Туск не даде детали за планираните активности или средствата што ќе бидат наменети за нив, но рече дека кога безбедноста на Полска е во прашање, „нема да има ограничувања“.

„Полско-белоруската граница е уникатно место поради притисокот на илегалните мигранти. Всушност, имаме работа со растечка хибридна војна“, рече премиерот при обиколката на границата каде што се сретна со војници и граничари. „Сакам да нема сомнежи овде - земја која покажува сè поагресивни намери кон Полска, како Белорусија, е коорганизатор на оваа практика на полската граница.“

Во 2021 година, претходната полска влада и Европската унија ја обвинија Белорусија дека го организира протокот на мигранти за да изврши притисок врз ЕУ поради санкциите наметнати од европската институција кон Минск, но Белорусија ги отфрли обвинувањата.

Оттогаш продолжуваат обидите за преминување на границата, а бројките варираат со текот на времето. Полските граничари велат дека секојдневно евидентираат околу 300 обиди за илегално преминување на границата. Заладените односи меѓу соседните земји дополнително се влошија по инвазијата на Украина од страна на белорускиот сојузник Русија.

Претходната полска влада подигна ограда на полско-белоруската граница, долга повеќе од 180 километри и висока пет и пол метри, во обид да се заштити од илегалните мигранти. После тоа, беше инсталиран систем на камери и сензори кои ја надгледуваат границата.

Туск рече дека новите утврдувања ќе бидат поставени долж „целата источна граница“, но не даде детали.

„Тоа не е само внатрешната граница на Полска, туку и границата на ЕУ. Затоа, не се сомневам дека цела Европа ќе мора да инвестира во сопствената безбедност, инвестирајќи во источната граница на Полска и во безбедноста на нашата заедничка граница“, рече Туск.

Новиот германски шампион Баер Леверкузен на своите навивачи им нуди бесплатни тетоважи за да ја одбележат историската сезона, во која веќе ја освоија шампионската титула, но се уште имаат шанса за тројната круна бидејќи играат со Кајзерслаутерн во финалето на купот и со Аталанта во Лигата на Европа во финалето во Даблин на 22 мај.

Со ремито 2:2 против Рома, со кое ја потврдија победата од 2:0 од првата полуфинална средба, фармацевтите ја продолжија серијата без пораз на 49 натпревари оваа сезона и го соборија повеќедеценискиот европски рекорд на Бенфика, поставен помеѓу 1963 и 1965 година.

Liebe, die ein Leben hält! Als Dank für eure großartige Unterstützung während dieser sensationellen Saison könnt ihr euch kostenlos eines von vielen verschiedenen #Bayer04-Motiven tätowieren lassen.🖤❤️
Infos und den Link zur Anmeldung findet ihr hier:
🔗https://t.co/uuEg7uB7r6 pic.twitter.com/lgpe2f2qjB

— Bayer 04 Leverkusen (@bayer04fussball) May 10, 2024

Баер ги опиша тетоважите како „специјална промоција на крајот на посебната сезона“ и им понуди на фановите да изберат една од многуте тетоважи со клупска тема и да закажат состанок за бесплатно да добијат нова декорација за својата кожа.

Една жена загина кога бура урна дрво на нејзината семејна куќа, соопшти Канцеларијата на шерифот на округот Леон.

Ова е најмалку петтото лице кое го загубило животот од тешките временски услови во САД оваа недела.

Едно лице загина во силно торнадо во понеделникот во мало гратче во американската сојузна држава Оклахома, а две лица загинаа во невремето во средата во Тенеси и едно во Северна Каролина.

Околу 140.000 луѓе останаа без струја во главниот град на Флорида, Талахаси, а се проценува дека уште 200.000 домови и деловни објекти се без струја од Мисисипи до Северна Каролина, објави АП.

Во Талахаси, забележани се удари на ветер од 80 до 100 милји на час, со брзина поголема од интензитетот на ураганот, соопштија градските власти.

„Нашата област доживеа катастрофални штети од ветер“, напиша градоначалникот на Талахаси, Џон Дејли на платформата X.

Градските власти очекуваат работата за поправка на електричната мрежа да трае до крајот на викендот.