Автомобилизам

Најевтиниот Ферари се нуди по цена на стар мобилен

Ферари 599 спаѓа меѓу скапите модели на италијанскиот производител ,а во Кина се појави наевтиниот автомобил со цена што ги збуни сите.

Скапоцениот болид , чија вредност е најмалку 100 000 британски фунти ќе се продава на аукција со почетна цена од само 200 фунти. Станува збор за автомобил што ќе го продава полицијата , откако го запленила поради учество во сообраќајна несреќа.

Следната недела автомобилот ќе биде ставен на аукција во градот Донгуанг во јужна Кина со почетна цена од 2430 јуани или околу 274 фунти, на што има 30% попуст. Автомобилот не бил осигурен и возел без таблички , па затоа властите го продаваат како отпаден метал.

Но , сепак има и лош момент во оваа продажба. Купувачот , откако ќе го купи Ферарито за симболична цена, ќе треба да ја плати и казната од 10 000 јуани или 1140 фунти .

Исто така , автомобилот нема да може да се регистрира во Кина , туку само да се користи за делови, иако е во возна состојба.

Фудбал

Гвардиола не планира наскоро да го напушти Манчестер сити

Тренерот на Манчестер сити, Пеп Гвардиола зборуваше за својата иднина во тимот.

- Имам договор и сакам да бидам тука. Мојот план е да останам во Манчестер следната сезона, изјави Гвардиола за „Мирор“.

Шпанскиот фудбалски стручњак го презеде Манчестер сити во 2016 година. Под негово водство тимот пет пати го освојуваше англискиот шампионат и еднаш Лигата на шампионите.

По 37 кола, во Премиер лигата води Манчестер сити со 88 бодови. Заостанувањето на второпласираниот Арсенал е два бода. Ливерпул (79) ги загуби шансите за евентуална шампионска титула. /МИА

Свет

„Билд“: Германското Министерство за одбрана бара од Владата уште 3,8 милијарди евра за Украина

Германското Министерство за одбрана побара од сојузната влада дополнителни 3,8 милијарди евра помош за Украина за оваа фискална година, пишува „Билд“.

Весникот наведува дека оваа година Германија обезбедила воена помош од 7,1 милијарди евра за Украина и дека овие пари се користат за плаќање на воена опрема што Украина ја купува директно од наменската индустрија и укажува дека на Украина и треба итно поголема поддршка за да не изгуби војната со Русија, поради што Министерството за одбрана побара дополнителни средства.

Министерот за одбрана Борис Писториус разговараше за тоа со канцеларот Олаф Шолц, а потоа се сретна со Кристијан Линднер, шеф на одделот за буџет во германското Министерство за финансии.

Дополнителните расходи треба во јуни да бидат поднесени до Бундестагот на усвојување, според „Билд“. /МИА

Македонија

Тешка сообраќајка на „Водњанска“, повредени седум лица

Седум лица се повредени во тешката сообраќајна несреќа која синоќа се случи на улица „Водњанска“, пред влезот на Клиничкиот центар.

-Сообраќајната несреќа се случила помеѓу автомобил „БМВ“, автомобил „Ауди“, и две паркирани патнички возила „Голф“ и „Мерцедес“, сите со скопски регистарски ознаки, соопштија од МВР..

Во незгодата со телесни повреди се здобиле седум лица констатирани во ГОБ „Св. Наум Охридски“ и Комплекс клиники Мајка Тереза во Скопје. Извршен бил увид од увидна екипа на СВР Скопје, но причините се уште не се познати.