Имено, ракетниот систем би овозможил од еден на друг крај на Земјата да стигнеме за еден час, а идејата ја демонстрираше на сцена. Тој објасни дека ваквиот начин на патување би им овозможил на патниците да поминуваат големи далечини и да патуваат за 30 до 60 минути и тоа по иста цена која во моментот ја нудат економските класи на авио-компаниите.
Предложил мега-ракета, по името „Big Fucking Rocket” или VFR да лансира огромен вселенски брод во Земјината орбита. Бродот потоа би се приземјил на периферијата на светските метрополи. Иако сето тоа во моментот е само замисла, Илон се надева дека со првите проекти ќе се почне низ шест до девет месеци.
Во снимката е прикажана илустрација на идејата, а патниците прво ќе се качат на големиот брод кој ќе ги пренесе до базата. Потоа ќе се користи истата ракета со која Маск планира да испрати луѓе на Марс во 2024 година. Сепак, наместо да оди на друга планета откако ќе ја напушти Земјината атмосфера, бродот ќе се раздвои и ќе тргне кон друг град – во прикажаното видео станува збор за пат од Њујорк до Шангај. За само 39 минути патниците би поминале пат 11.851 километар.
Од Хонгконг до Сингапур патот ќе трае 22 минути, од Лондон до Дубаи или Њујорк 29 минути, а од Лос Анѓелес до Торонто 24 минути.
Маск објасни дека леталото може да прими меѓу 80 и 200 луѓе, како и дека се извршени 16 успешни пробни слетувања, но повеќе детали за проектот не откри.
Главното прашање е: дали луѓето ќе бидат подготвени да ги изложат своите тела на екстремен стрес за да заштеди неколку часа пат?