Иако не била закажана средба со владини претставници, Помпео потврди дека би сакал да ги „убеди“ да престанат со „многу агресивни“ активности.
Помпео, чија програма на посети предизвика критики од Анкара, се состана утрото со Цариградскиот патријарх Вартоломеј, духовен поглавар на Православната црква, во седиштето на Константинополската Вселенска патријаршија, пред да ја посети блиската џамија Рустем Паша.
Во придружба на неговата сопруга и американскиот амбасадор во Анкара, Дејвид Сатерфилд, Помпео потоа се состана со апостолскиот нунциј во Турција, Пол Расел, во неговиот хотел.
На состаноците, министерот за надворешни работи на САД разговарал за „верските прашања во Турција и регионот“ и го потврдил „цврстиот став на САД во врска со ова прашање“ што Помпео го наведе како врвен приоритет во областа на човековите права.
„Ние сигурно имаме за што да разговараме во однос на верските слободи во Турција“, рече Помпео.
Турција доживеа бран критики од христијанскиот свет во јули кога ја претвори поранешната базилика Света Софија во џамија, лишувајќи ја од музејскиот статус.
Анкара рече дека верската слобода во Турција е заштитена и дека САД треба да се погледнат во огледало и да се соочат со расизам, исламофобија и злосторства од омраза во својата земја.
Без билатерални разговори, Помпео нема да може да разговара со турските колеги за голем број спорни прашања што ги покренал вчера на разговорите со францускиот претседател Емануел Макрон. Тој се согласи со него дека неодамнешните потези на Турција биле „многу агресивни“ и тие исто така разговарале за поддршката на Турција за Азербејџан во конфликтот во Нагорно Карабах и однесувањето на Турција во Либија.
Неодамна, Стејт Департментот потврди дека санкциите против Турција се „многу реални“.