Култура

Нов оркестарски компакт-диск на Симон Трпчески

По големиот успех со наградуваните компакт-дискови на кои Кралскиот ливерпулски филхармониски оркестар под водство на својот шеф-диригент Василиј Петренко и со македонскиот пијанист Симон Трпчески ги изведоа сите дела на Сергеј Рахмањинов напишани за пијано и оркестар, деновиве се појави третиот диск од оваа соработка. Издавачката куќа „Оникс“ издаде цеде на кое тие ги изведуваат Концертите за пијано и оркестар број 1 и 2 од Петар Илич Чајковски.

- Мислам дека одговорноста е исклучително голема кога се работи за снимање на едно толку популарно дело какво што е Првиот концерт на Чајковски, додека Вториот е помалку изведуван, но не и помалку вреден. Навистина сметам дека вложивме многу труд и љубов и таа емоционална димензија може да се почувствува на цедето и барем јас се надевам дека слушателите ќе можат да ја почувствуваат и ги чекам нивните реакции, изјави Симон Трпчески за Македонското радио.


Овациите од публиката наградени со изведби на бис се редовни и на најновата серија концерти што во текот од еден месец откако стартуваше новата сезона нашиот пијанист од светски глас Симон Трпчески ги отсвири низ Европа, соопшти КултурОп.

Како солист на Младинскиот оркестар на Европската унија, Трпчески под диригентската палка токму на Василиј Петренко настапи во Италија, Австрија и Холандија, а концертот во познатата сала „Концертгебау“ во Амстердам беше само еден од тие кои директно беа пренесувани на интернет. Големиот интерес да се проследи настап во живо на нашиот виртуоз резултираше со преноси со слика и звук и од концертите на отворањето на сезоната на Филхармонискиот оркестар на Осло во норвешката престолнина, како и на првиот од концертите на Трпчески со Рускиот национален оркестар под диригентската палка на легендарниот Михаил Плетњев во концертната сала „Чајковски“ во Москва на Денот на македонската независност.

Само десет дена подоцна, овојпат на својот 35-ти роденден (18 септември), Трпчески повторно ќе концертира во истата сала во руската престолнина, со врвниот Руски национален оркестар под палката на украинскиот диригент Кирил Карабиц, изведувајќи го Концертот број 3 за пијано и оркестар на Прокофјев.


Серијата концерти на нашиот пијанист низ Европа продолжува до крајот на ноември. Предвидени се оркестарски и камерни настапи во Ла Коруња, Барселона, Белфаст, Торино, Стразбур, Лондон, Бирмингем и повторно Амстердам, а на крајот на ноември и првата половина на декември во Соединетите Американски Држави и Канада.

Свет

Почина главниот пропагандист на севернокорејскиот режим

 Почина поранешниот севернокорејски пропагандист Ким Ки-нам, објавија утринава државните медиуми. Имаше 94 години.

„Почина од старост и оштетување на органите, за што се лекуваше од 2022 година“, објави официјалната агенција КЦНА, а пренесе Би-Би-Си.

Ким Ки-нам беше водечки пропагандист на Северна Кореја со децении, служејќи му на владејачкото семејство долго време, каде што придонесе за изградбата на култот на личноста на севернокорејските диктатори.

Севернокорејскиот лидер Ким Џонг-ун присуствуваше на неговиот погреб рано наутро и му оддаде почит на „ветеранот револуционер кој остана безгранично лојален“ на режимот, пренесе КЦНА.

Јужнокорејската новинска агенција Јонхап го спореди со шефот на пропагандата на нацистичка Германија Јозеф Гебелс.

Ким Ки-нам, кој немаше крвно сродство со владејачкото семејство, беше назначен за заменик директор на Одделот за пропаганда и агитација во Пјонгјанг во 1966 година, каде што тесно соработуваше со Ким Џонг-ил, претходникот и таткото на сегашниот лидер Ким Џонг-ун. Ким Ки-нам подоцна дојде и на чело на одделот.

Ким Ки-нам во 1970-тите бил назначен за шеф на државниот весник Родонг Синмун.

Тој со децении беше и главниот автор на политичките пароли на државата и имаше големо влијание врз нејзините медиумски и издавачки активности.

Ким Ки-нам се пензионираше во доцните 2010-ти, предавајќи ја својата улога на сестрата на Ким Џонг-ун, Ким Јо-Џонг, но продолжи да се појавува на јавни настани.

Свет

САД ја прекинаа испораката на бомби за Израел поради најавената офанзива на Рафа

-Минатата недела прекинавме испорака на пратка со оружје. Таа се состоеше од 1.800 бомби од 907 килограми и 1.700 бомби од 226 килограми. Не донесовме конечна одлука дали таа пратка ќе биде испорачана, рече претставникот.

Американските власти минатата недела одложија пратка бомби за Израел, откако еврејската држава не одговори на „загриженоста“ на Вашингтон за најавената офанзива во Рафа, во јужниот дел на Појасот Газа, изјави доцна синоќа неименуван високо позициониран американски функционер.

-Минатата недела прекинавме испорака на пратка со оружје. Таа се состоеше од 1.800 бомби од 907 килограми и 1.700 бомби од 226 килограми. Не донесовме конечна одлука дали таа пратка ќе биде испорачана, рече претставникот.

Одлуката била донесена затоа што Вашингтон се противи на голема офанзива што ја подготвуваат израелските војници во Рафа.

Вашингтон јасно стави до знаење дека не поддржува офанзива без кредибилен план за заштита на тамошните цивили.

Американскиот претседател Џо Бајден го повтори овој став пред два дена во телефонскиот разговор со израелскиот премиер Бенјамин Нетанјаху.

-Израелските и американските официјални лица разговараа за алтернативите, дискусиите се во тек и сè уште не се целосно решени нашите грижи, додаде американскиот функционер.

Израелската армија вчераутро распореди тенкови во Рафа, ја презеде контролата на граничниот премин со Египет и затвори две главни пристапни точки за хуманитарна помош, мерка што САД ја сметаат за „неприфатлива“.

Македонија

За победа во вториот круг избори за претседател потребни 362.864 гласови

Во вториот круг на гласање на претседателските избори ќе биде избран кандидатот кој ќе добие мнозинство од гласовите, доколку на гласачките места излезат повеќе од 40 отсто од Запишаните избирачи.

Во вториот круг на гласање на претседателските избори ќе биде избран кандидатот кој ќе добие мнозинство од гласовите, доколку на гласачките места излезат повеќе од 40 отсто од Запишаните избирачи, односно 725.727 гласачи, како што е предвидено во Изборниот законик, а за него гласале 362.864 избирачи.Доколку и во вториот круг ниту еден од двајцата кандидати не добил потребен број гласови, се повторува целата изборна постапка.

Во случаите кога ДИК со решение ќе го повтори гласањето во вториот изборен круг по листи на кандидат, повтореното гласање во вториот изборен круг се одржува во рок од 14 дена од завршувањето на вториот круг на гласањето во роковите определени од дик согласно изборниот законик.

Доколку биде исполнет цензусот и биде избран претседател на државата, неговата инаугурација треба да биде на 12 мај. Претседателот на Македонија се избира за време од пет години и за претседател исто лице може да биде избрано најмногу два пати.

притисни ентер