Крадците во раните утрински часови , околу 5 часот утринава, насилно влегле во палатата и ја украле златната школка вредна околу 5 милиони долари. Школката наречена ,,Америка” не е пронајдена , но полицијата уапсила еден 66- годишен маж како осомничен за кражбата.
Златната школка била изложбен предмет , дел од концептуалната изложба на уметникот Маурицио Кателан , што била отворена во четвртокот.
Поради грабежот , настанала поплава и значителна штета во палатата , бидејќи школката била вградена и функционирала како и секоја друга, па уметникот претходните два дена ги повикувал посетителите да ја користат. Уметникот ја проценува златната школка на над 5 милиони долари.
Палатата од каде е украдена златната тоалетна школка е на пописот на светското културно наследаство на УНЕСКО и е место каде што е роден поранешниот британски премиер Винстон Черчил. Додека трае истрагата , палатата ќе биде затворена за посетители.
Во палатата Бленхајм, тоалетот беше инсталиран веднаш до просторијата во која е роден Черчил. Каталогот на изложбата вели дека делото може да се процени како коментар за социјалната, политичка и економска разновидност на САД.