Највисоката планина на островот Јава силно еруптираше во саботата, фрлајќи огромно количество пепел над околните села.
Бројот на загинати се искачи на 15, а 27 се водат како исчезнати, соопшти Индонезиската агенција за управување со катастрофи.
Вулканот повторно еруптира утрово, потврди на Твитер Индонезискиот центар за вулканологија и геологија (ПВМБГ), предупредувајќи на континуирана сеизмичка активност.
Семеро е еден од најактивните вулкани во Индонезија.
Некои загрижени жители се вратиле во своите домови за да ги прегледаат имотот и добитокот, а Лисванто ги повикал да бидат внимателни.
„Луѓето треба да бидат повнимателни бидејќи потенцијалната закана сè уште постои“, додаде тој.
Во областа Самбервулух, спасувачките тимови се мачеле со лошите временски услови додека се обидувале да ги извлечат жртвите од урнатините.
„Баравме девет исчезнати лица во ова село и, фала му на Бога, ги најдовме телата на три жртви“, рече Естианто Хедриантоно, шеф на локалната потрага. Тој додаде дека дополнителен предизвик е „што биле заробени под трупци и камења, а земјата е сè уште жешка“.
Луѓето објавуваат фотографии од нивните исчезнати роднини на Фејсбук и барале какви било информации за нив.
Текот на лава по ерупцијата во саботата уништи мост што поврзува две области во блиската област Лумајанг со градот Маланг, што ги отежнува спасувачките напори.
Обезбедени се оброци и медицинска помош за повеќе од 1.700 евакуирани.
Тим за третман на трауми е испратен на терен за да им помогне на децата погодени од ерупцијата, објави Си-Ен-Ен Индонезија, а во областа се испратени стотици пакети со помош, вклучувајќи ориз, ќебиња, облека и други основни потреби.
Семеро е еден од повеќе од 100-те активни вулкани во Индонезија, земја која се протега низ Огнениот прстен на Тихиот Океан, област со висока сеизмичка активност.