Хороскоп

Неделен хороскоп за 8.-15. април 2024 година

Неделен хороскоп за периодот од пониделник 8.-15. април 2024 година. 

Овен 21.3-20.4.

Љубов

Страста што ќе ја покажете кон другата страна понекогаш ќе ја плаши. изгледа како точно дазнаете што сакате и очекувате да ви биде возвратено од саканата личност. Сепак , ќе треба малку повеќе такт и трпени за да се искристализираат ставовите. Бидете умерени.

Кариера

Ќе има денови кога ќе се затекнете во искушение од самозадоволство. вашата проценка на сопствените можности треба да биде реална и зрела. Во секој ваш потег се гледа она што го носите во себе. Затоа препуштете им на другите да зборуваат за вашата работа. Така ќе биде поубедливо.

Здравје и совет

Мал пад на имунитетот.

Бик 21.4- 20.5.

Љубов

Ќе се појави ново светло на вашето љубовно небо. Она што долго го чекавте се исполнува и нема дури да ви се верува дека се отвораат нови љубовни шанси. Дотерајте се и излезете надвор , меѓу луѓе. Сепак , не претерувајте со сопствената презентација.

Кариера

На работниото место ќе имате многу интересни содржини. Оние чиј карактер на работата е креативен , ќе имаат успех. Ќе биде нагласено поврзувањето со млади соработници. Вие самите ќе подготвувате нови , подобри услови за работа.

Здравје и совет

Ќе се чувствувате дека можете повеќе и подобро. Потрудете се.

Близнаци 21.5.-21.6.

Љубов

Со трпение и толеранција би можеле да го подобрите односот со саканата личност. Никаква расправија , а особено онаа мотивирана од љубомора нема да донесе резултати. Време е за играње со затворени карти , па бидете воздржани. Ќе биде добро.

Кариера

Вработените во сите дејности поврзани со акција ќе можат ќе можат во својата работа да дојдат до израз повеќе од кога било. Многумина ќе бидат препознаени како талентирани или барем како квалитетни работници. Другите ќе им бидат интересни на соработниците.

Здравје и совет

Бидете она што сте и не се плашите.

Рак 22.6-22.7.

Љубов

Императив во вашиот приватен живот ќе биде забавувањето. Нема да тежнеете кон сериозна врска , барем не по секоја цена, но доколку се случи , ќе ја прифатите. Оние кои се веќе во врска , ќе се поврзат со младо друштво, па заедно ќе се забавуваат. Ќе биде добро.

Кариера

Можно е да се најдете во ситуација кога најсериозно ќе се мерат вашите постигнувања. Критериумите би можеле да бидат строги , но не се плашите- ги имате сите квалитети за да добиете заслужено добра оценка.Тоа ќе покрене некои трансформации.

Здравје и совет

Помалку напрегање , повеќе одморање.

Лав 23.7-22.8.

Љубов

Согледувате дека не треба омраза ниту кавга , зашто тоа не води никаде. Подобро е да се повлечетѕе и да размислувате во тишина , па и за она што во моментов не ви се допаѓа. Потоа опуштете се и фокусирајте се на она што е добро во вашиот приватен живот. Ќе најдете нешто.

Кариера

Техниката со еден удар да се убијат две муви , овој пат нема сосема да се оствари, но вашата способност да работите две работи во исто време ќе биде успешна.Затоа одлучете се за ова второто. Работите во тишина се нагласени, а вие низ сето тоа се борите за своите идеи.

Здравје и совет

Наспијте се . Потребен ви е одмор.

Девица 23.8.-23.9.

Љубов

Иако емотивно нема да го чувствувате она исполнување што сте го очекувале , вашиот позитивен и отворен став ќе ви носи некои љубовни поени. партнерот ќе ја разбира вашата зголемена потреба за друштвеност. Некои ќе одат на забави со пријателите без план.

Кариера

Откако сте решиле еден проблем , од сега ќе работите со помалку напнатост и со поголемо задоволство. Сепајк , од вас и натаму ќе се бара зголемен ангажман. така ќе биде уште оваа недела. Затоа , засукајте ги ракавите и не поставувајте непотребни прашања.

