Многу познати дами го променија својот изглед, а Ријана меѓу првите ги најави трендовите што ќе доминираат оваа сезона.
Дамите сè почесто експериментираат со бојата на коса, па гледаме дека се присутни фризури со прамени во светло црвени тонови кои, како што велат стручните лица, ќе бидат апсолутен хит оваа година. Многу познати дами ја променија бојата на косата, па ја видовме и познатата пејачка Ријана која се појави како русокоса, и за која еден познат стилист открива дека тоа ќе биде одличен избор оваа година.
„Златните зраци на сонцето“ од оваа топла боја беа видени кај Кара Делевињ и Сиена Милер, пренесува popsugar.co.uk. Исто така живите бои, стануваат апсолутен хит. Тие совршено се вклопуваат во трендовите и не бараат посебно одржување.
Софи Кejбел од „The House of Keune by Bloom“ (познат фризерски салон во Лондон) објаснува дека се претпочитаат фризури со поприродни, потопли нијанси во коренот на косата, бидејќи процесот на растење е незабележлив и овозможува подолго време да не посетувате фризерски салон. За да бидете забележани и да го одржите вашиот изглед свеж во следните сезони, еве неколку предлози за најдобра боја на коса.
„Сируп“ руса
Според стилистите за коса, „сируп“ руса е совршена боја за напролет. Природна е, а ако додадете малку посветли тонови, тоа на косата ќе ѝ даде сосема нова димензија. Обидете се да најдете шампон што ќе го минимизира измивањето на бојата и ќе ја одржи вашата фризура сјајна и свежа.
Црена цреша
Опсесијата со црвената боја не стивнува, па често ја гледаме кај многу инфлуенсерки. Оваа неверојатна и елегантна нијанса на црвено прави рамнотежа помеѓу смелоста и софистицираноста. Иако е одлична идеја за пролетен изглед, мора да внимавате бидејќи тешко се постигнува, особено ако тргнувате од потемна основа.
За бојата да изгледа свежо и живописно, оваа фризура бара редовно тонирање.
„Мока“ и „лате“ руса
Кејбел објаснува дека овие две нијанси исто така ќе бидат голем хит во 2024 година и дека се идеални за потопли кафени тонови на коса или кога преминувате во русокоса. Таа наведува дека овие нијанси се популарен избор и дека честопати ги користат светлите бринети и русокоси за да добијат софистициран и поразновиден изглед.
Природен раст и живи бои
„Живите бои“, како што ги нарекуваат стилистите за коса, стануваат популарни во различни нијанси, вклучувајќи ја русата, кафената и бакарната. Жените често се одлучуваат за поприродни тонови на избраната боја на коса, а Кејбел објаснува дека бакарната боја е боја на сезоната. За да постигнете најдобар ефект, бидејќи техниката се изведува прилично сложено, најдобро решение е да посетите салон.