Формула

Рикардо: Треба да ја донесам втората најважна одлука во мојот живот

Пилотот на Ред Бул, Даниел Рикардо сака неговиот следен договор со тим од Формула 1 да биде со соодветна сума за неговите квалитети. 

Австралиецот верува дека, влегувајќи во својата осма година во мотоспортот, тој заслужил посериозна плата и однос кон него.

По Големата награда на Франција, пилотот рече дека очекува разговорите меѓу него и Ред Бул да станат сериозни. Желбата на Рикардо е да го стори тоа пред трките во Австрија и во Велика Британија, кој тој ги опишува како „домашни“ за тимот.

Последните години околу Австралиецот има гласини дека ќе избира помеѓу Мерцедес и Ферари, откако неговиот договор со Ред Бул истекува. Минатата недела во западните медиуми имаше информации дека Мекларен е подготвен да му понуди голема плата, ако Фернандо Алонсо одлучи да го напушти британскиот тим.

Рикардо рече дека титулата кај пилотите ќе биде приоритет за него од сезоната 2019 и понатаму, но сега се враќа кон своите лични ангажмани во Формула 1, кои ќе му овозможи да ја исполнат таа цел.

- Приоритет е да се обидам да го направам автомобилот најсилен на патеката. Верувам дека е можно. Ова е првото нешто што доаѓа во мојот ум. Ако нема шанси да се случи тоа, тогаш треба да ги разгледам другите опции. Мислам дека како пилот давам многу. Твојата цена како натпреварувач е „X“ сума на пари. Таа треба да се дефинира и да се добива, во однос на она што си го дал на спортот. Чувствувам дека имам одредена вредност и сакам сите мои очекувања да бидат оправдани, бидејќи луѓето очекуваат од мене да ги оправдам нивните, рече Рикардо.

Рикардо ќе наполни 29 години во недела, а во неговата кариера има 137 трки и 7 победи.

- Ако не ја освојувам титулата и завршам четврти или петти, нема да има никаква разлика. Единствениот начин на кој мојата кариера може да направи чекор назад е ако престанам да се справувам добро. Не се плашам од ништо. Најтешко беше да се напушти Австралија и да дојдам во Европа. Не верував дека сум многу добар, но тоа беше важна одлука во мојот живот. Мојата одлука во 2019 година ќе биде втората најважна работа во мојот живот, по преселувањето од Австралија, заврши пилотот на Ред Бул

Фудбал

Ибрахимовиќ: Тешко ми беше да се откажам од фудбалот поради моето его

Поранешниот напаѓач Златан Ибрахимовиќ зборуваше за подкастот на „АБТалкс“ каде што разговараше за неговото пензионирање од фудбалот, неговото враќање во Милан како главен советник на сопственикот на клубот и за смртта на неговиот агент Мино Раиола.

-Добро сум, така ме третира животот. Секако, се повлеков од фудбалот пред повеќе од осум месеци, така што мојот живот сега е поинаков. Прифатив да се откажам од фудбалот, што беше тешка работа поради моето его и начинот на кој се доживував себеси. Мислам дека сум најдобар и сè уште сум таков. Можев да продолжам, но решив да престанам. Зошто? Сакам само добар живот за моето семејство. Сакав да правам работи со моите синови, а пред тоа не беше можно бидејќи имав проблеми со едното колено. Така го прифатив тоа и дојде момент кога си реков: „Во ред е, откажи се и отвори ново поглавје од твојот живот, вели популарниот Ибра.

Потоа, неколку месеци подоцна, го запознава Гери Кардинале, кој го надгледува фондот „РедБрд“ што го купи Милан.

-Ми даде понуда што не можев да ја одбијам. Така почнав да работам со Милан, откако бев во клубот три-четири месеци. Добро се однесуваат со мене таму, морам да признаам. Кога почина мојот агент Мино Раиола, тоа беше голем удар за мене. Многу плачев. Сè уште не е исчезнато чувството, бидејќи спомените постојано ми се враќаат. Скршен сум затоа што многу ми недостига. Секој што го познава знае колку бевме блиски. Да можам би му напишал: „Ми недостигаш“, сподели Ибрахимовиќ. /МИА

Шоу биз

Почесна Златна палма за Мерил Стрип на Канскиот филмски фестивал

 Познатата американска актерка Мерил Стрип (74) ќе добие почесна Златна палма за време на церемонијата на отворањето на овогодишниот Меѓународен филмски фестивал во Кан на 14 мај, соопштија денеска организаторите.

Холивудската актерка со рекордни 21 номинација за престижниот Оскар само еднаш била на Канскиот фестивал. Тоа беше пред 35 години кога филмот „Плач во темнината“ во кој играше, доби една од наградите на Канскиот фестивал.

Мерил Стрип освои три Оскари за улогите во филмовите „Крамер против Крамер“ (1980), „Изборот на Софија“ (1983) и „Челичната дама“ во 2012 година.

Актерката се прослави во филмовите „Лов на елени“, „Жената на францускиот поручник“, „Мојата Африка“, „Мостовите на округот Медисон“, „Сомнеж“ и „Заљубување“.

Почесна Златна палма годинава ќе добијат креаторот на серијата „Војна на ѕвездите“, Џорџ Лукас и колективно Студио Гибли на јапонскиот режисер за анимација Хајао Мијазаки.

Канскиот фестивал ќе се одржи од 14 до 25 мај, а за Златната палма се натпреваруваат повеќе од 20 филмови, меѓу кои и новиот филм на Френсис Форд Копола „Мегалополис“. /МИА

Фудбал

ФА го суспендираше Тонали на два месеци

Сандро Тонали беше суспендиран од фудбалот на два месеци. Нему му пресуди Независната регулаторна комисија откако призна дека учествувал во забрането обложување.

Покрај тоа, тој е казнет со 20.000 фунти и предупреден за понатамошно однесување.

Суспензијата е таква што Тонали нема да може да се врати на терените до крајот на сезоната, до кога ќе истече десетмесечната казна што му ја изрече Италијанската фудбалска федерација на 27 октомври 2023 година.

Доколку не го повтори истиот прекршок до крајот на сезоната, нема да мора да ја одлежи оваа двомесечна суспензија.

Фудбалскиот сојуз и Регулаторната комисија оценија дека Тонали соработувал и признал се за што е обвинет „на исклучителен и досега неевидентиран начин“.

Тонали целосно ги признал сите свои прекршоци, а тоа го направил во ситуација кога доказите практично не постоеле.

Тој продолжува да оди на терапија и едукативни програми на кои е должен да присуствува со целосна поддршка од клубот и продолжува да тренира со екипата./МИА

притисни ентер