Здравје и совет

Прошетајте се пред спиење.

Вага 24.9.-23.10

Љубов

Елоквенција и отвореност ќе бидат вашите адути за заведување на личност од спротивниот пол. Понекогаш за другите ќе бидете недостижни . Сепак , предајте му се на оној што го сакате , а најмногу за да не зажалите подоцна. Љубовта можеби е далеку , но вие сте тука.

Кариера

Главниот мотив за работа оваа недела ќе ви биде соработка и прифаќање на понекој компромис.Не терајте по свое зашто главниот збор засега го водат некои други. Бидете отворени и кооперативни , па се ќе тргне во добра насока.

Здравје и совет

Елиминирајте ги фрустрациите преку спорт.

Шкорпија 24.10-22.11.

Љубов

Оние кои се вљубени , ќе сакаат интензивно , а другата страна ќе им возвраќа помналку интензивно. Сепак , нека го прифатат она што го имаат , зашто сите не сме во двојка во иста фаза. Самците ќе освојуваат брзо и лесно. Деновите се добри за љубов и за друштвен живот.

Кариера

Погледнете подобро околу себе и ќе најдете многумина кои би сакале дасоработуваат со вас.Потребно еподобро да се поврзете и да смислите поефикасен организационен план. Кога ќе го направите тоа , ви преостанува да постапувате според него. Вие тоа го можете.

Здравје и совет

Анализирајте ги своите ставови.

Стрелец 23.11.-21.12.

Љубов

Ако и натаму барате сродна душа , обрнете внимание на личностите кои ги среќавате на забави или на спортски приредби. Некому веројатно сте му привлечни и едвај чека тоа да го забележите. Ако сте во врска , вашиот однос ќе биде стабилен , а двете страни задоволни.

Кариера

Како што ќе минува неделата , ќе станува се појасно дека вие го имате потребното знаење и стручност , кое сега се бара.Многумина ќер покажуваат кон вас и ќе речат дека токму вие сте личноста што треба да се ангажира. Но , тој ангажман нема да дојде лесно , зашто ќе треба да соработувате.

Здравје и совет

Бидете трпеливи.

Јарец 22.12.-20.1.

Љубов

Првиот дел од неделата ќе донесе убави љубовни настани , а од средината на неделата работите се забавуваат. Вашето љубовно расположение ќе се намалува, шанситеза познанаства ќе бидат поретки , а оние во врска малку ќе се дистанцираат еден од друг.

Кариера

Пред вас е добра шанса за развој на кариерата или за усовршување во професијата. Без оглед на надворешните околности, прифатете го она што ви се нуди и тргнете во освојување на нови искуства. Ќе ги проширите хоризонтите , а нешто и ќе заработите.

Здравје и совет

Не треба да ги намалувате сопствените критериуми.

Водолија 21.1.-19.2.

Љубов

Сега ви е во целост јасно дека сакате и сте сакани. Единаствено се прашувате до кога тоа ќе потрае. Ова прашање сега е непотребно, а вашите грижи само ја оптоваруваат хармонијата во која живеете.Од вас зависи дали ќе се свртите кон светлоста или кон темнината.

Кариера

Ќе ви изгледа камко се да е во рацете на накои други. Што е најлошо , ќе бидете во право. Во овој момент вие не можете многу да влијаете на работите , но тоа не значи дека нема да можете малку подоцна. За да го дочекате подготвени овој период, немојте да се нервирате. Соработувајте дипломатски.

Здравје и совет

Издржете.

Риби 20.2.- 20.3.

Љубов

Без оглед на внатрешната сигурност , ќе правите грешки во чекори. Од вас и вашата способност за самојконтрола ќе зависи успехот во приватниот живот. Потрудете се и дајте се од себе , но при тоа бидете реални.

Кариера

Сите шематски работи сега ве попречуваат. Ќе бидете во ситуација да се прилагодувате кон нови програми и тоа најчесто такви што ги смислил некој друг. Немојте бурно да реагирате , туку поминете низ тоа. Ништо друго не ви преостанува. Ако ништо друго , уште повеќе ќе созреете.

