Крвна одмазда во кафуле во Белгија: Изрешетан Албанец додека пиел кафе

Албанскиот државјанин Агустин Каза (44) бил застрелан во Белгија додека седел и пиел кафе во кафуле.

Три куршуми го погодиле во градите, додека еден завршил во неговата глава. Агустин бил застрелан од непознато лице, кое по злосторството избегало од местото.

Тој со тешки повреди бил пренесен во болница, каде по неколку дена во кома им подлегнал на повредите.

Белгиската полиција покрена истрага за ова убиство.

Во оваа фаза од истрагата, се верува дека мотивот е крвна одмазда за убиството извршено пред повеќе од 20 години од страна на братот на Агустин.

На 7 јануари 1994 година бил убиен шефот на криминалната група Ндуе Каза.

Наводно, тој бил застрелан среде град од Дод и Аугустин Џини, кои избегале по злосторството.

Во 1997 година, братот на Агустин, Мартин Каза, како одмазда во градот Лача ги убил браќата Дод и Аугустин, кои биле осомничени за убиство на неговиот брат во 1994 година.

Мартин Каза е осуден на 22 години затвор за убиство со умисла и недозволено носење оружје.

Каза бил уапсен во Лондон и екстрадиран во Албанија во 2017 година, каде се уште ја отслужува казната.

Иако е во затвор, крвната одмазда меѓу семејствата не престанува.

По неколку години, кога се чинеше дека ситуацијата се смирила, во Брисел е убиен братот на Мартин, Агустин.

Реконструирана училишната спортска сала вп ООУ „Мирче Ацев“ во Ѓорче Петров

Општина Ѓорче Петров финишираше со реконструирањето на училишната сала во основното училиште „Мирче Ацев“, која е веќе пуштена во употреба.

При реконструкцијата изведен е менување на подот во салата каде беше поставен нов гумиран под, бојадисување, молерисување на ходникот и кабинетот на наставникот по физичко образование, целосно нова вентилација и опремување со нови спортски реквизити.

Овој проект беше неопходен за нормално одвивање на часовите по физичко образование на основците. Со негово завршување, направен е чекор плус во создавањето добри услови за настава во една од шесте образовни институции во Ѓорче Петров.

Проектот е реализиран во соработка со Министерството за образование и наука.

Општина Ѓорче Петров

Македонија

До петок нестабилно време со повремен пороен дожд, град и грмежи

Долж Повардарието утре ќе дува засилен ветер. До среда ќе се задржи нестабилно време, претежно во попладневните часови со локален пороен дожд и грмежи.

Наместа процесите ќе бидат поинтензивни во форма на краткотрајно невреме, со засилен ветер, обилен пороен дожд за кратко време и изолирана појава на град.

Во четврток ќе има услови за краткотраен дожд, претежно во планинските подрачја, а преодно стабилизирање на времето се очекува во петок. Температурите ќе бидат без значителна промена.

Утринската температута ќе се движи од осум до 15, а максималната дневна ќе достигне до 30 степени.

Македонија

Теретана на отворено за прв пат во општина Илинден

Комплетно опремена спортска теретана на отворено за прв пат добија жителите на Општина Илинден, која се наоѓа кај пешачко – велосипедската патека во Марино, соопшти Општина Илинден.

Градоначалникот на Општина Илинден, Александар Георгиевски истакнал дека во рамки на ова фитнес катче, каде младите па и повозрасните жители на општината ќе можат да се рекреираат и вежбаат, поставени се повеќе најсовремени фитнес справи.

-Досегашната пракса на инвестирање и создавање на услови за спортување, постојано се докажува како највредна инвестиција за сите генерации, па затоа Општина Илинден од сопствениот буџет оддвои средства за реализација на спортската теретана на отворено, а во наредниот период продолжува и понатаму со инвестиции во спортот и спортските терени на нејзина територија, се наведува во соопштението.