Џенет Џексон и нејзиниот трет сопруг Висам Ал Мана се разделија кусо по раѓањето на нивниот син, но нема никакво непријателство меѓу нив. Имаат неограничена доверба еден во друг, и двајцата се прекрасни родители на малиот Еиса и го гледаат подеднакво, нема никаков проблем во нивното функционирање откако не се во брак - вели пријател на семејството за „People“.
По разделбата, 42 годишниот бизнисмен од Катар ја напиша оваа порака за Џенет.
- Најубавата личност на светот. Ти благодарам за твојата волшебна љубов, твојата неограничена поддршка и што беше мој најдобар пријател. Те сакам многу, се надевам ќе бидеме заедно во вечноста...
Radar Online пак пишува дека Џенет се изолирала од другите членови на семејството и живее сама со детето во Лондон. нејзината 19 годишна внука Парис Џексон се понудила да се пресели кај неа да и помага околу бебето, но Џенет засега останува сама. Таа, според таблоидите, од октомври ќе ја продолжи својата турнеја што ја прекина поради бременоста во 50-тата година од животот.
Таблоидите пишуваа дека причина за разводот бил константниот напор на Висам да ја конторлира својата сопруга, неговите негодувања околу нејзините концерти и начинот на кој се облекува, и неговиот диктат во сите области во животот - нешто што Џенет повеќе не можела да го поднесе...