Здравје и совет

Истражете ги сопствените таленти.

Формула

Доменикали: Имавме 11 апликации за нови Гран при, но 24 трки по сезона е граница

 Главниот извршен директор на Формула 1, Стефано Доменикали зборуваше за интересот на многу земји да бидат домаќини на трка од шампионатот, но отфрли можност за повеќе од 24  Гран при во една сезона.

- Имавме 11 навистина сериозни апликации, во контекст на кои може да се зборува за можна организација на Гран при во иднина. Сериозен сум, има многу барања. И тука задачата да го направиме вистинскиот избор зависи од нас. Во исто време, бројот на Гран при во сезоната ќе остане на 24 етапи. На крајот на краиштата, не треба да заборавиме дека пред само неколку години имаше 17-18 етапи. Веќе направивме голем чекор напред додавајќи толку многу нови трки за толку кратко време. Ова беше диктирано од барањата на пазарот. Но, 24 Гран При по сезона е граница, истакна Доменикали.

Во светло на разговорите за можната организација на ГН на Чикаго во иднина, Доменикали рече дека Формула 1 дефинитивно не планира да го зголемува бројот на етапи по сезона што ќе се одржуваат во Северна и Јужна Америка.

- Тоа би било погрешно. Отидовме од една трка во Остин на три настани во САД...а потоа имаме трки во Монтреал, во Мексико Сити, во Бразил. Значи веќе има доволно такви фази во календарот. Искрено, не би очекувал дополнително зголемување на бројот на етапи во овој регион, додаде Доменикали.

Сезонава трките во Формула 1 почнаа во март, а ќе завршат во декември. /МИА

Регион

Србија се подготвува да ја одбележи годишнината од пукањето во училиштетo

Нинела Радичевиќ се уште не може да разбере дека нејзината ќерка никогаш нема да се врати.

Минатата година, 11-годишната Ана Бојовиќ штотуку пристигнала во своето училиште во центарот на Белград, кога друг ученик, тогаш 13, влегол внатре и отворил оган кон секој што ќе му застане на патот.

Бојовиќ, уште две девојчиња и училишниот чувар биле убиени на лице место во ходникот. Тинејџерот стрелец потоа влегол во блиската училница и го вперил оружјето кон учениците и наставничката внатре.

Убиени се вкупно 10 лица. Утрото на 3 мај 2023 година во училиштето загинаа осум деца и училишен чувар, а седум лица беа повредени. Еден од повредените, дете, подоцна почина од повредите.

Пукањето ја погоди Србија. На балканската земја не и е непознат насилниот криминал, но масовните пукања се ретки и вакво нешто не се случило во училиште претходно.

Уште поголем шок следеше само еден ден подоцна, кога 20-годишен маж почна неселективно да пука во близина на главниот град. Уби девет и рани 12 лица, главно млади луѓе.

За Радичевиќ времето застанува истото утро кога го губи своето девојче. Таа смета дека цела држава требало да застане по вакво незамисливо злосторство. Наместо тоа, таа изјави за Асошиетед прес - „сите брзо забораваат“.

Очи насолзени од тага, Радичевиќ зборуваше за АП во семејната куќа во Белград. На фтографиите до неа можете да видите девојка со крупни очи и долга кафена коса, која сакала спорт и танцување, а над креветот ги чувала медалите од натпреварувањето.

„Пребрзо ги забораваме трагичните настани“, вели Радичевиќ. „Оваа навика да се брише се и под тепих да се става - мора да престане.

Луѓето, вели таа, „треба да го препознаат значењето и трагедијата на тој момент“.

Собата на Бојовиќ во станот останува недопрена - на ѕидот виси светската мапа, а на креветот се поставени нејзините плишани играчки. Огромен фото-постер во рамка на кој таа стои со главата надолу во џудо опрема ја исполнува просторијата. Бирото е исто како што таа го оставила, а на ѕидот се закачени цртежи и пораки од хартија.

