„Загина 42 годишен маж од Делчево, излетал од патот, малолетен мотоциклист загина во сообраќајна несреќа, почина возач, сопатникот тешко повреден, петмина повредени во сообраќајка, меѓу нив и две деца“ – се само еден мал дел од медиумските наслови во последниве недела дена, на патиштата во Македонија, во овој период, речиси секој ден има по еден загинат. Брзината и натаму остануваат ризик број еден за прераната смрт на улиците кои се се пораздвижени со потоплото време, велат од МВР..
-Според сите наши анализи, но анализите на другите полиции, брзината е најчеста причина за тешки сообраќајни несреќи, односно оние сообраќајни несреќи каде што имаме жртви, каде што имаме тешки телесни повреди, токму поради тоа, ние како МВР сме насочени најмногу на санкционирање на овој прекршок,- – Тони Ангеловски – Портпарол на МВР.
Изминатата година полицијата напишала над 250.000 казни само за пребрзо возење....
Последната тешка сообраќајна несреќа во Скопје се случи на оваа крстосница, а жената чие возило беше преполовено заврши со тешки повреди..
Неколку дена по несреќата екипата на Канал 5 дојде на истото место... Затекнавме од малолетни мотоциклисти на пешачки патеки, до сериозни пречекорување на брзната на партизанска која е ограничена на 50 км на час..
Пешаците пак улиците ги преминуваат ако некој од возилата се смилува да ги пропушти.. Инаку во изминатиов период беа прегазени и неколку пешаци, последниот загина на регионалниот пат Струмица – Валандово..
Според универзитетскиот професор по безбедност во сообраќајот - Зоран Јошевски, недостасува соодветен сообраќен систем, бидејќи државава, според него, во моментов го нема..
Претстојниот период доаѓаат и матурските прослави каде голем дел од средношколците ќе седнат позади воланот. Од МВР апелираат до родителите, но и до матурантите, да не користат возила, заради нивната лична безбедност..