47- годишната Ирина Гарашенко вели дека си ја сака ќерката , иако девојчето со години било затворено во стан во Москва , прекриено со смет и без никаков контакт со луѓе. Докторите во шок го прегледале девојчето у утврдиле дека Љуба не знае да зборува , не видела овошје и не спиела во кревет , а многу се плаши од вода. мајката , која е факултетски образувана , е задржана во притвор на два месеца , а е обвинета за обид за убиство.

Доколку биде осудена , според обвинението и се заканува 15 годишна казна затвор. Состојбата на станот , во кој живеело девојчето го шокира светот.

Полицајците , кога влегле , морале да носат заштиотна облека , бидејќи целиот стан бил прекриен со смет ,инсекти и глодари.

Мајката , пак вели дека станот е во ред и дека таа го родила девојчето на 41 година и дека го сака. Вели дека не знае што виделе сите во станот , кога пет и пол години во добри услови во него го чувала девојчето. Вели дека некој намерно го прекрил со отпадоци за да инсценира случај , а таа не можела да влезе зашто ја уапсиле во близина на станот.

Таа изјавила дека само на неколку часа излегла од дома , додека соседите тврдат дека со денови девојчето било само.

Докторите пак имаат сосема друга верзија. Велат дека девојчето нема психички пореметувања , но дека не знае да спие во кревет , туку се свиткува и спие на стол. И понудиле мандарина , но девојчето не знаело што е тоа.

Не можеле да ја избањаат зашто се плаши од вода , а дел од испитувањата поврзани со апарати не може да ги направат , зашто малото девојче се плаши од електрични направи.