Тој веќе беше договорен и требаше да игра за велшкиот клуб по одличната сезона во Франција, но во јануари 2019 година неговиот авион исчезна од радарот.
Подоцна се испостави дека тој завршил во Ла Манш. Во неофицијалните резултати од истрагата, објавени во емисијата „Истрага на воздушни несреќи“ на National Geographic, како можни причини за несреќата се наведува неискуството на пилотот за летање без инструменти во текот на ноќта, лошите временски услови кои владееле во тоа време на пат кон Кардиф, како и можен дефект на системот за вентилација. Сепак, ова никогаш не можело целосно да се утврди.
Било откриено дека летот првично бил планиран да се реализира во текот на дневните часови, но потоа се случила серија презакажувања, па паднал мрак и пилотот Иботсон и Емилијано Сала полетале, што на крајот се покажало како трагично.
Кардиф смета дека Нант е одговорен за летот со кој патувал Сала и затоа поднел тужба до судот на Нант барајќи компензација за загубата на приходите и други штети кои ги претрпела поради смртта на аргентинскиот фудбалер.
По анализата направена од правен експерт, штетата на Кардиф е проценета на 120,2 милиони евра, изјави адвокатката Селин Џонс за Франс прес, со што ја потврди информацијата која прв ја објави Екип.
Претходните проценки за оваа штета изнесуваа 100 милиони евра, а во друга постапка ФИФА му наложи на Кардиф да му го исплати на Нант остатокот од трансферот кој изнесувал околу 11 милиони евра.