Тој потег, како што објави Волстрит џурнал, доаѓа на крајот на долгоочекуваната анализа на царините што беа наметнати за време на трговската војна меѓу Вашингтон и Пекинг. Тогашниот претседател Доналд Трамп воведе царини на стоки од Кина во вредност од околу 300 милијарди долари.

Официјалните лица оттогаш иницираа преглед на активностите, при што од трговскиот претставник на САД се бара да го разгледа влијанието на давачките -- првпат воведени во 2018 година -- по четири години.

Одлуката, што се очекува во наредниот вторник, според извештаите, ќе дојде додека претседателот Џо Бајден се подготвува за реванш со Трамп на претседателските избори во ноември.

Минатиот месец тој побара тројно зголемување на тарифите за кинескиот челик и алуминиум додека држеше говори во државата Пенсилванија.

Тарифната стапка за електричните возила, исто така, треба да се зголеми од 25 проценти на околу 100 проценти, се додава во извештајот./МИА

Палестинското Министерство за надворешни работи денеска соопшти дека гласањето на Генералното собрание на ОН за давање дополнителни права на Палестинците во светската организација покажало дека тие заслужуваат „полноправно членство“.

Гласањето „потврдува дека Палестина ги исполнува сите барања пропишани во Повелбата на Обединетите нации... Така таа заслужува, и е квалификувана да добие полноправно членство во Обединетите нации“, се вели во соопштението на Министерството за надворешни работи на Палестинската управа. /МИА

Екстремно левичарската партија Сумар, членка на шпанската коалициска влада, денеска покрена петиција со која бара Израел да биде исклучен од финалето на Евровизија в сабота поради војната во Газа.

„Потпиши СЕГА да го избркаш Израел од Евровизија, не дозволувај да настапи во саботното финале! Прочитајте ја онлајн петицијата која до пладне собра 7.000 потписи.

На чело со министерката за труд Јоланда Дијаз, број три во владата, од Сумар нагласија дека Европската радиодифузна унија (ЕБУ) изгубила „значаен дел од редовната публика на шоуто“ затоа што дозволила Израел да учествува додека „неговата армија го истребува палестинскиот народ и ја уништува неговата земја.

Француски министер попладнево ги осуди повиците за бојкот против учеството на Израел на Евровизија, апелираше политиката да се држи понастрана од тоа натпреварување.

„Политиката нема место на Евровизија“, изјави министерот за европски прашања Жан Ноел Баро за весникот „Либерасион“.

Притисокот да се бојкотира Израел е „неприфатлив“, рече тој.

Израелскиот пејач Еден Голан (20) вчера се квалификуваше за големото финале на Евровизија овој викенд со „Ураган“, песна која е изменета од нејзината оригинална верзија која алудираше на нападот на милитантите на Хамас врз Израел на 7 октомври.

Германија денеска соопшти дека повиците за бојкот на израелскиот тим на Евровизија се „неприфатливи“, откако демонстранти во земјата домаќин Шведска протестираа против израелското учество поради војната во Газа.

Повеќе од 10.000 луѓе излегоа на улиците на Малме за да го изразат противењето на Израел да учествува.

Германската министерка за култура Клаудија Рот рече дека „повиците за бојкот на учеството на израелските уметници на културните настани таму, како и секаде во Европа и Германија, се апсолутно неприфатливи“.

„Особено во овие времиња, ни треба поголема културна соработка меѓу Европа и Израел“, додаде таа на X, поранешен Твитер.

„Евровизиските ѕвезди особено од Израел се залагаа -- и сè уште се залагаат за -- отворено и разновидно општество. Антисемитизмот, омразата и насилството немаат место на овој важен музички настан“. /МИА