ДУИ потенцираа дека наместо Владата да ја забрза реализацијата на капиталните инвестиции, тие го направија спротивното, скратија капитални проекти кои влијаат на економскиот развој на државата, како што беше случајот со кратењето на средствата за изградба на коридорот 8, училиштата, студентски домови, спортски објекти итн.

Почитувани претставници на медиумите,

Почитувани граѓани,

Почитувани претприемачи,

Денеска сме тука да ја информираме јавноста за многуте неуспеси на оваа нелегитимна Влада, која не презеде ништо во однос на економскиот развој, зголемувањето на стандардот на граѓаните и финансиската стабилност на државата.

Наместо Владата да ја забрза реализацијата на капиталните инвестиции, тие го направија спротивното, скратувајќи ги средствата за капиталните проекти кои влијаат на економскиот развој на државата, како што беше случајот со кратењето на средствата за изградба на коридорот 8, училиштата, студентските домови, спортските објекти, итн.

На тој начин тие негативно влијаат на индустриското производство на земјава, на реализацијата на инвестициите, но и на намалувањето на капацитетите на компаниите за извоз. И сето тоа ќе влијае на нереализирање на растот на Бруто домашниот производ.

Освен лошо смислениот и неразвојниот ребаланс, не е преземен ниту еден чекор за зголемување на животниот стандард на граѓаните како што се:

* Зголемување на минималната плата на минимум 450 евра или 57% од просечната плата во приватниот и јавниот сектор, со цел да се олесни семејниот буџет на граѓаните кои се соочуваат со потешкотии при исполнувањето на месечните обврски, поради фактот што цените континуирано се зголемуваат.

* Целосна имплементација на Законот за забрана на нефер трговски практики каде што над 2500 производи не можат да имаат маржа поголема од 10% од трговците на големо и мало.

* Ветеното покачување на пензиите, кое требаше да биде 2500 денари, а во просек се зголемија за не повеќе од 510 денари, не ги покрива ниту минималните трошоци на пензионерите во државата.

* Зголемување на помошта за социјалните категории и корисници на програмата за енергетска сиромаштија

* Почеток на реформи во делот на намалување на придонесите што ги плаќаат работодавачите и вработените, што ќе влијае на зголемување на платите во приватниот сектор.

И многу други мерки кои беа ветени, но за кои нема ни иницијатив од соодветните ресори, напротив, институциите се во тотален хаос, безидејно и без ефикасност.

Ќе го издвоиме ветувањето, кое е толку смешно колку и навредувачко, за доделување по 10.000 евра на секој граѓанин, ветување од коалициската ВРЕДИ!!!

За жал, се случи спротивното, наместо Владата да го држи под контрола јавниот долг, таа го зголеми истиот за повеќе од 180 милиони евра, и тоа со сомнителни, нетранспарентни заеми и задолжувања, со високи каматни стапки од 3,25% за кои земјата треба да плати различни концесии. И токму за тоа, соодветните институции треба да преземат соодветни мерки бидејќи имаат информации дека кредибилни меѓународни институции имале понуди за поповолни заеми со камата под 3,25%.

Во овие 100 дена немаме ниту една странска или локална инвестиција, напротив имаме целосна блокада од страна на Генералниот секретаријат во остварувањето на обврските кои произлегуваат од Законот за финансиска поддршка на инвестициите, каде од сомнителни причини десетици локални компании не добија поддршка за зголемување на нивните производствени капацитети, зголемување на извозот, но и зголемување на платите на илјадници вработени во приватниот сектор.

Почитувани граѓани,

Најдобар показател дека економијата на земјата тоне се извештаите на заводот за статистика на земјава, каде што после долги години имаме:

* Пад на индустриското производство за 1,6%

* Намалување на просечната плата во земјава за 3% во однос на август-јули

* Намалување на извозот во август во однос на јули за 2,5%

* Намалување на бруто инвестициите во земјава

* Пораст на цените за 4,6%, при што кај одредени производи зголемувањето на цените на основните производи е двојно поголемо

* Неплаќање на околу 100 милиони евра, за враќање на ДДВ

* Најавите за пораст на цената на дериватите

Сите овие податоци се доволни показатели дека Македонија е во економска криза, а БДП ќе биде најниска во регионот.

Демократската унија за интеграција ги повикува институциите итно да преземат конкретни мерки

* за зголемување на минималната плата на минимум 450 евра, и на линеарен начин за сите други плати во државата.

