Кошарка

Работнички останува во Прва лига, натпреварот со службен резултат за МЗТ Скопје Аеродром

Комесарот за натпревари Бобан Јосифовски донесе одлука кошаркарскиот клуб Работнички да остане во Првата лига, а не да биде исклучен и префрлен во најнизок ранг.

Одлуката е донесена по сугестиите од Арбитражната комисија на МКФ и добиените дополнителни изјави од сите службени лица, од актерите (играчи и тренери) на натпреварот од двата тима, како и од изјавите дадени во медиумите веднаш по прекинот на натпреварот меѓу Работнички и МЗТ Скопје Аеродорм.

Работнички прекинатиот натпревар со „големиот ривал“ го губи со службен резултат 20:0 и не добива еден бод како поразен тим. Притоа поради пропустите во огранизацијата и недоличното навивање Работнички е казнет парично со 42.000 денари, а ривалот МЗТ Скопје заради фрлање на предмети на своите навивачи е казнет со вкупна казна од 34.000 денари.

Делегатот на натпреварот Блаже Поповски е казнет со четири натпревари во темпо на делегирање.

Суспендирани се: Марин Докузовски (тренер на КК Работнички), Марјан Србиновски (помошен тренер на КК Работнички) и Горан Геровски (претседател на КК Работнички), кои дополнително ќе бидат казнети од Дисциплинската комисија.

Незадоволната страна има право на жалба до Арбитражната комисија при МКФ во рок од 24 часа од доставувањето на одлуката. /МИА

Регион

Во Србија уапсија човек поради закани кон претседателот на таа држава

Српската полиција уапсило лице за кое тврди дека упатувало закани кон претседателот на таа држава. 

Министерот за внатрешни работи на србија, Ивица Дачиќ изјави дека е уапсен Д.М. од Сомбор поради закани за загрозување на безбедноста на претседателот на Србија, Александар Вучиќ.

„Поради закана за загрозување на безбедноста на претседателот на Републиката, уапсен е Д.М. од Сомбор, кому му е одредена мерка притвор во полиција од 48 часа“, се вели во соопштението на МВР на Србија.

Вучиќ на социјалната мрежа Х изјави дека е шокиран од атентатот врз словачкиот премиер и дека се моли за здравје на големиот пријател на Србија, Роберт Фицо.

Регион

Претставници на Западен Балкан, ЕУ и САД во Котор ќе разговараат за планот за раст на регионот

 Црна Гора денеска ќе ги собере лидерите од Западен Балкан и претставници на Европската Унија и САД на самит на кој ќе разговараат за планот за раст на ЕУ за Западен Балкан.

Домаќин на самитот во Котор, под слоганот „Еден регион, заедничка визија“ ќе биде премиерот на Црна Гора, Милојко Спајиќ.

На состанокот ќе учествуваат и европскиот комесар за соседство и проширување Оливер Вархеј и помошникот државен секретар на САД за Европа и Евроазија Џејмс О'Брајан.

Стејт департментот соопшти дека О'Брајан и другите учесници на самитот во Котор ќе се фокусираат на регионалната економска интеграција и можностите за раст понудени од Планот за раст на Западен Балкан и ќе ја зајакнат силната американска поддршка за патот на Западен Балкан кон членство во ЕУ.

Заедно со лидерите и министрите на земјите од регионот, во Котор беа поканети и партнерски организации, како што се Советот за регионална соработка, Европската банка за обнова и развој, Европската инвестициска банка, Светската банка, Транспортната заедница, Атлантска алијанса, Енергетска заедница, Фондација Отворено општество, РеСПА, ГИЗ.

Планот за раст на Западен Балкан, што Европската комисија го усвои во ноември, а ЕУ пред две недели, предвидува финансиска поддршка од шест милијарди евра, од кои две милијарди се грантови, а четири милијарди се поволни заеми обезбедени од ЕУ.

Услов за добивање средства е спроведување на реформите, пред се во делот на почитување на демократските механизми, владеењето на правото и основните права. Планот го опфаќа периодот од 2024 до 2027 година и предвидува секоја влада од Западен Балкан шест да добива одредена сума пари на секои шест месеци, во зависност од реформите што ги спроведувала во тој период.

Свет

Путин во посета на Кина

Претседателот на Русија, Владимир Путин денеска пристигна во дводневна посета на Кина, при што ќе се сретне со кинескиот колега Си Џинпинг и ќе се обиде да добие поголема поддршка за војната против Украина.

Тоа е прво патување на Путин во странство откако тој беше реизбран за претседател во март.

Путин за нешто повеќе од шест месеци вторпат е во посета на Кина.

притисни ентер