Принцот од Велс откри дека и принцот Џорџ е навивач на клубот Вест Мидлендс, откако ја прослави победата на Астон Вила над Лил од 2:1, пишува британски Мирор.
Синоќешното појавување беше првото на кое Вилијам и Џорџ се фотографирани откако Кејт, принцезата од Велс, објави дека ѝ е дијагностициран рак, иако не се знае од каков тип.
Кејт имаше операција на абдоменот во јануари, по што во јавноста беше објавено дека ќе се врати на јавните обврски по Велигден.
Во март, принцезата ја објави својата дијагноза во видео порака и рече дека ќе се повлече од очите на јавноста за време на лекувањето.
Кралот Чарлс се лекува и од рак кој бил откриен при рутински преглед на простата, а според Бакингемската палата, британскиот монарх е добро.