Автомобилизам

Критична грешка на воздушните перничиња на 50 модели - дали се повлекуваат 7 милиони возила?

Уредите за надувување на воздушните перничиња за кои регулаторите предупредуваа дека може да експлодираат при судар и да ја испрскаат внатрешноста на автомобилите со метални шрапнели се пронајдени во најмалку 50 различни модели на возила.

Тие опфаќаат 15 марки автомобили, според записите поднесени како дел од федералната истрага за безбедносни дефекти, објави „Волстрит журнал“ .

Американскиот регулатор на пазарот на автомобили „Националната управа за безбедност на сообраќајот на патиштата“ (NHTSA) побара од компанијата „ARC Automotive“ да повлече од пазарот 67 милиони пумпи за надувување воздушни перничиња инсталирани во автомобилите Шевролет, Форд, Фолксваген и Хјундаи поради технички дефекти, открија американските медиуми предводени од „Волстрит журнал“ (WSJ) и „Си-Ен-Ен“.

Медиумите тврдат дека NHTSA го предупредила „ARC“ за опасните последици од техничките дефекти на пумпите и воздушните перничиња за возачите, а за тоа веќе има докази од истрагите во неколку сообраќајни несреќи со активирање на воздушните перничиња, во кои возачите биле повредени со остри метални парчиња кои летале од воздушните перничиња.

- Од друга страна, добавувачот на пумпи за надувување на воздушни перничиња ја оспорува потребата да се спроведе широко повлекување на производот - според Си-Ен-Ен. И WSJ оди подалеку и тврди дека нејзината истрага открила дека пумпите за кои станува збор биле инсталирани во 6,8 милиони возила, иако забележува дека NHTSA допрва треба да го објави официјалниот број на возила опфатени со акцијата или, посочува весникот, сеопфатен список на вклучените модели.

Надувувачите на воздушни перничиња за кои регулаторите предупредуваа дека може да експлодираат при судар и да ја испрскаат внатрешноста на автомобилот со метални шрапнели се пронајдени во најмалку 50 различни модели на возила кои опфаќаат 15 марки на автомобили, според записите поднесени како дел од федералната истрага за безбедносни пропусти.

Американските медиуми предупредуваат дека регулаторите треба што поскоро да изготват список на марки на автомобили со сомнителна опрема за да им помогнат на возачите да утврдат дали нивните автомобили имаат потенцијално опасни или смртоносни уреди. Најмалку две лица загинале, објави WSJ, повикувајќи се на NHTSA, а повеќе се повредени во несреќи во кои експлодирале воздушните перничиња во нивните возила, испукувајќи остри метални парчиња кон возачот и патниците. Според истите извори, некои жртви биле погодени од шрапнелите во главата и лицето.

Извори од NHTSA на CNN откриваат дека регулаторот открил девет инциденти поврзани со воздушните перничиња со спорните пумпи за надувување и дека едно лице загинало во тие инциденти. Истите извори наведуваат дека опремата за која станува збор била инсталирана од 2000 до 2018 година и дека General Motors (GM) ќе повлече еден милион автомобили од пазарот поради технички дефекти на пумпите за надувување на воздушните перничиња.

- Документите доставени од производителот на автомобили до NHTSA покажуваат дека GM идентификувала најмалку 25 други модели изградени со потенцијално експлозивни воздушни перничиња, вклучувајќи ги и оние што се продаваат под брендовите Cadillac, Chevrolet и GMC, за кои не издале отповикување - посочува WS, наведувајќи дека бројот на возила што GM мора да ги повлече би можел да достигне 3,6 милиони.

Според WSJ, весникот побарал од NHTSA список на возила погодени од барањето за повлекување, но регулаторот одбил, истакнувајќи, според WSJ, дека сите јавни материјали за нејзината истрага се достапни на нејзината веб-страница.

- Агенцијата соопшти дека ризикот поврзан со уредите за надувување на воздушните перничиња, доколку не се реши, ќе доведе до нови инциденти во иднина - пишува весникот.

Портпаролот на ARC Automotive, исто така, не одговорил на прашањата на WSJ за тоа дали знае кои марки и модели се опремени со пумпи за надувување и одбиле да му дадат на весникот повеќе детали за опремата за која станува збор.

- Производителот на делови го оспори тврдењето на агенцијата дека нејзините надувувачи се неисправни, велејќи дека познатите инциденти се малку и изолирани меѓу вкупниот број на воздушни перничиња со овие уреди и дека не е идентификувана основната причина, според WSJ.

Американските медиуми ја цитираат изјавата на BMW за поставувањето на спорната опрема дека „BMW, според досегашните сознанија, не е засегната од овој конкретен проблем“. Од друга страна, WSJ наведува дека пет модели на BMW, меѓу кои и неколку варијанти на X5, се осомничени дека ги вградиле опасните пумпи за надувување. И пет модели на Audi, според истиот извор, го имаат истиот проблем.

Македонија

МВР: Врховен судија е фатен со 10.000 евра мито, неофицијално тоа е Наќе Георгиев

Судија на Врховниот суд денеска е приведен откако бил фатен со 10 илјади евра... Случајот го потврдија од МВР.

Денеска е лишен од слобода е судија од Врховен суд поради постоење на основи на сомнение за сторено кривично дело ,,Примање награда за против законито влијание".

Судијата е лишен од слобода на лице место при извршување на кривичното дело.

Се чекаат понатамошни насоки од надлежен јавен обвинител. – велат од МВР... Според информациите во дел од медиумите, станува збор за судијата Наќе Георгиев кој ветувал олеснителни околности за поранешен функционер.

Фудбал

Вооружени напаѓачи пукале во фудбалери ан Марсеј- сакале да им ги украдат автомобилите

Фудбалерите на Марсеј, Бамо Меите (22), Фарис Мумбањ (23) и Жан Онана (24) биле жртви на обид за вооружен грабеж при враќањето дома по победата во лигата против Ле Авр (2:1).

Маскирани и вооружени напаѓачи ги пресретнале на излезот од тренинг центарот на клубот и се обиделе да им ги земат автомобилите.

Триото од Марсеј се обидело да побегне со своите автомобили, а потоа напаѓачите почнале да пукаат кон нив. За среќа никој не е повреден, повеќето куршуми ги промашиле не само играчите туку и болидите. Полицијата при вештачењето пронашла две дупки на возачката врата на едното возило и една дупка во багажникот на другото.

Обвинителството во Марсеј нареди истрага, а по непознатите напаѓачи се уште се трага. Да потсетиме, фудбалерите на Марсеј непосредно пред нападот завршија многу слаба сезона за својот клуб. Нивната позиција во шампионатот не обезбеди настап во Европа следната сезона, заостануваа само еден бод зад Ленс, кој ќе игра квалификации за Конференциската лига.

Технологија

„Гугл“ ќе вложи една милијарда евра во проширување на центарот за податоци во Финска

„Алфабет“, матичната компанија на американската технолошка корпорација „Гугл“, денеска најави дека ќе вложи една милијарда евра во проширувањето на главниот центар за податоци во Финска.

Главната причина за проширувањето е лесниот пристап до зелената енергија на локацијата Хамина, јужна Финска. Претходно „Гугл“ се обврза дека до крајот на деценијата сите канцеларии и центри за податоци ќе се напојуваат од обновливи извори на енергија.

„Гугл“ исто така планира да работи со локална комунална компанија и вишокот топлина од центарот за податоци да го пренасочи во системот за загревање на домаќинствата во Финска.

притисни ентер