На денешен ден

20 април

570.- Во Мека е роден Мухамед, основач на исламот, според муслиманското верување – „Последниот пророк“. Во 40 година почнал да проповеда нова вера во еден Бог, но во почетокот имал малку приврзаници. Бидејќи не успеал во Мека, по 10 години отишол во Талф, а подоцна во Медина, каде што ја основал првата општина на новите верници.

1653.- Водачот на Англиската револуција Оливер Кромвел го распуштил Парламентот и вовел лична диктатура како лорд-протектор на Англија.

1657.- Англиската флота, под команда на адмиралот Роберт Блејк ги нападнала и потопила сите 16 шпански воени бродови во пристаништето Санта Круз на Тенерифе, а потоа го уништила градот.

1768.- Умрел италијанскиот сликар Каналето, еден од најдобрите сликари на пејзажи во 18 век. Најмногу ја сликал Венеција, нејзините канали и палати.

1808.- Роден е францускиот цар Шарл Луј Наполеон Трети Бонапарта. Надевајќи се на успех, ја започнал војната против Прусија. Неговата цел била да го спречи обединувањето на Германија, но на 1 октомври 1870 година во битката кај Седан бил заробен и тргнат од престолот, а Франција на 4 октомври 1870 година повторно станала република. По склучувањето на мирот со Прусија, во 1871 година емигрирал во Велика Британија, каде умрел во 1873 година.

1889.- Во Браунау, Австрија е роден Адолф Хитлер, водачот на Третиот рајх и на нацистичка Германија, еден од најголемите злосторници во историјата во човештвото. Откако на Радио Москва ја слушнал веста дека единиците на Црвената армија истакнале црвено знаме на Рајстагот, на 30 април 1945 година, изврши самоубиство во својот бункер, во Берлин.

1893.- Роден е каталонскиот сликар и вајар Хуан Миро, еден од најголемите надреалистички уметници. Тој студирал во родната Барселона, а од 1919 година живеел во Париз. Кратко творел под влијание на кубизмот, но од 1924 година го изградил неповторливиот личен стил заснован на крајно спонтано регистрирање на формата и знаците кои ги евоцираат потсвесните претстави на примарните и елементарните витални состојби.

1893.- Роден е американскиот филмски актер Харолд Лојд, еден од најголемите комичари на немиот филм. Филови: „Сигурноста на последно место“, „Бруцош“, „Чувај се, професоре“, „Луда среда“.

1936.- Трупите на Италија кои во почетокот на октомври 1935 година без објавување војна влегле во Етиопија, презеле решавачка офанзива против етиопските сили и успеале да го скршат нивниот отпор и да ја колонизираат земјата.

1948.- Во близина на селото Богацко, Костурско, Егејска Македонија, во борба против грчките монархофашисти загинал Јани Лукаров, истакнат борец во македонското националноослободително движење и на Демократската армија на Грција. Роден бил во селото В'мбел, Костурско во 1922 година.

1972.- Американското вселенско летало „Аполо 16“ се спуштило на површината на Месечината.

1984.- Велика Британија соопштила дека нејзината администрација во Хонгконг ќе престане да функционира во 1997 година.

1994.- Израел и Палестинската ослободителна организација постигнале Договор за пренесување на власта на Палестинците во областа Газа и во градот Ерихон на Западниот Брег.

2006.- Романските власти наредиле евакуација на 1.000 луѓе поради рекордно високиот водостој на Дунав. Своите домови претходно ги напуштиле околу 7.000 луѓе во 129 населени подрачја, повеќе од 700 куќи беа потопени, а 75.000 хектари земја се нашле под вода.

2020.- На 95-годишна возраст почина легендарниот аниматор и режисерот на цртаните филмови „Том и Џери“ и „Попај“, Џин Дајч. Многу генерации деца израснаа со јунаците од овие цртани филмови, а честопати од нивните мајки беа поттикнувани да јадат спанаќ „за да бидат силни како Попај“. Легендарниот аниматор Дајч, покрај Попај, исто така е режисер и на 13 епизоди на цртаниот филм „Том и Џери“, кој и денес е омилен цртан филм на децата. /МИА

Македонските иселеници од Италија благодарни за честа од претседателката Сиљановска Давкова

Претседателот на италијанско-македонската стопанска комора „АПИ НОРДЕСТ“ Мунир Шемши, преку објава искажува голема  благодарност  за покажаната чест и почит.

