Живот

Спречен „Нотр Дам во Њујорк“, уапсен маж со канти со бензин

Њујоршката полиција уапсила 37- годишен маж кој  влегол во католичката катедрала Свети Патрик во Њујорк со канти полни со бензин, течен гас и запалка.

Веднаш откако осомничениот влегол во катедралата која се наоѓа во центарот на Менхетн му пришол припадник на обезбедувањето , соопштила њујоршката полицаја.

Кога се свртел за да помине бензинот од кантите му се истурил на подот,а чуварот веднаш ги информирал полицајците кои биле распоредени пред црквата, пренесе АП:

Полицијата веднаш го уапсила 37- годишниот маж и тој бил однесен на сослушување, изјави Џон Милер заменик на комесар за разузнавање и антитероризам во њујоршката полиција.

Според неговата изјава осомничениот кај себе имал канти со околу 18 литри бензин, две боци со течен гас и запалки, што било причина за голема загриженост.

Осомничениот при сослушувањето во полиција изјавил дека минувал низ црквата за да стигне од Петата авенија до Авенијата Медисон и дека неговото комбе останало без бензин.

Полицијата ги проверила овие наводи и открила дека возилото на осомничениот не останало без бензин, по што мажот бил уапсен. Инаку, тој од претходно и бил познат на полицијата.

Инцидентот во Њујорк се случува само два дена по страшниот пожар на катедралата Нотр Дам во Париз.

Шоу биз

Ева Лонгорија блесна на црвениот тепих во Кан, облечена во фустан со бисери

Актерката Ева Лонгорија блесна на црвениот тепих на Канскиот филмски фестивал. Лонгорија присуствуваше на премиерата на „Kinds Of Kindness“, со Ема Стоун и Џо Алвин во главните улоги.

Таа носеше блескав фустан со бисери и кристали создаден од модниот дизајнер Ели Сааб. Голиот грб и деколтето го истакна со фустанот. Заедно со оваа модна комбинација, Лонгорија реши да ја обликува косата во светли бранови. Таа со својот изглед ги привлече сите погледи и внимание на фотографите.

Лонгорија на премиерата на филмот „Kinds of Kindness“ пристигна во друштво на нејзината колешка, актерката Ајшварија Раи Бачан, која исто така воодушеви од модната комбинација.

Ева привремено се сели во Шпанија со нејзиниот сопруг Хозе Бастон и синот Сантијаго, неодамна објави „ Page Six“.

„Таа ќе поминува многу време таму бидејќи има проекти за целата втора половина од годината“, изјави извор за „Page Six“.

Ева има шпанско државјанство и куќа во Марбела. Нејзиниот сопруг и таа купија викендица таму на почетокот на 2023 година. „Тоа е мојата оаза, мојот рај“, изјави актерката за време на интервјуто за „Hello!“ во јануари 2024.

„Кога не сум тука, работам без престан“, додаде таа.

Извор: Индекс.хр

Фудбал

Ројс го постигна својот 100-ти гол за Борусија на домашен терен во неговиот последен настап

Фудбалерот од средниот ред на Борусија, Марко Ројс постигна гол на денешниот натпревар од 34. коло од Бундеслигата со Дармштад, кој се играше на стадионот „Сигнал Идуна Парк“ во Дортмунд.

Триесет и четиригодишниот фудбалер упати прецизен удар во противничкиот гол во 38. минута од натпреварот. Ова е негов јубилеен, 100. гол на домашните натпревари на Борусија.

Ројс имаше и асистенција на овој натпревар.

Германскиот играч за врска го одигра последниот натпревар со Борусија во Бундеслигата. Тој ќе го напушти тимот како слободен играч во јули. /МИА

Фудбал

Баер го победи Аугсбург и ја заврши сезоната во Бундеслигата без пораз

Баер попладнево оствари домашна победа над Аугсбург (2:1) во натпреварот од 34. коло на германскиот фудбалски шампионат.

За домаќините погодија Виктор Бонифас и Роберт Андрич, голот за Аугсбург беше дело на Мерт Комура.

Избраниците на Чаби Алонсо, кои рано станаа германски шампиони, Бундеслигата ја завршија непоразени, освојувајќи 90 бода. Серијата без пораз на Леверкузен во сите натпреварувања достигна 51 натпревар.

Аугсбург заврши 11-ти со 39 бодови./МИА

притисни ентер