Купувачот плати 586,000 бахти (19,000 американски долари) за автомобилот Хонда ЦР-В, кој бил ставен на аукција, откако минатата година бил запленет во случај со трговија со дрога.
Но, кога бил испратен во гаража за измени, механичарот открил 94,000 таблети скриени во неговиот браник.
„Според протоколите, ние го пребаруваме секое возило што сме го добиле и овој случај не беше исклучок. Сепак, не можевме да пронајдеме ништо во тоа време, можеби затоа што таблетите биле добро скриени“, изјави Нијом Термерисук, генерален секретар на Кабинетот на Одборот за контрола на наркотици (ONCB).
Термерисук рече дека таблетите ,мешавина од метамфетамин и кофеин - биле откриени во кутии скриени во таен оддел зад браникот на возилото.
Тој додаде дека механичарот и новиот сопственик ќе бидат наградени за нивната соработка.
Јаба, што значи „луд лек“ на тајландски, типично се шверцува во Тајланд од Мјанмар и се продава како ефтина црвена или розова таблета.
Властите во Тајланд заплениле 516 милиони таблети мет во 2018 година.