* за субвенционирање на локалните компании за зголемување на нивната конкурентност

* да се покријат патните трошоци на вработените чие работно место е на повеќе од 15 km од местото каде што живеат

* да започнат реформи за намалување на придонесите за бизнис секторот, да ги задржат своите вработени и да имаат можност да ги зголемат платите во приватниот сектор

* помагање на компаниите да стекнат нови пазари за извоз

* да се врати методологијата за зголемување на пензиите, врз основа на порастот на инфлацијата и просечната плата во државата

* намалување на цената на струјата за домаќинствата и микро и малите компании, имајќи предвид дека веќе нема енергетска криза

* да се интервенира во делот на акцизите и даноците, за да нема значително зголемување на цените на дериватите.

ДУИ

Цели 3 години Тимчо Муцунски и Дејан Митески потрошија на лаги, изговори и празни ветувања. Во Аеродром никогаш не било полошо, секојдневно повторуваат нашите сограѓани.

За 3 години ниту една од ветените четири нови градинки во населбите Мичурин, Острово, Лисиче и Долно Лисиче, не е ниту започната да се гради.

Условите за настава во основните училишта се катастрофални, родителите сè уште собираат средства – доброволен прилог за течен сапун, влажни марамици, тонери, хартија, клима уреди и слично. Го имавме и првиот случај на труење на над 140 дечиња од прво до трето одделение, со храна подготвена во училишната кујна.

По 5 години укинат е и проектот за бесплатни часови по пливање за првачињата и дечињата со попреченост од прво до трето одделени.

Нови 100.000 метри квадратни зеленило во Аеродром им беше ветено на нашите сограѓани пред три години. Паркот Радост на 6.000 метри квадратни во Реонски центар требаше да биде готов пред 2 години. Мицкоски присуствуваше на почетокот на активностите за подигнување на овој парк.

Општината никогаш не била позапуштена. Неискосени и пожолтени тревници, сообраќаен хаос, руинирана урбана опрема, преполни канти и контејнери, диви депонии на секој чекор се само мал дел од очајното секојдневие на нашите сограѓани.

Општина Аеродром досега требаше да добие и нова гимназија, нова општинска зграда, 3.000 нови паркинг места, вело-патеки на сите улици, нови кружни текови (меѓу Мичурин и Стар Аеродром, на бул. 12 македонска бригада, кај училиштето Љубен Лапе), нов мултифункционален центар со простории за младински центар, нов спортски центар „Пирин“ во населба Лисиче, Музеј на МЗТ, кино сала и театарска сцена во Ново Лисиче. Ништо од ова не е изградено и нема да биде изградено ни до крајот на мандатот.

Не е формиран ниту ветениот енергетски фонд за реконструкција на фасадите на зградите во Аеродром.

Еднократната помош за новороденче требаше да биде зголемена од 8.000 на 20.000 денари.

И по 3 години Општина Аеродром нема стратегијата за млади, ги нема и стипендиите за млади таленти во износ од 30.000 денари, спортските субвенции за млади во износ од 600 денари.

До крајот на 2022 година требаше да бидат завршени сите постапки за легализација, а со ова темпо нема да ги завршат ни до крајот на мандатот.

За 3 години стотици нереализирани проекти, 1.000 изговори. Жителите на Аеродром се прелажани. Лагите на Тимчо Муцунски се заманети со новите лаги на Дејан Митески и Христијан Мицкоски. Константа е само неспособноста и негрижата на ВМРО-ДПМНЕ за своите сограѓани во Аеродром.

Трпението на граѓаните е при крај. Доста е од изговори и празни ветувања. Граѓаните бараат дела, граѓаните бараат промени.

Милутин Ристески, советник во Советот на општина Аеродром и претседател на ОО СДСМ Аеродром

Според медиумите, тие со нивното возило паднале во Бадовачкото езеро, од каде биле извлечени утрово, по седумчасовна претрага од страна на спасувачките тимови на Безбедносните сили на Косово.

Информацијата за тешката сообраќајна несреќа во изјава за медиумите ја потврди портпаролката на косовската полиција за приштинскиот регион, Флора Ахмети.

„Синоќа околу 23:00 часот добивме информација дека на патот Гњилане-Приштина се случила сообраќајна незгода со смртни последици. Во несреќата учествувало едно возило во движење. Во несреќата загинале три лица. Смртта ја констатира медицинска екипа на местото на настанот. Во моментов во тек е полициска истрага за расветлување на околностите кои довеле до оваа несреќа“, се вели во изјавата Ахмети./МИА