Живот

Последна желба: За да го усреќи мажот кој умира, ослабела 63 килограми (фото)

Според прогнозите на лекарите, Рики Карингтон ќе живее уште 15 месеци, бидејќи има неизлечлив тумор на мозокот.

Неговата сопруга Тејлор одлучила да му ја исполни последната желба – и да ослаби поради него.

Тејлор во моментот кога ја дознала страшната вест имала 137 килограми. После шокот и прифаќањето на фактот дека од својот сакан ќе се раздели засекогаш, сфатила дека треба да направи нешто за да биде во што подобра физичка форма и да сите преостанати денови да ги поминат што подобро.

Image may contain: 8 people, people smiling, people standing, wedding, tree, outdoor and nature

„Направив гастро бајпас, почнав да вежбам и здраво да се исхранувам. На мојот маж му е многу важно како изгледам, а досега не бев баш најсвесна за тоа. Исфрлив се што е нездраво и ослабев 63 килограми. Сакам да надоместам за сите моменти кои поради изгледот не можев да ги поминам во бикини“ – изјави таа.



Претходно била на мета на критики поради килограмите, се плашела од се, се чувствувала лошо, а сега има многу енергија и самодоверба.

„Претходно моите реакции и емоции беа насочени кон храната, без разлика дали бев среќна или тажна. Кога на Рики му рекоа дека има тумор на мозокот и дека нема уште долго да живее, знаев дека морам нешто да променам“ – изјавила Тејлор.

Оваа храбра жена изјавила дека планира да почне поактивно да се занимава со бодибилдингот, да се натпреварува, а мажот во сето тоа ја поддржува.

Шоу биз

Јелена Карлеуша најави што ќе објавува на „OnlyFans“: Тоа не е дозволено на „Instagram“

На „Instagram“  ја следат речиси два ипол милиони следбеници, но и покрај тоа, оваа социјална мрежа има многу ограничувања, кои се „проблем“ за Јелена Карлеуша.

Иако многумина се надеваа дека содржината на пејачката на „OnlyFans“ ќе биде многу поексплицитна, таа проговори на оваа тема и објасни за што всушност се работи.

„Instagram ги заостри правилата и ја санкционира секоја поексплицитна содржина, па дури и фотографии во бикини. Затоа сум на „OnlyFans“. Реакциите се како да најавив снимање на порно, секакви работи“, изјави Јелена Карлеуша за Информер. .

Извор: Аваз

Автомобилизам

Членките на ЕУ одобрија построги ограничувања за CO2 за камиони и автобуси

Земјите-членки на Европската унија денеска одобрија нов закон со кој ќе се заострат ограничувањата за емисиите на јаглерод диоксид (CO2) од тешките патни возила, како камиони и автобуси.

Како што пренесе ДПА, законот ќе ги прошири правилата согласно кои моментално се регулираат камионите со тешки товари за да ги опфатат урбаните автобуси, автобусите и приколките.

Просечните емисии на CO2 за големите патни возила треба да се намалат за 45 проценти до 2030 година, 65 отсто до 2035 година и 90 проценти до 2040 година, во споредба со нивоата од 2019 година. Урбаните автобуси не би требало воопшто да испуштаат CO2 до 2040 година и да ја исполнат целта за намалување од 90 отсто до 2030 година.

Ограничувањата беа привремено договорени во јануари од Белгија, дејствувајќи во име на земјите-членки на ЕУ и преговарачите за Европскиот парламент. Највисоките дипломати потоа му дадоа зелено светло на тој договор во февруари, отворајќи го патот за позитивно гласање во Европскиот парламент во април.

Денешната одлука на министрите од земјите-членки е последниот чекор. Се очекува Европската комисија да го разгледа влијанието на законот во 2027 година.

Во соопштението за печатот на ЕУ се вели дека тешките возила се одговорни за 25 отсто од емисиите на стакленички гасови од патниот транспорт во ЕУ. Првите ограничувања за такви возила беа поставени во 2019 година. /МИА

Свет

Британскиот крал Чарлс му предаде воена улога на принцот Вилијам

Британскиот крал Чарлс официјално му ја предаде улогата на врховен полковник на армискиот воздушен корпус на принцот Вилијам за време на посетата на аеродромот во Хемпшир.

Чарлс, кој е инаугуриран носител на оваа титула веќе 32 години, попладнево се сретна со својот најстар син во редок заеднички официјален ангажман во базата Мидл Валоп за да му ја пренесе улогата.

Воздухопловниот корпус на Армијата е старата единица на војводата од Сасекс, во која служеше како командант на хеликоптер Апачи и копилот-стрелец за време на неговата втора воена служба во Авганистан во 2012 година.

Одлуката на кралот да му ја предаде улогата на Вилијам се сметаше за удар за Хари кога беше објавена минатата година.

Кралот рече дека е „голема радост“ да се сретне со војниците, нивните семејства и ветерани при претходна посета на Музејот на военото воздухопловство, но додаде дека предавањето било „преплавено со голема тага“.

- Се надевам дека во иднина ќе бидете се поуспешни со принцот од Велс како ваш нов врховен полковник, рече крајот Чарлс.

- Одлична работа е што тој навистина е многу добар пилот – па тоа е охрабрувачки, додаде британскиот крал. /МИА

притисни ентер