камерен музички театар од Љубљана.

Традиционално, Мајските оперски вечери ќе завршат на 31 мај со Вердиевата „Аида“.

Забава

Во Тексас се собрале 706 мажи со име Кајл, но недоволно - рекордот останува во Босна (ВИДЕО)

Уште еден обид на градот Кајл во Тексас да го собори светскиот рекорд за најголем собир на луѓе со исто име не успеа и покрај тоа што 706 мажи по име Кајл од сите возрасти се појавија во парк во предградието на Остин.

Рекордот го држи градот Купрес во Босна, кој собра 2.325 Ивани во 2017 година, според Гинисовата книга на рекорди, пренесе АП.

Ова не е прв пат мажите по име Кајл да се обидат да го победат Иван.

Минатата година, во градот кој се наоѓа на околу 90 километри јужно од Остин, главниот град на американската сојузна држава Тексас, се собраа 1.490 мажи по име Кајл.

Кајл не е едно од најпопуларните имиња во САД, според Администрацијата за социјално осигурување, која годишно ги следи имињата што им се даваат на девојчињата и момчињата во секоја американска држава.

Најновите податоци покажуваат дека Кајл бил рангиран на 416-то место меѓу машките имиња во 2023 година, додека Иван, за споредба, бил рангиран на 153-то место.

Регион

Косовската полицијата со пушки упаднала и затвориле 6 филијали на Поштенската штедилница

Шест филијали на Поштанска штидиница во четири општини на северот на Косово денеска ги затвори косовската полиција, врз основа на извештајот на „институцијата за финансиски мониторинг“.

„Косовската полиција по пријави од институции за финансиско следење, како Управата за финансиско разузнавање и Централната банка на Косово, заедно со Даночната управа на Косово, врз основа на овластување на надлежниот обвинител, спроведува полициско дејствие во трезорот на Поштанската штидилница банка и уште пет филијали на истата, кои незаконски работеа на овој простор на Република Косово“, се наведува во соопштението на косовската полиција на Фејсбук.

Како што се наведува, операцијата „минала без проблеми“, а целта на операцијата е „воспоставување ред и законитост“.

Претходно денеска членовите на косовската полиција со пушки и панцири упаднаа во подружниците на Поштанска штединица во Косовска Митровица, Звечан, Зубина Поток и Лепосавиќ, додека граѓаните се обидуваа да ги подигнат пензиите, социјалната помош и други средства, јави дописникот на Танјуг.

Полицијата упадна и во зградата на Управата за финансии во Косовска Митровица.

Кога полицајците влегле во зградите, странките кои биле во просториите на штедилницата биле исфрлени од зградата, додека работниците биле приведени, а пред сите четири филијали има полицајци вооружени со долги цевки.

Покрај тоа, припадници на специјалните единици се распоредени на неколку точки на улиците кои водат до банките.

Во околината на Поштенската штедилница во Звечан има и полициски службеници на ЕУЛЕКС, како и возило на грчкиот Кфор.

Свет

Шокантно сведочење на адвокатот на поранешниот претседател: Ги украдов парите од Трамп

Поранешниот адвокат на Трамп, Мајкл Коен, призна дека украл пари од поранешниот американски претседател.

„Ѕвездениот сведок“ на обвинителството Мајкл Коен трет ден сведочи на судењето на поранешниот американски претседател Доналд Трамп за тајни плаќања на ѕвездата од филмовите за возрасни Сторми Даниелс, пишува Дејли мејл.

Адвокатот на Трамп, Тод Бланш, се фокусирал на сведочењето на Коен минатата недела за неговата средба со главниот финансиски директор на Организацијата Трамп, Ален Вајсберг, кога тие сфатиле како да му надоместат на адвокатот-откупител.

Адвокатот го прашал Коен за парите за RedFinch, технолошка компанија ангажирана да манипулира со онлајн анкетите во корист на Трамп.

Коен опиша дека подигнал 20.000 долари од неговата сметка во текот на два дена, а потоа му ги дал парите на шефот на компанијата во кафеава хартија. Тој ѝ должи на компанијата 50.000 долари, но тоа беше доволно за да го „смири“ нејзиниот шеф, изјави Коен.

Меѓутоа, кога беше постигнато спогодба меѓу Вајсберг и Коен, Коен признава дека барал целосна компензација од 50.000 долари.

„Украдовте од организацијата Трамп, нели“, прашува Бланш.

„Да, господине“, рече Коен.