Здравје

Наредната недела се очекува да се реши проблемот со дијабетичарите

Министерот за здравство Фатмир Меџити најави дека пет илјади глукомери пристигнале, а наредната недела треба да пристигнат уште 17 илјади, со што би се ставил крај на проблемот со апарати и ленти за мерење на шеќерот во крвта.... 

Министерот за здравство Фатмир Меџити решение за проблемот со ленти за мерење шеќер и апарати го гледа во воведување на референтни цени во аптеките и секој корисник до одредена цена може да земе ленти и апарат.

„И дијабетичарите бараат дека најдобро е да биде со референтни цени. Што подразбира тоа? За да појасниме тоа значи дека кога пациенти ќе оди во аптека и ќе има една квота сума на финансиски средства до каде ќе го покрива ФЗОМ на тоа кој сака каков бренд ќе сака таков ќе земе. Знаете дека еден тендер за дијабетичарите е две години и ние некои припреми законски да направиме. Последниот тендер трае околу година ипол и по две години нема да има доцнење на тендери“, вели Меџити.

По реакцијата од здруженијата на луѓето со дијабет дека немало за сите корисници ленти и апарати, а тие што ги добиле биле спакувани во ќеси без декларации министерот објснува и гарантира дека се до добар квалитет, а воедно ги замолиле дистрибутерите да ставаат декларции. Во Октомври сите дијабетичари ќе ги имаат и лентите и мерачите на шеќер, вели Меџити.

„Стигнаа пет илјади апарати, а наредна недела ќе има уште 17 илјади“ вели Фатмир Меџити министер за здравство.

Комисијата за заштита од дискриминација ќе утврдува дали државата ги диксриминирала пациентите со дијабетес, затоа што 9 месеци ги остави без ленти и глукомери. Претставката од дијабетичарите е веќе примена и најдоцна за два месеци Комисијата ќе треба да одлучи дали е извршена дискриминација на повеќе од 40.000 граѓани мораа сами да се снаоѓаат и од сопствен џеб да купуваат ленти и апарати помагала за да ја контролираат болеста.

Живот

10- годишно дете од САД си пресудило по малтретирањето на училиште-родителите 20 пати се жалеле

Десетгодишно момче од Индијана извршило самоубиство откако наводно било ужасно малтретирано на училиште, додека неговите родители тврдат дека 20 пати се пожалиле во училиштето.

Семи Теус се самоубил на 5 мај, а според неговото семејство бил малтретиран до ноќта пред смртта.

Неговите родители Сем и Никол тврдат дека момчето било физички и психички малтретирано на училиште, а наводно неодамна го претепале во училишниот автобус.

Малтретирањето започнало минатата година кога тој се префрлил во училиштето, пишува Дејли Мејл.

Според семејството, Сем 20 пати им кажал на наставниците и на другите вработени во училиштето за злоупотребата.

„Најпрвин го исмејуваа поради очилата, потоа поради забите. Тоа траеше долго. “, рече таткото на Семи.

Злоставувањето потоа станало физичко.

„Го претепаа во автобус, децата му ги скршија очилата. Се јавив во училиштето, ги прашав што ќе прават во врска со тоа, стануваше сѐ полошо и полошо“, рекол таткото.

Според него, училиштето знаело што се случува, а злоупотребата низ училиштето и во автобусот се проширила на социјалните мрежи.

Училиштето соопштило дека неговите родители ја пријавиле смртта како самоубиство и ги истражуваат тврдењата за злоупотреба.

Истрагата продолжува.

Регион

Скандалозен исказ на таткото, кој ги држел своите деца како заложници и пукал со калашников

Алекс Марку (40), кој ноќта меѓу вторникот и средата во Драч со часови ги држеше како заложници во станот своите две мали деца, додека пукаше со калашников, дал изјава во полиција.

Алекс Марку (40), кој ноќта меѓу вторникот и средата во Драч со часови ги држеше како заложници во станот своите две мали деца, додека пукаше со калашников, дал изјава во полиција и тврди дека направил сѐ за „да ги заштити децата од љубовник на жената“, објави Политико.

Марку рекол дека имал проблеми со сопругата и дека, како што тврди, таа нашла друг маж.

Таткото, кој испукал најмалку 18 истрели во станот и од балконот во Драч, тврдел дека ги зел децата „за да ги држи подалеку од момчето на жената“. Потоа, како што тврди таткото, „новиот дечко на неговата сопруга дошол да го нападне“.

Потоа, како што рече, со калашников излегол на терасата.

„Четири дена бев во стан на плажа со моите деца и сѐ беше супер. Жена ми побегна во Италија и малку се каравме. Последен пат кога се скаравме, таа отпатува за Италија и јас ги зедов децата и дојдовме во Драч.“

Марку рекол дека сѐ ескалирало кога „љубовникот дошол кај него“.

„И тогаш нејзиниот љубовник доаѓа да ме нападне во куќата и затоа пукав. Не сакав да има врска со децата. Го однесов детето на тераса кога пукав, па можеше да види дека никогаш не сум бил насилен кон децата“, тврди таткото, кој беше уапсен вчераутро по неколкучасовни преговори.

Медиумите јавуваат дека децата, кои биле извлечени неповредени од станот, сега се со својата мајка и го напуштиле Драч.

Не се знае со каква казна се соочува таткото.

Живот

Аеродромски работник падна од авион- му се лизнаа скалилата кога сакал да излезе (ВИДЕО)

Еден од работниците на аеродромот во Џакарта паднал од паркиран авион.

Скалите со помош на кои требало да го напушти леталото се лизнале непосредно пред да излезе, а бидејќи не забележал – паднал на земја.

Инцидентот, наводно, се случил на аеродромот во главниот град на Индонезија, Џакарта (CGK), кога еден од аеродромските работници излегувал од Airbus A320 (PK-TLB) на TransNus (8B), објави Aviation24. Видео кое кружи на социјалните мрежи јасно покажува како работниците на аеродромот ги отстрануваат скалите за качување/симнување додека човекот го напушта авионот.

Без поддршка на левата нога, работникот испаднал од авионот и завршил на земја.

Иако не се знае многу за здравствената состојба на работникот, голем број на специјализирани воздухопловни портали и профили на социјалните мрежи пишуваат дека тој скршил неколку коски и дека неговиот живот не е во опасност.Aviation24 јавува дека индонезиските власти започнале истрага за инцидентот.

Прагот на вратата на Ербас А320 е повеќе од три метри над земјата.

притисни ентер