Култура

Министерството за култура ќе ја реставрира една од најстарите фрески во Струмица

Министерството за култура со Програмата за 2018 година ќе обезбеди средства за заштита и реставрација на една од најстарите фрески не само во Македонија, туку и на Балканот што се наоѓа во археолошкиот локалитет на црквата „Св.15 Тивериополски свештеномаченици“, а датира од деветти век.

Ова денеска го најави министерот за култура Роберт Алаѓозовски кој е во работна посета на Струмица.

- Во 2018 година ургентно ќе биде направена конзервација на тој фрескоживопис, бидејќи навистина сме шокирани и скандализирани дека толку години не е направено ништо, а тоа е една од нашите најстари и највредни фрески кои што ги имаме, рече министерот Алаѓозовски.

Фреската на која се прикажани сите петнаесет мартири се наоѓа во централната крипта односно гробница во средишниот дел од средновековната црква, и според археолозите, претставува визуелна меморија која што христијанската заедница сакала да ја зачува за поколенијата што доаѓаат.

Министерот Алаѓозовски се сретна и со дел од културните работници во Струмица со кои договориле од наредната година, решавање на кадровските и просторните проблеми кои во моментов биле пречка за успешно работење на институциите.

- Денеска детално се запознав со проблемите кои се многу и наталожени, но нашата одлучност да ги решиме е голема. Станува збор за проблеми од адекватно вработување и персонал со кој институциите би ја исполнувале својата функција, до проблемите на самите згради, потребата за реконструкција на подрумите, на покривите, потребите од одредени просторни усогласувања, рече Алаѓозовски.

Министерството за култура со Буџетот 2018-2019 година согласно приоритетите ќе финансира решавање на овие отворени прашања, со што, според министерот, Центарот за култура и Завод и музеј Струмица ќе бидат гордост и министерството во функција на граѓаните.

Во рамки на посетата, министерот Алаѓозовски ќе ги посети и манастирите во Водоча и Вељуса, а вечер ќе присуствува на свеченото отворање на 25-то издание на Меѓународниот фестивал на камерен театар „Ристо Шишков“.

Шоу биз

Фото: Британска манекенка ужива на одмор во Дубровник

Британската манекенка Ферне МекКан веќе одлучила да замине на одмор. Деновиве таа ги покажа своите фотографии од Хрватска. Како што откри таа е на одмор во Дубровник и околината.

„Верувајте си дека ќе го изберете она што е соодветно за вас. Најубавиот ресторан на островот. Каков прекрасен, посебен ден во Хрватска“, напиша таа во описот на фотографијата на која позира во црн костим за капење.

Дејли мејл известуваше за нејзиниот летен одмор во Хрватска. „Ферне МекКан ја истакнува својата неверојатна фигура во црно бикини додека се сонча во Хрватска“, гласи насловот на нивната статија.

Ферне неодамна изјави дека ослабела многу откако ја родила ќерката Финти, а многумина ја фалат затоа што покажала реален поглед на нејзиното тело. „Сакам да гледам реални фотографии, сите имаме целулит и маани кои попрво би ги немале, но добро е да ги славиме. Благодарам Ферне за искрената објава“, гласи пофалбата на еден следбеник.

Од 2022 година, Ферне е во врска со бизнисменот Лори Хејнс, со кој ја има ќерката Финти. Тој има уште една ќерка, од претходната врска.

Свет

Бајден настапи пред дипломците на Морхаус колеџот во Џорџија

За време на церемонијата со врачувањето на дипломи некои студенти носеа црно-бели палестински шалови во знак на солидарност со Палестинците.

Претседателот на САД, Џо Бајден во денешното обраќање пред дипломците во Морхаус, високообразовна установа од Џорџија каде мнозинството студенти се афроамериканци, прати пораки од неговата предизборна кампања за зацврстување на врските со младите од етничките малцинства.

За време на церемонијата со врачувањето на дипломи некои студенти носеа црно-бели палестински шалови во знак на солидарност со Палестинците.

- Сакам сите да запаметите, кога не избраа први ни велеа дека нема да направиме ништо значајно. Но ние направивме се. Благодарејќи вам … Мошне многу ценам што ми дадовте можност за повторен настап тука, изјави претседателот во обраќањето до дипломците на Морхаус.

Тој говореше и за својот соперник на претстојните избор – поранешниот претседател Доналд Трамп.

- На овие избори многу е ставено на коцка, мошне многу. Станува збор не за мене, туку за алтернативата … Работата е во тоа што тој (Трамп) изложи што имено планира да прави (ако биде избран). И републиканците во Претставничкиот дом ќе кажат и моите колеги ќе кажат, што тие имено ќе прават ако победат, рече Бајден.

Колеџот Морхаус е основан во 1867 година како машки колеџ за школување на црномурести кои скоро биле ослободени од ропство. Еден од они кои дипломирале тука е и Мартин Лутер Кинг помладиот.

Морхаоус е голем град во Џорџија со има значајна улога во претседателската трка во 2024 година. Бајден овде во 2020 година стана првиот кандидат за претседател од Демократската партија кој доби поддршка од оваа држава по Бил Клинтон во 1992 година.

Бајден денеска попладне патува во посета на Мичиген, каде ќе учествува на настан организиран од Детроитски фонд за борба за слобода. /МИА

Ракомет

Алкалоид го освои трофејот во ракометниот Куп на Македонија

Ракометарите на Алкалоид се победници во Купот на Македонија, откако вечерва во финалето одиграно во СРЦ „Борис Трајковски“ во Скопје го совладаа фаворитот Еурофарм Пелистер со 25:23 по изведувањето пенали.

Ова е прв трофеј во својата куса историја за младиот тим на Алкалоид кој на завршниот турнир ги совлада најголемите две имиња во македонскиот ракомет, Вардар и Еурофарм Пелистер.

Во финалето двете екипи во повеќе наврати се менуваа во водство, највисокото беше четири голови разлика, за на крај победникот да биде решен по пенал-рулетот во кој се истакна голманот на скопскиот тим Иван Галевски.

Токму Галевски беше прогласен за најдобар голман на завршниот турнир, наградата за најдобар стрелец отиде кај Богдан Радивојевиќ, а за МВП Филип Кузмановски (двајцата од Еурофарм Пелистер).

Претходно во текот на денот, во женското финале, Ѓорче Петров го победи Чаир со 36:24. /МИА

притисни ентер