Претседателот на италијанско-македонската стопанска комора „АПИ НОРДЕСТ“ Мунир Шемши, кој ја предводеше делегацијата на македонските иселеници во Италија на средбата со претседателката Гордана Сиљановска Давкова во Рим, преку објава искажува голема благодарност за покажаната чест и почит.

- Уште еднаш голема благодарност до нашата претседателка Гордана Сиљановска-Давкова за срдечната средба. Во име на нашинците во Италија можам да кажам само едно дека таа е „Голем човек со огромно срце“, напиша тој меѓу другото во објава на социјалните мрежи.

Додава дека високо ја ценат благодарноста што таа ја изнела на средбата за нивниот, како што рекла, силен придонес кон унапредувањето и продлабочувањето на соработката меѓу двете земји.

Според Шемши, кој е родум од село Коџаџик, општина Центар Жупа и веќе три децении со семејството живее во Венеција, Италија, во оваа земја живее многубројна македонска заедница. Само од поширокиот дебарски регион Дебар, Центар Жупа и подрачјето на Река, општина Маврово и Ростуше има над 10 илјади иселеници.

Дел од нив, меѓу нив и Шемши, успешно се интегрирале во италијанското општество и се успешни стопанственици, кои се подготвени да инвестираат во родниот крај.

По негова иницијатива во 2022 година беше формирана македонско-италијанската асоцијација „АПИ НОРДЕСТ“, по што со поддршка на генералниот конзул во Венеција, Стојан Витанов на 9 и 10 јуни истата година беа одржани два бизнис форуми, во Тревизо и Венеција.

Брутална улична тепачка и пукотница меѓу групи руски ветерани од војната во Украина (ВИДЕО)

Руските власти започнаа истрага по масовна улична тепачка и пукање во градот Челјабинск за време на викендот, во која наводно биле вмешани ветерани од војната во Украина.

На видеото објавено од локалните медиуми се гледа како група мажи, од кои некои биле маскирани, тепаат маж кој лежи на улица со тапи предмети.

Неколку моменти подоцна, друга група мажи облечени во црно со два автомобили притрчала на местото на настанот и почнала да пука кон првата група, по што побегнале во непознат правец.

Уапсени се сите кои учествувале во конфликтот – соопштија властите.

Засега не се знае колку лица се приведени.

Апликацијата за пораки Телеграм вели дека само тројца мажи се уапсени, од кои еден малолетник.

Рускиот истражен комитет, кој вообичаено се занимава со големи злосторства, објави доцна во неделата дека тепачката и пукањето се истражуваат како кривично дело за хулиганство, пишува Москва тајмс.

- Оние кои учествуваа во конфликтот отворија оган врз противниците од лично непријателство - соопштено е, но без да се наведе точната причина за спорот, пренесе Јутарњи.

Според некои информации, постои сомневање дека уличната тепачка најверојатно избила поради љубовен триаголник во кој учествувале жена, војник и член на платеничката група на Вагнер. Како што пренесуваат локални медиуми, инцидентот се случил откако борецот на Вагнер и неговата девојка наводно биле нападнати од непозната група мажи.

Засега не е можно независно да се проверат информациите дека сите уапсени се членови на групата Вагнер, која одигра клучна улога во руската инвазија на Украина пред минатото лето да биде потресена од бунт и смртта на нејзиниот основач, Евгениј Пригожин. .

Пронајдена е мајката на новороденчето фрлено во ранец на карпи во Италија- има само 13 години

Италијанските власти ја пронајдоа мајката на новороденчето кое беше пронајдено мртво во ранец на карпи во Вила Сан Џовани со папочната врвца сè уште непресечена.

Ова ужасно откритие рибар го нашол во неделата околу 9 часот наутро меѓу карпите во пределот помеѓу прстаништето на бродска компанија за Сицилија и пристаништето Пецо. Бебето било во ранец, завиткано во најлонска кеса, пренесуваат италијанските медиуми.

Карабинерите успеале да ја пронајдат мајката на бебето. Станува збор за 13-годишно девојче од италијанска националност.

Девојчето било идентификувано во домот на нејзините родители во Вила Сан Џовани. Веднаш била пренесена во болница и хоспитализирана поради септикемија, резултат на породувањето минатиот викенд во околности што ги истражуваат инспекторите.

Инспекторите засега не соопштуваат повеќе детали за случајот.

Денеска треба да се изврши обдукција на новороденчето. Истражителите сакаат да знаат дали бебето е мртво родено или починало подоцна.

Се работи и на реконструкција на целиот настан, за да се откријат сите детали и дали некој друг е вмешан во случајот.

притисни ентер