Радичевиќ, 49-годишен клинички истражувач, ги предводи напорите за зачувување на споменот на сите деца убиени во белградското училиште „Владислав Рибникар“ и во двете села во близина на главниот град, за да не се повтори ништо слично.

Сè што правиме ние (родителите) е да се бориме да не се заборави 3 мај, да и дадеме некакво значење на жртвата на нашите деца“, рече Радичевиќ, која има и 17-годишен син. „Тие се жртвите. Но жртви на што?

Многумина во Србија го поставуваат истото прашање пред мрачната годишнина в петок, која ќе биде одбележана со еднодневна комеморација надвор од училиштето, вклучувајќи уметнички инсталации, дискусии со експерти и видеа за жртвите.

Програмата е наречена „Будење“ - очигледен повик за самоевалуација и интроспекција во земја која допрва треба да се помири со својата улога во бројните војни од 1990-тите и културата на насилство што преовладува оттогаш.

Во подготовките активно биле вклучени родителите на убиените деца. Тие се борат да го затворат училиштето и да го претворат во меморијален центар, организираат протести и меморијални настани и сведочат за нивните искуства за подигање на свеста.

„Фактот што децата се вратија во истото училиште само една недела подоцна, исто така во среда, на истите часови, покажува дека државата сакала брзо да создаде чувство на нормалност“, вели Радичевиќ.

„Она што требаше да се случи е дека Србија требаше да го запре овој 3 мај без оглед на државната поддршка“, инсистираше таа. „Моравме да застанеме, да размислиме, да разбереме што згрешивме, да кажеме ок, направивме грешки, да ги прифатиме и да видиме како ќе продолжиме од утре, како ќе се подобри ова општество.

Популистичката влада на Србија започна кампања против оружјето, собирајќи околу 80.000 оружје и муниција. Тимовите за поддршка поддржани од државата нудат советување, а полицајци се стационирани надвор од училиштата во Србија.

Двајцата напаѓачи се приведени. На родителите на тинејџерот им се суди обвинети се дека го научиле нивниот малолетен син да пука и дека не ги обезбедиле доволно пиштолите во семејната куќа.

Судењето на селскиот стрелец и неговиот татко треба да започне во мај во централниот град Смедерево, повеќе од една година откако злосторствата во Мало Орашје и Дубона ги оставија двете села парализирани од жалост и тага.

Шокот и гневот поради пукотниците минатата година предизвикаа повеќемесечни улични протести со барање за оставка на високи функционери и забрана на главните медиуми да шират говор на омраза и нетрпеливост. Една година подоцна, критичарите велат дека не се променило многу.

Сепак, професорот по психологија Драган Попадиќ смета дека тоа не е така. Според него, траумата создала чувство на страв и несигурност што не постоело во минатото и поттикнало активизам. Но, луѓето не се подготвени за порадикално разбирање, додава Попадиќ.

„Овие случаи на насилство се само врвови на еден организам роден во 1990-тите и минатиот век и кој порасна и зајакна“, рече тој. „Се додека не се справиме со самиот организам... нема да можеме да ја разбереме ситуацијата во која се наоѓаме“.

Радичевиќ рече дека Србија ја пропуштила „последната шанса за катарза“. Повеќето луѓе едноставно добија олеснување дека „тоа не е мое дете“ и продолжија понатаму, рече таа.

„Една недела подоцна, други деца отидоа да видат каде се случило (пукањето)“, рече таа. „Жал ми е, но мислам дека ова не е нормално. /МИА

Фудбал

Арсенал се надева дека Жоргињо ќе го продолжи договорот

Фудбалерот од средниот ред на Арсенал, Жоргињо може да го напушти клубот.

Според „Standard“, за 32-годишниот Италијанец силно се заинтересирани Јувентус, Лацио и Наполи. Во исто време, лондонскиот клуб се надева дека играчот ќе ги одбие понудите и ќе го продолжи договорот со Топџиите.

Оваа сезона Жоргињо одигра 35 натпревари, постигна гол и две асистенции.

Се шпекулира дека одлуката дали Жоргињо ќе остане во Арсенал во голема мера ќе зависи дали неговиот тим ќе ја освои Премиер лигата. /МИА

притисни ентер