Здравје

Меџити ги убедуваше пациентите на онкологија:Терапијата е соодветна, нема никакви злоупотреби

-Терапијата е квалитетна, таа е терапијата која треба да ја прими секој пациент, порача Фатмир Меџити, министер за здравство.

Со овие зборови министерот за здравство Фатмир Меџити ги уверува пациентите кои денеска се најдоа на Клиниката за онкологија. На видеото снимено од телефон кое до медиумите го испратија од Министерството за здравство, тој пред присутните ветува дека ќе се санкционираат сите медицински лица кои го прекршиле законот, а побара и поради скандалот да не се оцрнува целата докторска фела.

Фатмир Меџити, министер за здравство: „Немајте ни трошка сомнеж дека се случува нешто тука.“

Пациент: „Јас сум овде 4,5 години и немам никаква замерка. Жив сум благодарение на оваа клиника.“

Фатмир Меџити, министер за здравство: „Ако има некој нешто, еве тука сум да зборуваме да ми кажете за да ги решиме работите. Но ве уверувам, дека тука нема веќе пропусти и нема да има. Ако имало тоа не го знам, од порано.“

Пред разговорите со пациентите снимени во ходникот на клиниката, министерот имал состанок и со стручниот колегиум на онкологија. Во соопштението од здравство велат дека разговарале за контрола и навремена терапија за секој пациент, со тврдење дека постои електронска евиденција за секој лек кој влекува на онкологија и детали за дозите за секој пациент.

-Клиниката за онкологија нов начин на работа има воведено од ноември лани, каде конзилиум од 12 раководителите на оддели ги разгледуваат историите на пациентите на кои им е индицирана аппликација на биолошка терапија и заеднички се одлучува дали има основa пациентот да прима одредена терапија. На овој начин е исклучена можноста за евентуални злоупотреби односно поединечно носење одлуки за биолошката терапија. – велат од министерството за здравство.

Онколошките пациенти кои синоќа протестираа пред обвинителството побараа што побрзо скандалот да добие епилог и да се кажат имиња и презимиња, а со тоа да се тргне сомнежот од докторите кои професионално работат. Кажаа дека ќе бараат правда секој ден на улица, а за понеделник е најавен и втор граѓански протест пред Владата.

Претседателот на ВМРО-ДПМНЕ Мицкоски оценува дека криминална шема на онкологија се одвивала со помош од високо позиционирани функционери, а од позиција на власт вели дека ваков скандал не би дозволил.

Од Јавното обвинителство велат дека истрагата е во тек и интензивно се работи на проверка на наводите, се вршат распити на лица кои можеби имаат некакви сознанија за случувањата на онкологија, а отпочнати се и дел од анализите на прибраните материјални докази.

Шоу биз

Фото: Деколтетот на Емили

Една од најубавите жени на светот, 32 годишната манекенка Емили Ратајковски неодамна присуствуваше на настанот „The King's Trust Global Gala“ во Њујорк, а за таа прилика избрала смел стајлинг.

Како што може да се види од фотографиите, атрактивната манекенка на гламурозниот настан блеснала во свилен фустан во беж боја со едноставен крој и длабоко деколте, кое ги истакна нејзините бујни гради.

Благодарение на оваа облека, Емили беше ѕвезда на црвениот тепих.

Забава

Фото: Нова провокација од екс девојката на фудбалерот Дос Сантос

Старлетата Аманда Тривизас се најде на насловните страници на сите медиуми во светот благодарение на „случајната“ интимна објава на мексиканскиот фудбалер Џонатан дон Сантос.

По „случајуната“ експлицитна објава атрактивната Аманда стана многу популарна на Инстаграм.

По серијата провокативни фотки со кои редовно ги радува своите следбеници, Аманда сега се надмина себе си.

На нејзиниот Инстаграм профил се појавија нови, никогаш пожешки слики!

Фудбал

Челси повторно тргнува по Виктор Осимен

Фудбалскиот клуб Челси е заинтересиран за напаѓачот на Наполи и нигериски репрезентативец Виктор Осимен, објавија денеска италијанските и британските медиуми.

Осимен (25) е член на Наполи од 2020 година, а со клубот од Неапол има договор до 30 јуни 2026 година, а минатото лето интерес за него покажаа Пари Сен Жермен и Барселона.

Италијанските медиуми пренесуваат дека претставници на Челси започнале преговори со раководните лица на нигерискиот напаѓач, како и со раководството на Наполи.

-Воспоставени се контакти помеѓу Челси и Наполи. Оттаму планираат да му платат на Осимен меѓу 80 и 90 милиони евра и да го испратат Ромелу Лукаку и уште еден помлад играч во Наполи, тврди извор близок до челниците на „сините“ за „Скај Спортс“.

Осимен со Наполи ја освои титулата во Серија „А“, а оваа сезона одигра 29 натпревари и постигна 16 голови.

Италијанските медиуми потсетуваат дека претседателот на Наполи, Аурелио де Лаурентис неодамна изјавил дека планира да го продаде Осимен, бидејќи нигерискиот напаѓач ја одбил понудата за продолжување на договорот до јуни 2028 година.